ନୂଆଦିଲ୍ଲୀ: ଯୁବପିଢ଼ିଙ୍କ ଦକ୍ଷତା ବିକାଶ କରିବ 'ସକ୍ଷମ' । ହିନ୍ଦୁସ୍ତାନ ଉର୍ବରକ ଏବଂ ରସାୟନ ଲିମିଟେଡ୍ (HURL) ପକ୍ଷରୁ 'ସକ୍ଷମ' ପ୍ରକଳ୍ପ ଆରମ୍ଭ କରାଯାଇଛି । ଗୋରଖପୁରରେ 'ସକ୍ଷମ' ପ୍ରକଳ୍ପର ଶୁଭାରମ୍ଭ କରିଛନ୍ତି HURLର ପରିଚାଳନା ନିର୍ଦ୍ଦେଶକ ଶିବ ପ୍ରସାଦ ମହାନ୍ତି । ଦୀନ ଦୟାଲ ଉପାଧ୍ୟାୟ ବିଶ୍ଵବିଦ୍ୟାଳୟର କୁଳପତିଙ୍କ ଉପସ୍ଥିତିରେ ଆରମ୍ଭ ହୋଇଛି 'ସକ୍ଷମ' ପ୍ରକଳ୍ପ ।

ଏହି କାର୍ଯ୍ୟକ୍ରମରେ HURLର ବରିଷ୍ଠ ନେତୃତ୍ଵ ଯୋଗ ଦେଇଥିଲେ । HURLର ଉପାଧ୍ୟକ୍ଷ (HR & CSR) ଗୋରଖପୁରଙ୍କ ସହ, CSR ଟିମ୍ ଏବଂ ଜାତୀୟ ଦକ୍ଷତା ବିକାଶ ନିଗମ (NSDC)ର ଅଧିକାରୀ ଏବଂ ସହଯୋଗୀ ଟ୍ରେନିଂ ପାର୍ଟନର ସାମିଲ୍ ହୋଇଥିଲେ ।

ଏଥିସହ ପଢ଼ନ୍ତୁ: ୫୫ତମ ଜାତୀୟ ସୁରକ୍ଷା ମାସ HURLରେ ପାଳିତ; ସୁରକ୍ଷା, ପ୍ରସ୍ତୁତି ଓ ସାମୂହିକ ଦାୟିତ୍ଵ ଉପରେ ଫୋକସ୍‌

ତୃଣମୂଳ ସ୍ତରରୁ ଦେଶ ନିର୍ମାଣର ବିଶ୍ଵାସ ରଖି HURL ତାର CSR ଏବଂ CER କାର୍ଯ୍ୟକ୍ରମ ଜାରି ରଖିଛି । ଯେଉଁଥିରେ ସମୁଦାୟକୁ ସଶକ୍ତ କରାଯିବା ସହ ସ୍ଥାୟୀ କର୍ମ ସଂସ୍ଥାନ ସୁଯୋଗ ସୃଷ୍ଟି କରାଯାଉଛି ।

ଏବେ HURL ପକ୍ଷରୁ ଜାତୀୟ ଦକ୍ଷତା ବିକାଶ ନିଗମ ସହ ସହଭାଗୀତାରେ 'ସକ୍ଷମ' ପ୍ରକଳ୍ପ ଆରମ୍ଭ କରାଯାଇଛି । ଯାହା ଶିକ୍ଷା ଏବଂ ନିଯୁକ୍ତି ଭିତରେ ଥିବା ବ୍ୟବଧାନର ବ୍ରିଜ୍ ହୋଇ ଯୁବପିଢି଼ଙ୍କ ମଧ୍ୟରେ ଉଦ୍ୟୋଗ ସମ୍ପର୍କିତ ଦକ୍ଷତା ବିକାଶ କରିବ ।

ଏହି ପଦକ୍ଷେପରେ ମୋଟ ୨ ହଜାର ୨୬୫ ଜଣ ବଞ୍ଚିତ ଓ ବେରୋଜଗାର ଯୁବକଙ୍କୁ ଶିକ୍ଷା ଦିଆଯିବ । ଗୋରଖପୁର, ବରଉଣି ଏବଂ ସିନ୍ଦ୍ରିର ଯୁବକ ତାଲିମ୍ ପାଇବେ । ଯେଉଁଥିରେ ଗୋରଖପୁରର ୪୦୦ ଯୁବକଙ୍କୁ ପ୍ରଶିକ୍ଷଣ ଦିଆଯିବ । ଏଥିପାଇଁ ୧ କୋଟି ୪୯ ଲକ୍ଷ ଟଙ୍କାର ଆର୍ଥିକ ସହାୟତା ଦେଇଛି HURL ।

'ସକ୍ଷମ' ପ୍ରକଳ୍ପ HURLର ପ୍ରତିବଦ୍ଧତା ଦର୍ଶାଉଛି । ଯାହା ନିଯୁକ୍ତି ସୁଯୋଗ ସହ ଆତ୍ମନିଯୁକ୍ତି ଲାଗି ରାସ୍ତା ଏବଂ ସ୍ଥାୟୀ ଜୀବନ ଜୀବିକା, ଦକ୍ଷତାକୁ ଆତ୍ମସମ୍ମାନରେ ପରିଣତ କରିବା, ସ୍ଵାଧୀନ ହେବା ଏବଂ ଦୀର୍ଘକାଳୀନ ଅଭିବୃଦ୍ଧିରେ ସହାୟକ ହେବ ।

ଏଥିସହ ପଢ଼ନ୍ତୁ: ସାରର ସନ୍ତୁଳିତ ବ୍ୟବହାର ପାଇଁ ଯୁବବର୍ଗଙ୍କ ପରାମର୍ଶ ଲୋଡ଼ିଲେ ସରକାର

ଏହି ଅବସରରେ HURLର ପରିଚାଳନା ନିର୍ଦ୍ଦେଶକ ଶିବ ପ୍ରସାଦ ମହାନ୍ତି କହିଛନ୍ତି, "ଯୁବବର୍ଗଙ୍କୁ ଆତ୍ମନିର୍ଭର କରିବା ଲାଗି 'ସକ୍ଷମ' ଏକ ଗୁରୁତ୍ଵପୂର୍ଣ୍ଣ ପଦକ୍ଷେପ । ଯାହା ଦେଶର ବିକାଶ ଲକ୍ଷ୍ୟର ଅନୁରୂପ ଅଟେ । ସମାବେଶୀ ବିକାଶ ପ୍ରତି 'ସକ୍ଷମ' ପ୍ରକଳ୍ପ ହେଉଛି HURLର ଭାବନାର ଏକ ପ୍ରମାଣ । ଏହା କେବଳ ଏକ ପଦକ୍ଷେପ ନୁହେଁ, ଏହା ପ୍ରତିଶ୍ରୁତି । ଯୁବକଙ୍କୁ ସଶକ୍ତ କରିବାର ପ୍ରତିଶ୍ରୁତି, ସମୁଦାୟକୁ ସୁଦୃଢ଼ କରିବାର ପ୍ରତିଶ୍ରୁତି, ଭାରତକୁ ଆହୁରି ଆତ୍ମନିର୍ଭର କରିବାର ପ୍ରତିଶ୍ରୁତି ।"