Maternity Benefit / ଗର୍ଭବତୀଙ୍କୁ ମିଳିବ ଟଙ୍କା; ଜାଣନ୍ତୁ କଣ ପ୍ରଧାନମନ୍ତ୍ରୀ ମାତୃତ୍ଵ ବନ୍ଦନା ଯୋଜନା..

ଗର୍ଭବତୀ ମହିଳା ଏବଂ ନବଜାତ ଶିଶୁଙ୍କ ସ୍ୱାସ୍ଥ୍ୟରେ ଉନ୍ନତି ଆଣିବା ପାଇଁ କେନ୍ଦ୍ର ସରକାର ଅନେକ ଯୋଜନା ହାତକୁ ନେଇଛନ୍ତି । ଏଥିମଧ୍ୟରୁ ଗୋଟିଏ ହେଉଛି ପ୍ରଧାନମନ୍ତ୍ରୀ ମାତୃ ବନ୍ଦନା ଯୋଜନା (PMMVY)। ଏହି ଯୋଜନା ଅଧୀନରେ ଗର୍ଭବତୀ ମହିଳା ଏବଂ ସ୍ତନ୍ୟପାନ କରାଉଥିବା ମାଆମାନଙ୍କୁ ଆର୍ଥିକ ସହାୟତା ପ୍ରଦାନ କରାଯାଏ । ଆସନ୍ତୁ ସରଳ ଭାଷାରେ ବୁଝିବା ଏହି ଯୋଜନା କ'ଣ ଏବଂ ଏଥିରୁ କିଏ ଲାଭ ପାଏ ଏବଂ ପ୍ରଧାନମନ୍ତ୍ରୀ ମାତୃ ବନ୍ଦନା ଯୋଜନା ପାଇଁ କିପରି ଆବେଦନ କରିବେ ।

• ପ୍ରଧାନମନ୍ତ୍ରୀ ମାତୃତ୍ଵ ବନ୍ଦନା ଯୋଜନା କ’ଣ ?

ପ୍ରଧାନମନ୍ତ୍ରୀ ମାତୃତ୍ଵ ବନ୍ଦନା ଯୋଜନା (PMMVY) ହେଉଛି ମହିଳା ଏବଂ ଶିଶୁ ବିକାଶ ମନ୍ତ୍ରଣାଳୟର ଏକ ସରକାରୀ ଯୋଜନା ଯାହା ଗର୍ଭଧାରଣ ଏବଂ ପ୍ରସବ ସମୟରେ ମହିଳାମାନଙ୍କୁ ଆର୍ଥିକ ସହାୟତା ପ୍ରଦାନ କରିବା ପାଇଁ ଲକ୍ଷ୍ୟ ରଖିଛି । ପ୍ରଥମ ସନ୍ତାନର ଜନ୍ମ ପରେ ୫,୦୦୦ ଟଙ୍କା ଅନୁଦାନ ପ୍ରଦାନ କରାଯାଏ, ଯାହା ଦୁଇଟି କିସ୍ତିରେ ପ୍ରଦାନ କରାଯାଏ । ପ୍ରଥମ କିସ୍ତି ପାଇଁ ଗର୍ଭଧାରଣ ପଞ୍ଜୀକରଣ ଆବଶ୍ୟକ ।

