Videos
|
Business

Salary Hike / ଅଷ୍ଟମ ବେତନ କମିଶନ ୱେବସାଇଟ୍‌ରେ ବଡ଼ ଅପଡେଟ୍‌, କେବେ ବଢ଼ିବ କର୍ମଚାରୀଙ୍କ ଦରମା ?

Debashree Debasmita Sahoo
Browse all articles by Debashree Debasmita Sahoo
·44 mins ago·3 min read
ଅଷ୍ଟମ ବେତନ କମିଶନ ୱେବସାଇଟ୍‌ରେ ବଡ଼ ଅପଡେଟ୍‌, କେବେ ବଢ଼ିବ କର୍ମଚାରୀଙ୍କ ଦରମା ?
8th Pay Commission New Updates

Key Points

ଅଷ୍ଟମ ବେତନ କମିଶନକୁ ନେଇ ସବୁଠି ଚର୍ଚ୍ଚା
ୱେବସାଇଟ୍‌ରେ ଆସିଲା ୫ ବଡ଼ ଅପଡେଟ୍‌
ଏହି ସହରଗୁଡ଼ିକରେ ବସିଲା ବୈଠକ
ନୂଆଦିଲ୍ଲୀ: ଅଷ୍ଟମ ବେତନ କମିଶନର ସୁପାରିସକୁ ଅପେକ୍ଷା କରିଛନ୍ତି କେନ୍ଦ୍ର ସରକାରଙ୍କ ଲକ୍ଷ ଲକ୍ଷ କର୍ମଚାରୀ ଓ ପେନ୍‌ସନଭୋଗୀ । ଫିଟ୍‌ମେଣ୍ଟ ଫ୍ୟାକ୍ଟରଠାରୁ ଆରମ୍ଭ କରି ଦରମା ଓ ପେନ୍‌ସନ୍ ବୃଦ୍ଧି ପର୍ଯ୍ୟନ୍ତ ସମସ୍ତଙ୍କ ନଜର ରହିଛି । ଏହାରି ମଧ୍ୟରେ କମିଶନର ଅଫିସିଆଲ୍ ୱେବସାଇଟ୍‌ରେ ଆସିଛି ନୂଆ ଅପଡେଟ୍ । ଯେଉଁଥିରେ ଅନେକ କଥା ସମ୍ପର୍କରେ ଜଣାପଡ଼ିଛି ।

  • ୱେବସାଇଟ୍‌ରେ ଜାରି ହେଲା ନୂଆ ସୂଚନା
ଅଷ୍ଟମ ବେତନ କମିଶନର ସୁପାରିସକୁ ନେଇ ଦେଶର କେନ୍ଦ୍ରୀୟ କର୍ମଚାରୀ ଓ ପେନ୍‌ସନଭୋଗୀଙ୍କ ମଧ୍ୟରେ ଉତ୍ସୁକତା ବଢ଼ିବାରେ ଲାଗିଛି । କେତେ ପ୍ରତିଶତ ବଢ଼ିବ ଦରମା ? କେତେ ରହିବ ଫିଟ୍‌ମେଣ୍ଟ ଫ୍ୟାକ୍ଟର? ଆଉ କେବେଠାରୁ ଲାଗୁ ହେବ ନୂଆ ବେତନ ? ଏଭଳି ଅନେକ ପ୍ରଶ୍ନର ଉତ୍ତରକୁ ଅପେକ୍ଷା କରିଛନ୍ତି କର୍ମଚାରୀ । ଏହାରି ମଧ୍ୟରେ ଅଷ୍ଟମ ବେତନ କମିଶନର ଅଫିସିଆଲ୍ ୱେବସାଇଟ୍‌ରେ କିଛି ନୂଆ ଅପଡେଟ୍ ଜାରି ହୋଇଛି । ବିଭିନ୍ନ ସହରରେ ହୋଇଥିବା ବୈଠକ, କର୍ମଚାରୀ ସଂଗଠନଙ୍କ ସହ ଆଲୋଚନା ଏବଂ ପରାମର୍ଶଦାତା ନିଯୁକ୍ତି ସମ୍ପର୍କିତ ନିୟମ ବିଷୟରେ ଏଥିରେ ସୂଚନା ଦିଆଯାଇଛି ।

