ମଧ୍ୟପ୍ରାଚ୍ୟ ଯୁଦ୍ଧ ଭିତରେ ସନ୍ତୁଳି ହେଉଛି ପୁରା ବିଶ୍ଵ । ଯୁଦ୍ଧ ଯୋଗୁଁ ଅନେକ ଦେଶର ଅର୍ଥନୀତି ଉପରେ ବଡ଼ ପ୍ରଭାବ ପଡ଼ିଛି । ଶକ୍ତି ସଙ୍କଟଠୁ ଆରମ୍ଭ କରି ଅନେକ ପ୍ରକାର ସମସ୍ୟା ଉପୁଜିଛି । ଯୁଦ୍ଧ ଯୋଗୁଁ ଅନେକ ଦେଶରେ ପେଟ୍ରୋଲ ଡିଜେଲ ଦର, ଅତ୍ୟାବଶ୍ୟକ ସାମଗ୍ରୀ ଓ ମୂଲ୍ୟବାନ ଧାତୁ ସୁନା ରୂପା ଦର ବି ହୁ ହୁ ହୋଇ ବଢୁଛି । ଏହାରି ଭିତରେ ଦେଶବାସୀଙ୍କୁ ୩ଟି 'F' ଉପରେ ଗୁରୁତ୍ଵ ଦେବାକୁ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ଅପିଲ୍ କରିଛନ୍ତି ।

ଅର୍ଥମନ୍ତ୍ରୀ ନିର୍ମଳା ସୀତାରମଣ ମୁମ୍ଵାଇରେ ଆୟୋଜିତ ଭାରତୀୟ ଲଘୁ ଉଦ୍ୟୋଗ ବିକାଶ ବ୍ୟାଙ୍କର ୩୭ତମ ବାର୍ଷିକୀରେ ଯୋଗଦେଇ ଦେଶରେ ବଢୁଥିବା ନିରାଶବାଦ ଭାବନା ଉପରେ ଆଲୋଚନା କରିଥିଲେ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଦେଶବାସୀଙ୍କୁ ଅପିଲ୍ ପରେ ଏଭଳି ଭାବନା କିଛି ଲୋକଙ୍କ ଦ୍ଵାରା ସୃଷ୍ଟି କରାଯାଉଛି ବୋଲି ସେ କହିଥିଲେ । ଦେଶ କେବେ ହେଲେ ଭୟ ସୃଷ୍ଟି କରୁଥିବା ପ୍ରସଙ୍ଗକୁ ବରଦାସ୍ତ କରିବ ନାହିଁ । ପ୍ରଧାନମନ୍ତ୍ରୀ ମୋଦି ନିକଟରେ ଲୋକଙ୍କୁ ଅନାବଶ୍ୟକ ଖର୍ଚ୍ଚକୁ ହ୍ରାସ କରିବାକୁ ଅପିଲ୍ କରିଥିଲେ । ଏହାସହିତ ବିଦେଶୀ ମୁଦ୍ରା ବଞ୍ଚାଇବା ଉଦ୍ଦେଶ୍ୟରେ ବିଦେଶ ଯାତ୍ରା ନ କରିବାକୁ ଯଥାସମ୍ଭବ ପ୍ରୟାସ କରିବାକୁ ମଧ୍ୟ କହିଥିଲେ । ଏହାସହିତ ସୁନା ମଧ୍ୟ ନ କିଣିବାକୁ କହିଥିଲେ ।

• କଣ ସେହି 3F ଫର୍ମୁଲା ?