ଶେଷ ଋତୁସ୍ରାବ (LMP)ର ୬ ମାସ ମଧ୍ୟରେ ଅତି କମରେ ଗୋଟିଏ ପ୍ରସବ ପୂର୍ବ ଯାଞ୍ଚ (ANC) କରାଯିବା ଆବଶ୍ୟକ । ଏହି ଯାଞ୍ଚ ଏକ ଅଙ୍ଗନୱାଡି କେନ୍ଦ୍ର କିମ୍ବା ସରକାରୀ ସ୍ୱୀକୃତିପ୍ରାପ୍ତ ସ୍ୱାସ୍ଥ୍ୟ କେନ୍ଦ୍ରରେ କରାଯିବା ଆବଶ୍ୟକ । ଯାଞ୍ଚ ସମାପ୍ତ ହେବା ପରେ ₹୩,୦୦୦ର ପ୍ରଥମ କିସ୍ତି ଆସିବ । ସେହିପରି, ଶିଶୁର ଜନ୍ମ ପଞ୍ଜିକରଣ ଏବଂ ଜନ୍ମର ୧୪ ସପ୍ତାହ ପର୍ଯ୍ୟନ୍ତ ସମସ୍ତ ଆବଶ୍ୟକୀୟ ଟୀକାକରଣ ଉପରେ ୨୦୦୦ ଟଙ୍କାର ଦ୍ୱିତୀୟ କିସ୍ତି ପ୍ରଦାନ କରାଯାଏ । ଏହା ସହିତ, ଯଦି ମହିଳା ଜଣକ ସରକାରୀ ହସ୍ପିଟାଲ କିମ୍ବା ପଞ୍ଜିକୃତ ଘରୋଇ ନର୍ସିଂ ହୋମରେ ପ୍ରସବ କରନ୍ତି ତେବେ ତାଙ୍କୁ ଜନନୀ ସୁରକ୍ଷା ଯୋଜନା (JSY) ଲାଭ ମଧ୍ୟ ମିଳିଥାଏ । ଏହି ମୋଟ ଲାଭ ପ୍ରାୟ ₹୬,୦୦୦ ପର୍ଯ୍ୟନ୍ତ ପହଞ୍ଚିପାରେ ।

• ଦ୍ୱିତୀୟ ସନ୍ତାନ ପାଇଁ କ’ଣ ସୁବିଧା ମିଳିବ ?

ଯଦି ଦ୍ୱିତୀୟ ସନ୍ତାନ ଝିଅ ହୁଏ, ତେବେ ମହିଳାଙ୍କୁ ୬୦୦୦ ଟଙ୍କାର ଅତିରିକ୍ତ ସହାୟତା ଦିଆଯାଏ । ଏହି ଯୋଜନାର ଲାଭ ପାଇବା ପାଇଁ, ଜଣେ ମହିଳାଙ୍କ ବୟସ ଅତି କମରେ ୧୯ ବର୍ଷ ହୋଇଥିବା, ଗର୍ଭବତୀ ହୋଇଥିବା ଏବଂ ଗର୍ଭଧାରଣ ଯୋଗୁଁ ଆୟ କିମ୍ବା ଦରମା ହରାଉଥିବା ଆବଶ୍ୟକ । ଯେଉଁ ମହିଳାମାନେ କେନ୍ଦ୍ର ସରକାର, ରାଜ୍ୟ ସରକାର କିମ୍ବା ପବ୍ଲିକ୍ ସେକ୍ଟର ଅଣ୍ଡରଟେକିଂ (PSU)ରେ ନିୟମିତ ଚାକିରି କରୁଛନ୍ତି ଏବଂ ପୂର୍ବରୁ ମାତୃତ୍ୱ ଲାଭ ଉଠାଉଛନ୍ତି, ସେମାନେ ଏହି ଯୋଜନାର ଲାଭ ପାଇପାରିବେ ନାହିଁ ।

• କେଉଁ ମହିଳା ଆବେଦନ କରିପାରିବେ ?

ଅନୁସୂଚିତ ଜାତି (SC) ମହିଳା
ଅନୁସୂଚିତ ଜନଜାତି (ST) ମହିଳା
୪୦% କିମ୍ବା ତା’ଠାରୁ ଅଧିକ ଅକ୍ଷମତା ଥିବା ମହିଳା
ବିପିଏଲ୍ ରାସନ କାର୍ଡ ଧାରକ
ଇ-ଶ୍ରମ କାର୍ଡ ଧରିଥିବା ମହିଳା
ପ୍ରଧାନମନ୍ତ୍ରୀ କିଷାନ ସମ୍ମାନ ନିଧି ସହିତ ଜଡିତ ମହିଳା ଚାଷୀ
ମନରେଗା ଜବ୍ କାର୍ଡ ଧରିଥିବା ମହିଳା
ଯାହାଙ୍କ ପରିବାରର ବାର୍ଷିକ ଆୟ ୮ଲକ୍ଷ ଟଙ୍କାରୁ କମ୍
ଅଙ୍ଗନୱାଡି କର୍ମୀ ଏବଂ ସହାୟିକା
ଆଶାକର୍ମୀ
ଜାତୀୟ ଖାଦ୍ୟ ସୁରକ୍ଷା ଆଇନ (NFSA) ଅନୁଯାୟୀ ରାସନକାର୍ଡଧାରୀ ମହିଳା

ପଢନ୍ତୁ ଏହି ଖବର: 'ପ୍ରେଗନେଣ୍ଟ ଜବ୍ ସର୍ଭିସ'ର ଯୋଜନା, ଗର୍ଭବତୀ କଲେ ମିଳିବ ଲକ୍ଷ ଲକ୍ଷ ଟଙ୍କା

• ଅନଲାଇନରେ କିପରି ଆବେଦନ କରିବେ?

