UPI Payment Charge / ଆସିଲା ସରକାରଙ୍କ ବୟାନ; ₹2000 UPI ପେମେଣ୍ଟରେ ଏମାନଙ୍କୁ ଦେବାକୁ ପଡ଼ିବ ଚାର୍ଜ

ନୂଆଦିଲ୍ଲୀ: ଅର୍ଥ ମନ୍ତ୍ରଣାଳୟ ସଂସଦରେ ପେମେଣ୍ଟ ଏଣ୍ଡ ସେଟେଲମେଣ୍ଟ ସିଷ୍ଟମ (ସଂଶୋଧନ) ବିଲ୍‍ ୨୦୨୭ ଗତ ମଙ୍ଗଳବାର ଆଗତ ହୋଇଛି । ଯେଉଁଥିରେ ମର୍ଚ୍ଚାଣ୍ଟ ଡିସକାଉଣ୍ଟ ରେଟ୍ (MDR) ଲାଗୁ କରାଯାଉଥିବା କୁହାଯାଉଛି । ଏହି ବିଲ୍‌କୁ ନେଇ ଲୋକଙ୍କ ମନରେ ଅନେକ ପ୍ରକାର ଆଶଙ୍କା ସୃଷ୍ଟି ହୋଇଛି । ୟୁପିଆଇ ପେମେଣ୍ଟ କଲେ ଅତିରିକ୍ତ ଟଙ୍କା ଦେବାକୁ ପଡ଼ିବ ଚର୍ଚ୍ଚା ପରେ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ସ୍ପଷ୍ଟୋକ୍ତି ରଖିଛନ୍ତି ।

ତେବେ ଏହି ଚାର୍ଜ ୨୦୦୦ ଟଙ୍କାରୁ ଅଧିକ ୟୁପିଆଇ ଟ୍ରାଞ୍ଜାକ୍ସନ କରିବା ପରେ ଲାଗୁ କରାଯିବ । ଅର୍ଥାତ୍ ଯଦି ଥରକେ ୨୦୦୦ରୁ ଅଧିକ ପେମେଣ୍ଟ କରାଯାଉଛି ତେବେ MDR ଚାର୍ଜ ଲାଗୁ ହେବ । ସଂସଦରେ ଏହି ବିଲ୍ ଆଗତ ପରେ ଲୋକଙ୍କ ମଧ୍ୟରେ ପ୍ରଶ୍ନ ଉଙ୍କି ମାରିଛି ଯେ ଏହି ଟଙ୍କା କାହାକୁ ଦେବାକୁ ପଡ଼ିବ । ଏହାକୁ ନେଇ ବିରୋଧୀ ଦଳ ନେତା ସରକାରଙ୍କୁ ଘେରିବା ପରେ ନିର୍ମଳା ସୀତାରମଣ ସ୍ପଷ୍ଟୋକ୍ତି ରଖିଛନ୍ତି ।

• MDRକୁ ନେଇ କଣ କହିଲେ ନିର୍ମଳା ?

ଅର୍ଥମନ୍ତ୍ରୀ ନିର୍ମଳା ସୀତାରମଣ ଗୁରୁବାର କହିଛନ୍ତି ଯେ ସରକାର ସମସ୍ତ ୟୁପିଆଇ ନେଣଦେଣ ଉପରେ ଶୁଳ୍କ ଲାଗୁ କରିବାର ପଥକୁ ପରିଷ୍କାର କରୁଛନ୍ତି । କଂଗ୍ରେସ ନେତା ମିଥ୍ୟା ପ୍ରଚାର କରୁଥିବା ନିର୍ମଳା କହିଛନ୍ତି । ନିର୍ମଳା ଏକ ପୋଷ୍ଟରେ କହିଛନ୍ତି, "ଯଦି କେଉଁ ମର୍ଚ୍ଚାଣ୍ଟ ଡିସକାଉଣ୍ଟ ରେଟ୍ ଅର୍ଥାତ MDR ଲାଗୁ କରୁଛନ୍ତି, ତେବେ ଏହା କେବଳ ବ୍ଯବସାୟୀଙ୍କ ଉପରେ ଲାଗୁ ହେବ...ଗ୍ରାହକଙ୍କ ଉପରେ ନୁହେଁ । ଏହାଦ୍ଵାରା ବ୍ୟାଙ୍କ, ଫିନଟେକ୍ କମ୍ପାନୀଗୁଡ଼ିକ ଭିତ୍ତିଭୂମି, ନବସୃଜନ ଓ ସୁରକ୍ଷା ଉପରେ ଅଧିକ ନିବେଶ କରିବେ । ଏହି ନିବେଶରୁ ସମସ୍ତ ୟୁପିଆଇ ୟୁଜର ଲାଭବାନ ହେବେ ।"

ପଢନ୍ତୁ ଏହି ଖବର: ପ୍ଲାଷ୍ଟିକ୍ ନୋଟ୍ କେବେ ଲୋକଙ୍କୁ ମିଳିବ ? RBI ଗଭର୍ଣ୍ଣର କହିଦେଲେ ତାରିଖ

• MDR ମାନେ କଣ ?

ଏଠାରେ କହିରଖୁଛୁ କି, ଏମଡିଆର ହେଉଛି ଏକ ଦେୟ ବା ଶୁଳ୍କ, ଯାହା ଦୋକାନୀମାନେ ଗ୍ରାହକଙ୍କଠାରୁ ଡିଜିଟାଲ୍ ବା କାର୍ଡ଼ ପେମେଣ୍ଟ ଗ୍ରହଣ କରିବା ବଦଳରେ ବ୍ୟାଙ୍କକୁ ଦେଇଥାନ୍ତି । ତେବେ ଏଯାବତ୍ ଏମଡିଆର ଉପରେ କୌଣସି ଚୂଡ଼ାନ୍ତ ନିଷ୍ପତ୍ତି ନିଆଯାଇନାହିଁ । ଏହାକୁ ମୁଖ୍ୟତଃ ବଡ଼ ବଡ଼ ବ୍ୟବସାୟୀଙ୍କ ଉପରେ ଲାଗୁ କରିବା ଉପରେ ବିଚାର କରାଯାଉଛି, ଯେଉଁଥିରେ ଇ-କମର୍ସ କମ୍ପାନୀ ଓ ନିର୍ଦ୍ଧାରିତ ବାର୍ଷିକ ନେଣଦେଣ ସୀମାଠାରୁ ଅଧିକ ବ୍ୟବସାୟ ସାମିଲ । ଏଥିରୁ ଛୋଟ ପରିମାଣର ଟଙ୍କା ନେଣଦେଣ ସାମିଲ କରାଯିବ ନାହିଁ ବୋଲି ସରକାରୀ ସୂତ୍ରରୁ ଜଣାପଡ଼ିଛି ।