ଅର୍ଗସ ବ୍ୟୁରୋ : ପଦ୍ମ ଧରି ଓଡ଼ିଶା ଫେରିବା ପରେ ଭର୍ତ୍ତୃହରିଙ୍କ ଦମ୍ଭୋକ୍ତି । ବିଜେଡ଼ି ଦୁର୍ଗ ହେବ ପତନ । ୨୪ ବର୍ଷ ଶାସନର ହେବ ଅନ୍ତ । ଜୁନରେ ଆସିବ ପରିବର୍ତ୍ତନ । ଷଷ୍ଠ ପାଳି ନୁହଁ, ହେବ ସତ୍ତା ପରିବର୍ତ୍ତନ । ପ୍ରଧାନମନ୍ତ୍ରୀ ଓ ଗୃହମନ୍ତ୍ରୀଙ୍କ ଆଶା କରିବି ପୂରଣ । ଯେଉଁ ଭର୍ତ୍ତୃହରିଙ୍କୁ ଜିରୋ କହି ପରିହାସ କରିଥିଲା ବିଜେଡି। ବିମାନ ବନ୍ଦରରେ ତାଙ୍କୁ ସ୍ବାଗତ ପାଇଁ ଜୁଟିଥିବା ଭିଡ ଦେଖି ତାଙ୍କର ମୂଲ୍ୟ କେତେ ଠିକ୍ ଜବାବ ପାଇଯାଇଥିବ ଶାସକ ଦଳ । 

ଦିଲ୍ଲୀରେ ବିଜେପିରେ ବିଧିବଦ୍ଧ ଯୋଗଦାନ ପରେ ରବିବାର ଓଡ଼ିଶା ଫେରିଥିଲେ କଟକରୁ ବିଜେଡିର ୬ ଥର ସାଂସଦ ଜିତି ଆସିଥିବା ଭର୍ତ୍ତୃହରି। ଶହ ଶହ ବିଜେପି କାର୍ଯ୍ୟକର୍ତ୍ତା ଭବ୍ୟ ସ୍ବାଗତ ଜଣାଇ ପାଛୋଟି ଆଣିଥିଲେ ରାଜ୍ୟ କାର୍ଯ୍ୟାଳୟକୁ । ଏଥର ବି ସେହି କଟକ ଲୋକସଭା ଆସନରୁ ନିର୍ବାଚନ ଲଢିବେ ଭର୍ତ୍ତୃହରି କିନ୍ତୁ ଶଙ୍ଖ ନୁହେଁ ପଦ୍ମ ଚିହ୍ନରେ ।  ତେବେ ଏହି ଚିହ୍ନ କିମ୍ବା ଦଳ ମୋ ପାଇଁ ନୂଆ ନୁହେଁ । 

ଅଧିକ ପଢନ୍ତୁ ଓଡ଼ିଶା ଖବର

ପ୍ରଧାନମନ୍ତ୍ରୀ ଓ ଗୃହମନ୍ତ୍ରୀ ମୋ ପ୍ରତି ଯେଉଁ ବିଶ୍ବାସ ଦେଖାଇଛନ୍ତି ତାହା ନିଶ୍ଚିତ ପୂରଣ କରିବି ବୋଲି କହିଛନ୍ତି ଭର୍ତ୍ତୃହରି । ସାଧାରଣତଃ ନରମ ସ୍ବାଭାବର ଭର୍ତ୍ତୃହରିଙ୍କୁ ଆଜି ଆଗ୍ରେସିଭ ମୁଦ୍ରାରେ ଦେଖିବାକୁ ମିଳିଥିଲା । ଶାସକ ବିଜୁ ଜନତା ଦଳକୁ ସିଧା ସିଧା କରିଥିଲେ ଆଟାକ୍। କହିଥିଲେ ଏହା ବିଜେଡ଼ି ଦୁର୍ଗ ପତନର ବେଳ । ୨୦୨୪ ଜୁନ ମାସରେ ରାଜ୍ୟରେ ଆସିବ ପରିବର୍ତ୍ତନ ।