  • ମୁମ୍ବାଇରେ ହୋଇଥିଲା ବୈଠକ
କମିଶନର ୱେବସାଇଟ୍‌ରେ ଦିଆଯାଇଥିବା ସୂଚନା ଅନୁସାରେ, ଅକ୍ଟୋବର ୨୨ ଓ ୨୩ ତାରିଖ ୨୦୨୬ରେ ମୁମ୍ବାଇରେ ବୈଠକ ଆୟୋଜିତ ହୋଇଥିଲା । ଏଥିରେ ବିଭିନ୍ନ କର୍ମଚାରୀ ସଂଗଠନ ଓ ଅନ୍ୟ ସମ୍ପୃକ୍ତ ପକ୍ଷଙ୍କ ସହ ଆଲୋଚନା କରାଯାଇଥିଲା । କର୍ମଚାରୀଙ୍କ ସମସ୍ୟା, ଦରମା ବୃଦ୍ଧି ଦାବି ଏବଂ ପେନ୍‌ସନ୍ ସମ୍ପର୍କିତ ପ୍ରସ୍ତାବକୁ ବୁଝିବା ଥିଲା ଏହି ବୈଠକର ମୁଖ୍ୟ ଉଦ୍ଦେଶ୍ୟ ।

  • ବେଙ୍ଗାଲୁରୁରେ ମଧ୍ୟ ହୋଇଥିଲା ଆଲୋଚନା
ସେହିପରି ଅକ୍ଟୋବର ୭ ଓ ୮ ତାରିଖରେ ମଧ୍ୟ କମିଶନ ବେଙ୍ଗାଲୁରୁ ଗସ୍ତ କରିଥିଲେ । ଏଠାରେ ମଧ୍ୟ କର୍ମଚାରୀ ସଂଗଠନ ଓ ଅନ୍ୟ ସମ୍ପୃକ୍ତ ପକ୍ଷଙ୍କୁ ନିଜ ଦାବି ଓ ପ୍ରସ୍ତାବ ରଖିବାକୁ ସୁଯୋଗ ଦିଆଯାଇଥିଲା । ଏଥିରେ ଭାଗ ନେବା ପାଇଁ ଆବେଦନର ଶେଷ ତାରିଖ ଥିଲା ସେପ୍ଟେମ୍ବର ୧୮ ।

Argus News App

📱 Get Argus News App

✨
📰 60 Word News🎬 Argus Podcast📺 Live TV and Breaking News🔔 Free Notification Alerts
Download Free:
  • ପରାମର୍ଶଦାତା ନିଯୁକ୍ତି ନିୟମରେ ପରିବର୍ତ୍ତନ
ଗତ ଅଗଷ୍ଟ ୧୧ ତାରିଖରେ କମିଶନ, ପରାମର୍ଶଦାତାଙ୍କ ନିଯୁକ୍ତି ସମ୍ପର୍କିତ ନିର୍ଦ୍ଦେଶାବଳୀରେ କିଛି ସଂଶୋଧନ କରିଥିଲେ । କମିଶନର କାର୍ଯ୍ୟକୁ ଅଧିକ ସୁବ୍ୟବସ୍ଥିତ କରିବା ସହ ରିପୋର୍ଟ ପ୍ରସ୍ତୁତି ପାଇଁ ଆବଶ୍ୟକ ବିଶେଷଜ୍ଞଙ୍କ ସହଯୋଗ ନେବା ଏହାର ମୁଖ୍ୟ ଉଦ୍ଦେଶ୍ୟ ।

