ଭୁବନେଶ୍ଵର: ଓଡ଼ିଶା ଖଣି ନିଗମ (OMC) ଭୁବନେଶ୍ୱରରେ କର୍ପୋରେଟ୍ ସ୍ତରୀୟ ତ୍ରିପାକ୍ଷିକ ସୁରକ୍ଷା ସମିତି ବୈଠକ ଅନୁଷ୍ଠିତ ହୋଇଯାଇଛି । ଏହି ବୈଠକରେ ନିଗମର ବିଭିନ୍ନ ଖଣି କାର୍ଯ୍ୟକଳାପରେ ସୁରକ୍ଷା ଓ ସ୍ୱାସ୍ଥ୍ୟ ସମ୍ପର୍କିତ ସମୀକ୍ଷା କରାଯିବା ସହିତ ଖଣି ସୁରକ୍ଷା, କାର୍ଯ୍ୟସ୍ଥଳ ସ୍ୱାସ୍ଥ୍ୟ ଓ ଶ୍ରମିକ କଳ୍ୟାଣକୁ ଆହୁରି ମଜବୁତ୍ କରିବା ପାଇଁ ପଦକ୍ଷେପ ସମ୍ପର୍କରେ ଆଲୋଚନା ହୋଇଛି ।

ଡା. ଶ୍ୟାମ ସୁନ୍ଦର ପ୍ରସାଦ, ଉପ-ମହାନିର୍ଦ୍ଦେଶକ, ମାଇନ୍ସ ସେଫ୍ଟି (ଦକ୍ଷିଣ ପୂର୍ବ ମଣ୍ଡଳ), ରାଞ୍ଚି ଏହି ବୈଠକର ଅଧ୍ୟକ୍ଷତା କରିଥିଲେ । ବୈଠକରେ ଓଏମସିର ପରିଚାଳନା ନିର୍ଦ୍ଦେଶକ ସୁଧାଶୁଂ ମୋହନ ସାମଲ, ଆଇଏଏସ୍ ଉପସ୍ଥିତ ଥିଲେ ।

ଏଥିସହ ପଢ଼ନ୍ତୁ: ଖଣି ମନ୍ତ୍ରୀ ସମ୍ମିଳନୀରେ ମୁଖ୍ୟମନ୍ତ୍ରୀ, କହିଲେ- 'ବିକଶିତ ଭାରତକୁ ଇନ୍ଧନ ଯୋଗାଇବ ଓଡ଼ିଶା'

ବୈଠକରେ ଶ୍ରମିକମାନଙ୍କ ପାଇଁ ସ୍ୱାସ୍ଥ୍ୟ ସୁବିଧା, କଳ୍ୟାଣମୂଳକ ବ୍ୟବସ୍ଥା, ମାଇନ୍ସ ସେଫ୍ଟି ବିଷୟରେ ୧୨ତମ ଜାତୀୟ ସମ୍ମେଳନର ସୁପାରିଶଗୁଡ଼ିକର କାର୍ଯ୍ୟାନ୍ଵୟନ ଓ ବିଦ୍ୟୁତ୍, ଯାନ୍ତ୍ରିକ ଓ ଖଣି ସୁରକ୍ଷା ସମ୍ପର୍କିତ ପ୍ରଚଳିତ ଆଇନଗତ ବ୍ୟବସ୍ଥାର ପାଳନ ସମ୍ପର୍କରେ ବିସ୍ତୃତ ଆଲୋଚନା ହୋଇଥିଲା ।

ଡିଜିଏମଏସ୍ (DGMS) ଅଧିକାରୀମାନେ ସୁରକ୍ଷା କ୍ଷେତ୍ରରେ ଓଏମସିର ଡିଜିଟାଲ୍ କରଣ ପ୍ରୟାସକୁ ସ୍ୱାଗତ କରିବା ସହିତ, ଗତ ତିନି ବର୍ଷ ଧରି ଓଏମସିର ସମସ୍ତ ଖଣିରେ ଶୂନ୍ୟ ମୃତ୍ୟୁ ଜନିତ ଦୁର୍ଘଟଣା ରେକର୍ଡ ରହିଥିବାକୁ ପ୍ରଶଂସା କରିଥିଲେ । ସେମାନେ ଖଣି କାର୍ଯ୍ୟକଳାପରେ ଶୂନ୍ୟ କ୍ଷତି (Zero Harm) ଲକ୍ଷ୍ୟ ପ୍ରତି ଓଏମସି ପ୍ରବନ୍ଧନର ପ୍ରୟାସକୁ ମଧ୍ୟ ସ୍ୱୀକାର କରିଥିଲେ ।

