New FD Rules / ଅକ୍ଟୋବରରୁ ବଦଳୁଛି FD ନିୟମ; ୩ ବଡ଼ ପରିବର୍ତ୍ତନ କଲା RBI

ନୂଆଦିଲ୍ଲୀ: ଯଦି ଆପଣ ମଧ୍ୟ ବ୍ୟାଙ୍କରେ ଫିକ୍ସଡ୍ ଡିପୋଜିଟ୍ (FD) କରିବାକୁ ଯୋଜନା କରୁଛନ୍ତି ତେବେ ଏହି ଖବର ଆପଣଙ୍କ ପାଇଁ ବହୁତ ଉପଯୋଗୀ । ଭାରତୀୟ ରିଜର୍ଭ ବ୍ୟାଙ୍କ (RBI) ଜମା ଉପରେ ସୁଧ ହାର ନିୟନ୍ତ୍ରଣ କରୁଥିବା ନିୟମରେ କିଛି ବଡ଼ ପରିବର୍ତ୍ତନ କରିଛି । ଏହି ନୂତନ ନିୟମ ଚଳିତ ବର୍ଷ ଅକ୍ଟୋବର ୧ ତାରିଖରୁ କାର୍ଯ୍ୟକାରୀ ହେବ । ତେବେ କଣ ଏହି ନୂତନ ପଦକ୍ଷେପ ଏବଂ ଏହା FD ଧାରକମାନଙ୍କୁ କିପରି ପ୍ରଭାବିତ କରିବ ତାହା ଜାଣିବା ନିହାତି ଆବଶ୍ୟକ ହୋଇପଡ଼ିଛି ।

• ଅକ୍ଟୋବରରୁ ୩ଟି ପ୍ରମୁଖ ପରିବର୍ତ୍ତନ

ପ୍ରଥମ: ନୂତନ ନିୟମ ଅନୁଯାୟୀ, ସୁଧ ହାର ପ୍ରତିଦିନ ସକାଳ ୧୦ଟାରେ ଅପଡେଟ୍ ହେବ । ବ୍ୟାଙ୍କଗୁଡ଼ିକୁ ପ୍ରତିଦିନ ସେମାନଙ୍କର ୱେବସାଇଟରେ ବଲ୍କ ଜମା ଉପରେ ସୁଧ ହାର ବିଷୟରେ ସୂଚନା ଅପଡେଟ୍ କରିବାକୁ ପଡ଼ିବ । ବ୍ୟାଙ୍କଗୁଡ଼ିକୁ ପ୍ରତ୍ୟେକ କାର୍ଯ୍ୟ ଦିବସରେ ସକାଳ ୧୦ଟାରୁ ୧୦.୧୦ଟା ମଧ୍ୟରେ ପୋର୍ଟାଲରେ ନୂତନ ସୁଧ ହାର ପ୍ରକାଶ କରେବ । ଏଠାରେ କହିରଖୁଛୁ କି, ବଲ୍କ ଜମାର ଅର୍ଥ ହେଉଛି ₹୩ କୋଟି କିମ୍ବା ତା'ଠାରୁ ଅଧିକ ମୂଲ୍ୟର ଏକକ FD ।

ଦ୍ଵିତୀୟ: ପୂର୍ବରୁ ବିଭିନ୍ନ ଶାଖାରେ ସୁଧ ହାର ବିଷୟରେ ଦ୍ୱନ୍ଦ୍ୱ ଥିଲା, କିନ୍ତୁ ଆଉ ତାହା ହେବ ନାହିଁ । ଆରବିଆଇ ସ୍ପଷ୍ଟ ଭାବରେ କହିଛି ଯେ ଯଦି ଜଣେ ଜମାକାରୀ ସମାନ ତାରିଖରେ ସମାନ ପରିମାଣର FD କରନ୍ତି, ତେବେ ବ୍ୟାଙ୍କର କୌଣସି ଶାଖାରେ ସୁଧ ହାର ପୃଥକ କରାଯାଇପାରିବ ନାହିଁ । ଏହାର ଅର୍ଥ ହେଉଛି ଦେଶର ପ୍ରତ୍ୟେକ ଶାଖା ସେହି ଦିନ ସମାନ ସୁଧ ହାର ପ୍ରଦାନ କରିବେ ।

ତୃତୀୟ: ଆରବିଆଇ ବ୍ୟାଙ୍କଗୁଡ଼ିକୁ ଲିକ୍ୱିଡିଟି କଭରେଜ ଅନୁପାତ (ଏଲ୍ସିଆର୍) ଫ୍ରେମୱାର୍କ ଉପରେ ଆଧାର କରି ୩ କୋଟି ଟଙ୍କା କିମ୍ବା ତା'ଠାରୁ ଅଧିକ ପରିମାଣର ବଲ୍କ ଜମା ଉପରେ ଭିନ୍ନ ସୁଧ ହାର ସ୍ଥିର କରିବାକୁ ଅନୁମତି ଦେଇଛି ।

ପଢନ୍ତୁ ଏହି ଖବର: ଚିନି ଦର ବୃଦ୍ଧି ରୋକିବାକୁ ସରକାରଙ୍କ ବଡ଼ ପଦକ୍ଷେପ; ଆମଦାନୀ ହେବ ୧୦ ଲକ୍ଷ ଟନ୍ ଚିନି

• ଖୁଚୁରା ଏଫଡି ନିବେଶକଙ୍କ ଉପରେ କଣ ପ୍ରଭାବ ପଡ଼ିବ ?

ଯେହେତୁ ଏହି ନିୟମଗୁଡ଼ିକ ମଧ୍ୟରୁ ଅଧିକାଂଶ ବଲ୍କ ଜମାକାରୀଙ୍କ ପାଇଁ ରହିଛି, ତେଣୁ ସାଧାରଣ FD ନିବେଶକଙ୍କ ଉପରେ ଏହାର ସିଧାସଳଖ କିମ୍ବା ଗୁରୁତ୍ୱପୂର୍ଣ୍ଣ ପ୍ରଭାବ ପଡ଼ିବ ନାହିଁ । ତଥାପି ଆରବିଆଇର ଏହି ନୂଆ ନିୟମଗୁଡ଼ିକ ଏବେ ବ୍ୟାଙ୍କ ସୁଧ ହାରରେ ଅଧିକ ସ୍ୱଚ୍ଛତା ଆଣିବ । ସାଧାରଣ ନିବେଶକମାନେ ମଧ୍ୟ ପ୍ରତ୍ୟେକ ବ୍ୟାଙ୍କ ଦ୍ୱାରା ପ୍ରଦାନ କରାଯାଇଥିବା ସୁଧ ହାରକୁ ସହଜରେ ଅନଲାଇନରେ ଯାଞ୍ଚ କରିପାରିବେ ।