ପଢନ୍ତୁ ଏହି ଖବର: ଡିଜିଟାଲ୍ ପେମେଣ୍ଟରେ ସାଇବର ଠକେଇ ରୋକିବାକୁ RBIର ନୂଆ ନିୟମ

  • ଜୟପୁର ଓ ଚଣ୍ଡୀଗଡ଼ରେ ମଧ୍ୟ ବୈଠକ
ଏହା ପୂର୍ବରୁ ଅଗଷ୍ଟ ୩୧ ଓ ସେପ୍ଟେମ୍ବର ୧ ତାରିଖରେ କମିଶନ ଜୟପୁର ଗସ୍ତ କରିଥିଲେ । ଏହି ସମୟରେ ରାଜସ୍ଥାନର ବିଭିନ୍ନ କର୍ମଚାରୀ ସଂଗଠନ ଓ ସମ୍ପୃକ୍ତ ପକ୍ଷଙ୍କ ସହ ଆଲୋଚନା ହୋଇଥିଲା । ବୈଠକରେ ଭାଗ ନେବା ପାଇଁ ଆବେଦନର ଶେଷ ତାରିଖ ଥିଲା ଅଗଷ୍ଟ ୧୮ । ସେହିପରି ସେପ୍ଟେମ୍ବର ୧୬ ଓ ୧୭ ତାରିଖରେ କମିଶନ ଚଣ୍ଡୀଗଡ଼ ଗସ୍ତ କରିଥିଲେ । ଏଠାରେ ମଧ୍ୟ କର୍ମଚାରୀ ସଂଗଠନ ଓ ପ୍ରତିନିଧିମାନେ ନିଜର ସମସ୍ୟା ଏବଂ ଦରମା-ପେନ୍‌ସନ୍ ସମ୍ପର୍କିତ ଦାବି ରଖିବାକୁ ସୁଯୋଗ ପାଇଥିଲେ । ଏଥିପାଇଁ ଆବେଦନର ଶେଷ ତାରିଖ ଥିଲା ଅଗଷ୍ଟ ୨ ୫।

  • କେବେ ବଢ଼ିବ ଦରମା ?
ଏବେ ସବୁଠାରୁ ବଡ଼ ପ୍ରଶ୍ନ ହେଉଛି, କେବେଠାରୁ ବଢ଼ିବ କେନ୍ଦ୍ରୀୟ କର୍ମଚାରୀଙ୍କ ଦରମା? ଉଲ୍ଲେଖଯୋଗ୍ୟ, ନଭେମ୍ବର ୨୦୨୫ରେ ଅଷ୍ଟମ ବେତନ କମିଶନ ଗଠନ କରାଯାଇଥିବା ଖବରରେ ଉଲ୍ଲେଖ ରହିଛି । କମିଶନକୁ ନିଜର ସୁପାରିସ ପ୍ରସ୍ତୁତ କରିବା ପାଇଁ ୧୮ ମାସ ସମୟ ଦିଆଯାଇଥିବା କୁହାଯାଇଛି । ତେବେ ଦରମା ବୃଦ୍ଧି, ଫିଟ୍‌ମେଣ୍ଟ ଫ୍ୟାକ୍ଟର ଓ ନୂଆ ବେତନ ଲାଗୁ ହେବାର ତାରିଖ ସମ୍ପର୍କରେ ଏପର୍ଯ୍ୟନ୍ତ ଚୂଡ଼ାନ୍ତ ଘୋଷଣାକୁ ଅପେକ୍ଷା ରହିଛି । ତେଣୁ କର୍ମଚାରୀ ଓ ପେନ୍‌ସନଭୋଗୀଙ୍କୁ ଏବେ କମିଶନର ଆଗାମୀ ସୁପାରିସ ଏବଂ ସରକାରଙ୍କ ଅଫିସିଆଲ୍ ଘୋଷଣା ଉପରେ ନଜର ରଖିବାକୁ ପଡ଼ିବ।