10KG LPG Cylinder / ଆଉ ନାହିଁ ଓଜନିଆ ସିଲିଣ୍ଡର ଉଠାଇବା ସମସ୍ୟା; ଆସିଲା 10KG ଗ୍ୟାସ୍ ସିଲିଣ୍ଡର, ଦାମ ଏତିକି

ନୂଆଦିଲ୍ଲୀ: ଏଣିକି ନୂଆ ଗ୍ରାହକଙ୍କୁ ଆଉ ଗ୍ୟାସ ସଂଯୋଗ ପାଇଁ ଅଧିକ ସମୟ ଅପେକ୍ଷା କରିବାକୁ ପଡିବ ନାହିଁ । ସେମାନେ ତୁରନ୍ତ ଗ୍ୟାସ୍ କନେକନ୍ସ ପାଇପାରିବେ । ଭାରତ ପେଟ୍ରୋଲିୟମ କର୍ପୋରେସନ ଲିମିଟେଡ (BPCL) ଏକ ନୂତନ ପଦକ୍ଷେପ ଗ୍ରହଣ କରି ନୂଆ ୧୦ କିଲୋଗ୍ରାମ ସିଲିଣ୍ଡର ଲଞ୍ଚ କରିଛି ଏବଂ ଏବେ ଏହାର ସଂଯୋଗ ଖୁବଶୀଘ୍ର ପ୍ରଦାନ କରୁଛି । ଏହି ସେବାର ନାମ ହେଉଛି 'ଭାରତଗ୍ୟାସ୍ ଲାଇଟ୍ ଜିପ୍' ।

ଭାରତ ଗ୍ୟାସ ଏହି ସିଲିଣ୍ଡରକୁ ଏପରି ଏକ ସମୟରେ ଲଞ୍ଚ କରିଛି ଯେତେବେଳେ ଭୂରାଜନୈତିକ ଉତ୍ତେଜନା ବିଶ୍ୱରେ ଶକ୍ତି ସଙ୍କଟ ସୃଷ୍ଟି ହୋଇଛି ଏବଂ ତୈଳ କମ୍ପାନୀଗୁଡ଼ିକ ରୋଷେଇ ଗ୍ୟାସକୁ ନେଇ ପ୍ରତିଯୋଗିତା କରୁଛନ୍ତି । ଏହି ୧୦କେଜି ଗ୍ୟାସ ସିଲିଣ୍ଡର ଖୁବଶୀଘ୍ର ଗ୍ରାହକଙ୍କ ନିକଟରେ ପହଞ୍ଚିପାରିବ ।

• ୧୦କେଜି ସିଲିଣ୍ଡରରେ କଣ ଖାସ୍ ?

କମ୍ପାନୀ ଦ୍ୱାରା Xରେ ସେୟାର କରାଯାଇଥିବା ଏକ ପୋଷ୍ଟ ଅନୁଯାୟୀ, ନିର୍ଦ୍ଦେଶକ ଶୁଭଙ୍କର ସେନଙ୍କ ଉପସ୍ଥିତିରେ BPCL ଅଧ୍ୟକ୍ଷ ଏବଂ ପରିଚାଳନା ନିର୍ଦ୍ଦେଶକ ସଞ୍ଜୟ ଖାନ୍ନା ଏହି ସେବାକୁ ଲଞ୍ଚ କରିଛନ୍ତି । ଏହି ସେବାର ଖାସ୍ କଥା ହେଉଛି BPCLର ଭାରତଗ୍ୟାସ୍ ଲାଇଟ୍ କମ୍ପୋଜିଟ୍ ସିଲିଣ୍ଡର । କମ୍ପାନୀ କହିଛି ଯେ ଏହା ପାରମ୍ପରିକ ସିଲିଣ୍ଡର ଅପେକ୍ଷା ହାଲୁକା ରହିବ । ଏହାସହିତ କଳଙ୍କ-ପ୍ରତିରୋଧୀ, ଗ୍ୟାସ୍ ପରିମାଣ ପ୍ରଦର୍ଶନ କରିବା ପାଇଁ ଏକ ସ୍ୱଚ୍ଛ ବଡି, ଅତିରିକ୍ତ ସୁରକ୍ଷା ଫିଚର ଏବଂ ଏକ ଆଧୁନିକ ଡିଜାଇନ୍ ସହ ଆସିଛି ।

• କିଏ ଏହି ସଂଯୋଗ ପାଇପାରିବେ ?