ବୈଠକରେ ଡିରେକ୍ଟୋରେଟ୍ ଜେନେରାଲ୍ ଅଫ୍ ମାଇନ୍ସ ସେଫ୍ଟି (DGMS) ପକ୍ଷରୁ ଅଂଶଗ୍ରହଣ କରିଥିବା ଅଧିକାରୀମାନଙ୍କ ମଧ୍ୟରେ ଏନ୍. ବାଲସୁବ୍ରମଣ୍ୟମ୍, ଡିଏମଏସ୍ ରିଜିଅନ୍–୨; ଏ. କେ. ମିଶ୍ର, ଡିରେକ୍ଟର ଅଫ୍ ମାଇନ୍ସ ସେଫ୍ଟି (ରିଜିଅନ୍–୧); ଏବଂ ଡିପୁଟି ଡିରେକ୍ଟର ଅଫ୍ ମାଇନ୍ସ ସେଫ୍ଟି (DDMS) ରିଜିଅନ୍–୧ରୁ ଟି. ହରି ପ୍ରସାଦ ଓ ଉ. ଶିବ ଶଙ୍କର (ରିଜିଅନ୍–୨) ଅନ୍ତର୍ଭୁକ୍ତ ଥିଲେ । ଏଥିସହ ରାଞ୍ଚି ମଣ୍ଡଳରୁ ଡିରେକ୍ଟର ଅଫ୍ ମାଇନ୍ସ ସେଫ୍ଟି (ମେକାନିକାଲ୍) ଓ ଡିରେକ୍ଟର ଅଫ୍ ମାଇନ୍ସ ସେଫ୍ଟି (ଇଲେକ୍ଟ୍ରିକାଲ୍) ମଧ୍ୟ ଉପସ୍ଥିତ ଥିଲେ ।

ଏଥିସହ ପଢ଼ନ୍ତୁ: ନୂଆ ଖଣିଜ ନିୟମ ଲାଗୁ; ବାଲି ଓ ପଥର ଖଣି ଲିଜ୍ ପାଇଁ ହେବ ଇ-ଲଟେରୀ, ଦର ସ୍ଥିର କରିବେ ସରକାର

ଓଏମସି ପକ୍ଷରୁ ସୁଧାଶୁଂ ଶେଖର ଖୋରା, ଆଇଏଫଏସ୍, କାର୍ଯ୍ୟନିର୍ବାହୀ ନିର୍ଦ୍ଦେଶକ (F&E); ଆଲୋକ ପାଲ, ନିର୍ଦ୍ଦେଶକ (HR); ତାଲତ ଆଫ୍ରିନ୍, ଓଏଏସ୍, କାର୍ଯ୍ୟନିର୍ବାହୀ ନିର୍ଦ୍ଦେଶକ (P&A) ଏବଂ CSR ମୁଖ୍ୟ; ରାଜେଶ ମିଶ୍ର, ଚିଫ୍ ଜେନେରାଲ୍ ମ୍ୟାନେଜର (ପ୍ରଡକ୍ସନ୍); ମଲୟ କର, ଜେନେରାଲ୍ ମ୍ୟାନେଜର (HR); ଏବଂ ଅନୁରାଗ ଓଝା, ଅସିଷ୍ଟାଣ୍ଟ ଜେନେରାଲ୍ ମ୍ୟାନେଜର (ମାଇନ୍ସ ସେଫ୍ଟି) ସହିତ ଅନ୍ୟାନ୍ୟ ବରିଷ୍ଠ ଅଧିକାରୀମାନେ ଉପସ୍ଥିତ ଥିଲେ।

ବିଭିନ୍ନ ଖଣି ଅଞ୍ଚଳରୁ ପ୍ରାୟ ୧୮ ଜଣ ଶ୍ରମିକ ପ୍ରତିନିଧିମାନେ ମଧ୍ୟ ବୈଠକରେ ଅଂଶଗ୍ରହଣ କରିଥିଲେ । ସମସ୍ତ ପକ୍ଷର ସାମୁହିକ ପ୍ରତିବଦ୍ଧତା ସହିତ ବୈଠକର ସମାପ୍ତି ହୋଇଥିଲା, ଯେଉଁଥିରେ ଓଏମସିର ସମସ୍ତ ଖଣି କାର୍ଯ୍ୟକଳାପରେ ସୁରକ୍ଷା ପ୍ରଣାଳୀକୁ ଆହୁରି ଶକ୍ତିଶାଳୀ କରିବା ଓ ଦାୟିତ୍ୱପୂର୍ଣ୍ଣ ଏବଂ ସୁରକ୍ଷିତ ଖଣି କାର୍ଯ୍ୟପ୍ରଣାଳୀକୁ ପ୍ରୋତ୍ସାହନ ଦେବା ଉପରେ ଗୁରୁତ୍ବ ଦିଆଯାଇଥିଲା ।