ମଧ୍ୟପ୍ରାଚ୍ୟ ସଙ୍କଟକୁ ୩ ମାସ ପୂରିବାକୁ ଯାଉଛି । ଏହାକୁ ଦୃଷ୍ଟିରେ ରଖି, ଅର୍ଥମନ୍ତ୍ରୀ "3Fs": ଫ୍ୟୁଲ୍ (ଇନ୍ଧନ), ଫର୍ଟିଲାଇଜର (ସାର) ଏବଂ ଫରେକ୍ସ (ବିଦେଶୀ ମୁଦ୍)ରା ଉପରେ ଧ୍ୟାନ ଦେବାକୁ ଅନୁରୋଧ କରିଛନ୍ତି । ସେ ଏହା ମଧ୍ୟ ଗୁରୁତ୍ୱାରୋପ କରିଛନ୍ତି ଯେ ବିଶ୍ୱ ଅନିଶ୍ଚିତତା ସତ୍ତ୍ୱେ ଭାରତର ଅର୍ଥନୀତି ସୁଦୃଢ଼ ରହିଛି । ବିଶ୍ୱରେ ଦରଦାମ ବଢୁଥିବାକୁ ଇଙ୍ଗିତ କରି ନିର୍ମଳା କହିଛନ୍ତି ଯେ ସାର ମୂଲ୍ୟ ଅକଳ୍ପନୀୟ ସ୍ତରରେ ପହଞ୍ଚିଛି, ଯେତେବେଳେ ସୁନାର ଉଚ୍ଚ ମୂଲ୍ୟ ମଧ୍ୟ ଚ୍ୟାଲେଞ୍ଜ ସୃଷ୍ଟି କରୁଛି । ଏଣୁ ଦେଶବାସୀ ଏଥିପ୍ରତି ଧ୍ୟାନ ଦେବାକୁ ସେ ଅପିଲ୍ କରିଛନ୍ତି ।

#WATCH | Mumbai, Maharashtra: Union Finance Minister Nirmala Sitharaman says, "As I said, the West Asia crisis, Strait of Hormuz crisis, Russia-Ukraine war crisis, Iran-Israel-US war crisis, the supply chain disruption crisis, the increasing fuel price, fertiliser price... these… pic.twitter.com/CnGDEMSu7D

— ANI (@ANI) May 25, 2026

ପଢନ୍ତୁ ଏହି ଖବର: ସଙ୍କଟ ସମୟରେ ଭାରତ-UAE ମେଗା ଡିଲ୍‌, ଦେଶରେ ଇନ୍ଧନ ଅଭାବ ସମୟରେ LPG ଓ ପେଟ୍ରୋଲିୟମ୍ ଚୁକ୍ତି

ନିର୍ମଳା ସୀତାରମଣଙ୍କ ଅନୁଯାୟୀ, "ଆମକୁ ବୁଝିବାକୁ ପଡ଼ିବ ଯେ ଯେଉଁ ସବୁ ସମସ୍ୟା ଉପୁଜିଛି ତାହା ବାହାର କାରଣରୁ ଉପୁଜିଛି । ଆମକୁ ଏହା ବିଶ୍ଵାସ କରିବାକୁ ପଡ଼ିବ ଯେ ଭାରତର ଘରୋଇ ଆର୍ଥିକ ସ୍ଥଇତି ଆଜି ବି ସକରାତ୍ମକ ଓ ମଜଭୁତ ଅଛି । ବିଶ୍ଵରେ ଦ୍ରୁତ ଗତିରେ ଅଭିବୃଦ୍ଧି କରୁଥିବା ଅର୍ଥନୀତି ମଧ୍ୟରେ ଭାରତ ଅଛି । ପଶ୍ଚିମ ଏସିଆ ସଙ୍କଟ ଦ୍ୱାରା ସୃଷ୍ଟି ହୋଇଥିବା ଚ୍ୟାଲେଞ୍ଜ ମଧ୍ୟରେ କିଛି ଲୋକ ଆମର ନିଜ ସଫଳତାକୁ ବଦନାମ କରିବାକୁ ଚେଷ୍ଟା କରୁଛନ୍ତି । ମଧ୍ୟପ୍ରାଚ୍ୟ ସଂଘର୍ଷ ଫେବୃଆରୀ ୨୮ ତାରିଖରେ ଆରମ୍ଭ ହେବା ପରଠାରୁ, ହର୍ମୁଜ୍ ପ୍ରଣାଳୀ ଦେଇ ଗୁରୁତ୍ୱପୂର୍ଣ୍ଣ ଶକ୍ତି ଯୋଗାଣ ବାଧାପ୍ରାପ୍ତ ହୋଇଛି, ଯାହା ସମଗ୍ର ବିଶ୍ୱକୁ ପ୍ରଭାବିତ କରିଛି ।