ଏହି ଯୋଜନାରେ ଆବେଦନ କରିବା ବହୁତ ସହଜ ହୋଇଥାଏ । ନିମ୍ନଲିଖିତ ଷ୍ଟେପ୍ ଅନୁସରଣ କରନ୍ତୁ:
ସର୍ବପ୍ରଥମେ PMMVYର ଅଫିସିଆଲ୍ ୱେବସାଇଟକୁ ଯାଆନ୍ତୁ।
ଏଠାରେ 'Citizen Login' ବିକଳ୍ପ ଉପରେ କ୍ଲିକ୍ କରନ୍ତୁ।
ଏବେ, ଆପଣଙ୍କର ମୋବାଇଲ୍ ନମ୍ବର ପ୍ରବେଶ କରନ୍ତୁ ଏବଂ OTP ସହିତ ଯାଞ୍ଚ କରନ୍ତୁ।
ନାମ, ରାଜ୍ୟ, ଜିଲ୍ଲା, ବ୍ଲକ ଏବଂ ଅନ୍ୟାନ୍ୟ ବିବରଣୀ ପୂରଣ କରି ଏକ ଆକାଉଣ୍ଟ ତିଆରି କରନ୍ତୁ।
ଲଗଇନ୍ କରିବା ପରେ 'Beneficiary Registration' ବିକଳ୍ପ ଉପରେ କ୍ଲିକ୍ କରନ୍ତୁ।
ଅନୁରୋଧ କରାଯାଇଥିବା ସମସ୍ତ ବ୍ୟକ୍ତିଗତ ସୂଚନା ପୂରଣ କରନ୍ତୁ।
ପ୍ରଥମ କିମ୍ବା ଦ୍ୱିତୀୟ ସନ୍ତାନ, ଯାହା ପ୍ରଯୁଜ୍ୟ ତାହା ଚୟନ କରନ୍ତୁ।
ଫର୍ମଟି ସମ୍ପୂର୍ଣ୍ଣ ପୂରଣ କରିବା ପରେ, ଏହାକୁ ଦାଖଲ କରନ୍ତୁ।

• ଆବେଦନ ପାଇଁ ଆବଶ୍ୟକୀୟ ଡକ୍ୟୁମେଣ୍ଟ୍

ଆଧାର କାର୍ଡ
ଆଧାର ଲିଙ୍କ୍ ହୋଇଥିବା ବ୍ୟାଙ୍କ କିମ୍ବା ପୋଷ୍ଟ ଅଫିସ୍ ଆକାଉଣ୍ଟ
ବ୍ୟାଙ୍କ ଆକାଉଣ୍ଟ ସୂଚନା
ଯୋଗ୍ୟତା ପ୍ରମାଣପତ୍ର
MCP/RCHI କାର୍ଡ
ଗର୍ଭାବସ୍ଥା ସୂଚନା (LMP ଏବଂ ANC ତାରିଖ)
ପିଲାର ଜନ୍ମ ପ୍ରମାଣପତ୍ର
ଶିଶୁ ଟୀକାକରଣ ସୂଚନା
ରାସନ କାର୍ଡ, ଇ-ଶ୍ରମ କାର୍ଡ, ମନରେଗା ଜବ୍ କାର୍ଡ କିମ୍ବା ଅନ୍ୟାନ୍ୟ ଯୋଗ୍ୟ ଡକ୍ୟୁମେଣ୍ଟ

ଏହା ବ୍ୟତୀତ, ମୋବାଇଲ୍ ନମ୍ବର ଦେବା ମଧ୍ୟ ଗୁରୁତ୍ୱପୂର୍ଣ୍ଣ, ଯାହା ଦ୍ଵାରା ଆପଣ ସମୟ ସମୟରେ ଆବେଦନ ଏବଂ ପେମେଣ୍ଟ ସମ୍ବନ୍ଧୀୟ ସୂଚନା ପାଇପାରିବେ ।