ବିପିସିଏଲ କହିଛି ଯେ ଭାରତଗ୍ୟାସ୍ ଲାଇଟ୍ ଜିପ୍ ସେବା ବ୍ୟସ୍ତବହୁଳ ସହରରେ ରହୁଥିବା ଗ୍ରାହକମାନଙ୍କ ପାଇଁ ଆରମ୍ଭ କରାଯାଇଛି ଯେଉଁମାନଙ୍କୁ ଶୀଘ୍ର କନେକ୍ସନ ଆବଶ୍ୟକ। କମ୍ପାନୀ କହିଛି ଯେ ଏହି ସେବାର ଲକ୍ଷ୍ୟ ନୂତନ ଏଲପିଜି ସଂଯୋଗ ପାଇବା ଏବଂ ସିଲିଣ୍ଡର ଅର୍ଡର କରିବା ଉଭୟକୁ ସରଳ କରିବା । ଏହି ସେବା ପ୍ରାରମ୍ଭିକ ଭାବରେ ମୁମ୍ବାଇରେ ଆରମ୍ଭ କରାଯାଇଛି । ବିପିସିଏଲ କହିଛି ଯେ ଏହା ଭାରତଗ୍ୟାସ୍ ଲାଇଟ୍ ଜିପ୍ ଯୋଜନାକୁ ଅଗଷ୍ଟ ୧୫, ୨୦୨୬ ସୁଦ୍ଧା ୨୪ଟି ରାଜ୍ୟର ଆଉ ୧୦୦ଟି ସହରରେ ବିସ୍ତାର କରିବାକୁ ଯୋଜନା ରହିଛି। ଅର୍ଡର କରିବାର ୪ଘଣ୍ଟା ମଧ୍ୟରେ ଘରେ ପହଞ୍ଚିବ ସିଲିଣ୍ଡର ।

ପଢନ୍ତୁ ଏହି ଖବର: ନକଲି ନୋଟ୍ ନେଇ ବ୍ୟାଙ୍କକୁ ଯାଉଥିଲେ ସାବଧାନ, ସେହି କ୍ଷଣି ଧରାପଡ଼ିବେ; RBIର କଡ଼ା ନିର୍ଦ୍ଦେଶ

• ୧୦କେଜି ଏଲପିଜି ସିଲିଣ୍ଡରର ମୂଲ୍ୟ କେତେ ?

ଏବେ ବଜାରରେ ଏକ ୫ କିଲୋଗ୍ରାମ ବାଣିଜ୍ୟିକ ସିଲିଣ୍ଡରର ମୂଲ୍ୟ ₹୮୦୮.୫ ଅଛି । ଦିଲ୍ଲୀରେ ଏକ ୧୪.୨ କିଲୋଗ୍ରାମ ଘରୋଇ ସିଲିଣ୍ଡରର ମୂଲ୍ୟ ₹୯୪୨ । ୧୦ କିଲୋଗ୍ରାମ ସିଲିଣ୍ଡରର ମୂଲ୍ୟ ଏପର୍ଯ୍ୟନ୍ତ ଜଣାପଡ଼ି ନଥିବା ବେଳେ, ପ୍ରଥମ ବୁକିଂ ₹୩,୦୦୦ରୁ ₹୪,୦୦୦ ମଧ୍ୟରେ ହେବ ବୋଲି ବିଶ୍ୱାସ କରାଯାଉଛି । ତଥାପି ଏପର୍ଯ୍ୟନ୍ତ ସରକାରୀ ସୂଚନା ପ୍ରକାଶ କରାଯାଇ ନାହିଁ ।