ବୌଦ୍ଧ : ସ୍ବତନ୍ତ୍ର କୋଶଳ ରାଜ୍ୟ ଦାବିରେ ଆଜି ୧୨ ଘଣ୍ଟିଆ କୋଶଳ ମହାବନ୍ଦ ବୌଦ୍ଧ ଜିଲ୍ଲାରେ ପାଳିତ ହୋଇଛି । କୋଶଳ ସେନା ଓ କୋଶଳ ମୁକ୍ତି ମୋର୍ଚ୍ଚା ସାମ୍ବୁଖ୍ୟ ଡାକରାରେ ସାରା ପଶ୍ଚିମ ଓଡିଶାରେ ହୋଇଥିବା କୋଶଳ ମହାବନ୍ଦ ଯୋଗୁଁ ବୌଦ୍ଧ ଜିଲ୍ଲା ସହର ସମେତ ଜିଲ୍ଲାର କଣ୍ଟାମାଲ ,ପଲସା ଗୋରା,ବାଉଁଶୁଣି ,ମନମୁଣ୍ଡା,ଘଂଟାପଡା ,ହରଭଙ୍ଗା, ଧଳପୁର ପ୍ରଭୃତି ସ୍ଥାନରେ ମହାବନ୍ଦର ଜୋରଦାର ପ୍ରଭାବ ପଡିଛି।ସମସ୍ତ ସରକାରୀ ବେସରକାରୀ କାର୍ଯ୍ୟାଳୟ ସମେତ ଦୋକାନ ବଜାର,ସ୍କୁଲ କଲେଜ,ବ୍ୟାଙ୍କ ପରି ବ୍ୟବସାୟିକ ପ୍ରତିଷ୍ଠାନ ଏବଂ ହାଟ ହଟଲି ସବୁ ବନ୍ଦ ରହିଛି । କୋଶଳ ସେନାର ଯୁବକର୍ମୀଙ୍କ ପିକେଟିଂ ଏବଂ ରାସ୍ତାରୋକ ଯୋଗୁଁ 57 ନମ୍ବର ଜାତୀୟ ରାଜପଥର ବିଭିନ୍ନ ଛକରେ ଶହ ଶହ ଗାଡି ମୋଟର ଓ ଭାରୀଯାନ ଅଟକି ରହିଛି ।
ଅଧିକ ପଢନ୍ତୁ ଓଡିଶା ଖବର
କୋଶଳ ମହାବନ୍ଦକୁ ନେଇ ଲୋକେ ସ୍ବତଃପ୍ରବୃତ୍ତ ସମର୍ଥନ କରିଥିବା ଦେଖିବାକୁ ମିଳିଥିବାବେଳେ ବନ୍ଦର ପ୍ରଭାବରେ ଜନ ଜୀବନ ପ୍ରଭାବିତ ହୋଇଛି । ଆଗାମୀ ଦିନରେ ସ୍ବତନ୍ତ୍ର କୋଶଳ ରାଜ୍ୟ ନହେଲେ ଜନ ଆନ୍ଦୋଳନକୁ ତୀବ୍ର କରାଯିବ ବୋଲି ଆନ୍ଦୋଳନକାରୀ ଚେତାବନୀ ଦେଇଛନ୍ତି । ଅନ୍ୟପକ୍ଷରେ ସମସ୍ତ ସରକାରୀ କାର୍ଯ୍ୟାଳୟ ଭୁବନେଶ୍ୱର ରେ ରହିଛି ହାଇକୋର୍ଟ ବେଞ୍ଚ ସ୍ଥାପନ ଠାରୁ ପଶ୍ଚିମ ଓଡ଼ିଶା ବିକାଶ ପରିଷଦ କାର୍ଯ୍ୟଳୟ ମଧ୍ୟ ଭୁବନେଶ୍ୱର ରହିଛି ତେଣୁ ଏହାକୁ ବିରୋଧ କରିଛନ୍ତି ଜନସାଧାରଣ ।
ଅର୍ଗସ ବ୍ୟୁରୋ: ଭୁବନେଶ୍ୱରରେ ପହଞ୍ଚିଲେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି। ଭୁବନେଶ୍ୱର ବିମାନବନ୍ଦରରେ ମୋଦିଙ୍କୁ ସ୍ୱାଗତ କରିଛନ୍ତି ହଜାର ହଜାର ଲୋକ।ରାଜଭବନରେ ରାତ୍ରି ଯାପନ କରିବେ ପ୍ରଧାନମନ୍ତ୍ରୀ। ୬ ତାରିଖ ସକାଳୁ ଭୁବନେଶ୍ୱରରୁ ବ୍ରହ୍ମପୁର ଯିବେ ପ୍ରଧାନମନ୍ତ୍ରୀ। ସେଠାରେ ବିଶାଳ ସମାବେଶରେ ଯୋଗ ଦେବେ । ତାପରେ ନବରଙ୍ଗପୁରରେ ବି ବଡ଼ ଜନସଭାକୁ ସମ୍ବୋଧନ କରିବେ ମୋଦି।
୬ ତାରିଖରେ ଯାଇ ୧୦ ତାରିଖରେ ପୁଣି ଦୁଇ ଦିନିଆ ଓଡ଼ିଶା ଗସ୍ତରେ ଆସିବେ ପ୍ରଧାନମନ୍ତ୍ରୀ। ରାଜଧାନୀରେ କରିବେ ବିଶାଳ ରୋଡ଼ ସୋ। ଭୁବନେଶ୍ୱରର ତିନିଟି ବିଧାନସଭା ନିର୍ବାଚନ ମଣ୍ଡଳୀ ଏକାମ୍ର, ଉତ୍ତର ଓ ମଧ୍ୟ ଭୁବନେଶ୍ୱର କ୍ଷେତ୍ରରେ ହେବ ପ୍ରଧାନମନ୍ତ୍ରୀଙ୍କ ରାଲି।ଏହାସହ ୧୧ ତାରିଖରେ ବଲାଙ୍ଗୀରରେ ନିର୍ବାଚନୀ ପ୍ରଚାର କରିବେ ପିଏମ ମୋଦି। ମୋଦିଙ୍କ ଗସ୍ତ ପାଇଁ ବିମାନବନ୍ଦରଠାରୁ ରାଜଭବନ ପର୍ଯ୍ୟନ୍ତ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି । CISF ଆଉ ପୋଲିସ ମୁତୟନ ହୋଇଛନ୍ତି ।
ଅଧିକ ପଢ଼ନ୍ତୁ ଓଡିଶା ଖବର:
