ଘର
ଓଡ଼ିଶା
ଚନ୍ଦ୍ରପୁର ମା' ଗୃହ ଯୁବତୀଙ୍କ ମୃତ୍ୟୁକୁ ବିତିଲାଣି ୬ ଦିନ, ଚୁପ ପୋଲିସ
ଚନ୍ଦ୍ରପୁର ମା' ଗୃହ ଯୁବତୀଙ୍କ ମୃତ୍ୟୁକୁ ବିତିଲାଣି ୬ ଦିନ, ଚୁପ ପୋଲିସ
by Jitendra Dash
Odisha
| Wed, Dec 27 | 2:43 p.m.
ଅର୍ଗସ ବ୍ୟୁରୋ : ରାୟଗଡା ଚନ୍ଦ୍ରପୁର ମା' ଗୃହ ଯୁବତୀଙ୍କ ମୃତ୍ୟୁ ଘଟଣାକୁ ବିତିଲାଣି ୬ ଦିନ । କାହିଁକି ହେଉନି ଆକ୍ସନ୍ । ଆସନ୍ତାକାଲି ରାୟଗଡା଼ ବନ୍ଦ ଡାକରା ଦେଇଛି ବିଜେପି । ଘଟଣା ପଛରେ ପ୍ରଭାବଶାଳୀ ବ୍ୟକ୍ତିଙ୍କ ହାତ ରହିଥିବା ବିଜେପି ଅଭିଯୋଗ ଆଣିଛି । ଦୋଷୀଙ୍କୁ ତୁରନ୍ତ ଗିରଫ ପାଇଁ ଦାବି ହୋଇଛି । ଗତ ୨୧ ତାରିଖରେ ଚନ୍ଦ୍ରପୁର ଡାକ୍ତରଖାନା ପରିସରର ଏକ ଭଗ୍ନ ଘରୁ ଯୁବତୀଙ୍କ ଅର୍ଦ୍ଧଦଗ୍ଧ ମୃତଦେହ ଉଦ୍ଧାର ହୋଇଥିଲା । ଘଟଣାକୁ ୬ ଦିନ ବିତିଥିଲେ ବି ପୋଲିସ୍ କାହିଁକି ନେଉନି ଆକ୍ସନ୍ ।
ଅଧିକ ପଢନ୍ତୁ ଓଡ଼ିଶା ଖବର
ମୃତ ଯୁବତୀ ଦୀର୍ଘ ୫ ବର୍ଷ ହେବ ଆଲିଶା ନାମକ ସ୍ଵେଚ୍ଛାସେବୀ ସଂସ୍ଥା ଦ୍ବାରା ନିଯୁକ୍ତି ହୋଇ ଚନ୍ଦ୍ରପୁର ମା' ଗୃହରେ ୱାର୍ଡେନ ଭାବେ କାର୍ଯ୍ୟରତ ଥିଲେ । ତାଙ୍କ ଘର କାଶୀପୁର ବ୍ଲକ ନାକେଟିଗୁଡା ଗାଁ । ମୃତ ଯୁବତୀ ଜଣେ ଦିବ୍ୟାଙ୍ଗ ଥିଲେ ଓ ତାଙ୍କୁ ହତ୍ୟା କରାଯାଇଥିବା ନେଇ ପରିବାର ଲୋକେ ଥାନାରେ ଅଭିଯୋଗ କରିଛନ୍ତି । ହେଲେ କାହିଁକି ତଦନ୍ତ ହେଉନାହିଁ, ଏନେଇ ପୋଲିସର କାର୍ଯ୍ୟଦକ୍ଷତା ଉପରେ ଉଠିଛି ପ୍ରଶ୍ନ । ଗତକାଲି ରାଜ୍ୟ ମହିଳା ମୋର୍ଚ୍ଚା ସଭାନେତ୍ରୀ ଡ଼.ଐଶ୍ଵର୍ଯ୍ୟା ବିଶ୍ବାଳଙ୍କ ନିର୍ଦ୍ଦେଶରେ ଫ୍ୟାକ୍ଟ ଫାଇଣ୍ଡିଂ ଟିମ୍ ଘଟଣାସ୍ଥଳ ପରିଦର୍ଶନ ସହ ବିଭିନ୍ନ ଦିଗରେ ଆଲୋଚନା କରିଥିଲେ ।
