Share Market Crash / ୨୫ବର୍ଷ ମଧ୍ୟରେ ଏପରି ହୋଇନଥିଲା...ଲଗାତାର ୮ମ ସପ୍ତାହରେ ଖସିଲା ସେୟାର ବଜାର

ମୁମ୍ବାଇ: ଭାରତୀୟ ସେୟାର ବଜାରରେ ହାହାକାର । ଷ୍ଟକ୍ ମାର୍କେଟ୍ ଗତ କିଛି ସପ୍ତାହ ଧରି ପ୍ରେସରରେ କାରୋବାର କରୁଛି । ଚଳିତ ସପ୍ତାହରେ ବଜାର ଦ୍ରୁତ ଗତିରେ ଖସୁଥିବାବେଳେ ଆଗକୁ ବି ଆହୁରି ଖସିବ ବୋଲି ଆଶଙ୍କା କରାଯାଇଛି । ବଜାର ଉପରେ ଚାପ ବଢୁଛି । ସେପଟେ କଞ୍ଚା ତେଳ ଦାମ ମଧ୍ୟ ବୃଦ୍ଧି ପାଉଥିବାବେଳେ ଦୋହଲିଯାଇଛି ସେୟାର ମାର୍କେଟ୍ । ଏହା ଲଗାତାର ଅଷ୍ଟମ ସପ୍ତାହ ଯେତେବେଳେ ଉଭୟ ସେନସେକ୍ସ ଓ ନିଫ୍ଟି ଦ୍ରୁତ ଗତିରେ ହ୍ରାସ ପାଇଛି । ଏହା ଗତ ୨୫ ବର୍ଷ ମଧ୍ୟରେ ପ୍ରଥମ ଥର, ଯେତେବେଳେ ଅଷ୍ଟମ ସପ୍ତାହ ଲାଗି ସେୟାର ବଜାରରେ ମାନ୍ଦାବସ୍ଥା ଜାରି ରହିଛି ।

• ନିବେଶକଙ୍କ ମଧ୍ୟରେ ଆତଙ୍କ

ଷ୍ଟକ୍ ବଜାରରେ ହ୍ରାସକୁ ଦେଖିଲେ, BSE ସେନସେକ୍ସ ଏହାର ପୂର୍ବ ବନ୍ଦ ୭୨,୪୮୦ ତୁଳନାରେ ହ୍ରାସ ପାଇ ୭୨,୧୯୨ରେ ଖୋଲିଥିଲା ଏବଂ କିଛି ସମୟ ପାଇଁ ସାମାନ୍ୟ ହ୍ରାସ ସହିତ କାରବାର କଲା । କିନ୍ତୁ ଅପରାହ୍ନ ୧ଟା ସମୟରେ, BSE ସେନସେକ୍ସର ହ୍ରାସ ହଠାତ୍ ତ୍ୱରାନ୍ୱିତ ହେଲା ଏବଂ ଏହା ୭୧,୫୨୭କୁ ଖସିଗଲା । ଏହାର ଅର୍ଥ ହେଉଛି ସୂଚକାଙ୍କ ପୂର୍ବ ବନ୍ଦ ତୁଳନାରେ ୯୫୦ ପଏଣ୍ଟରୁ ଅଧିକ ହ୍ରାସ ପାଇଛି । ସେହିପରି ଏନଏସଇ ନିଫ୍ଟି ବିଷୟରେ କହିବାକୁ ଗଲେ, ଏହାର ଗତି ସେନସେକ୍ସ ପରି ଥିଲା । ୫୦-ସେୟାର ସୂଚକାଙ୍କ ଏହାର ପୂର୍ବ ବନ୍ଦ ୨୨,୬୨୦ ତୁଳନାରେ ୨୨,୫୪୩ରେ ଖୋଲିଥିଲା ଏବଂ ତା'ପରେ ସେନସେକ୍ସ ସହିତ ତାଳ ଦେଇ ୨୨,୩୦୧କୁ ଖସି ଆସିଥିଲା । ବଜାରରେ ହ୍ରାସ ଯୋଗୁଁ ନିବେଶକଙ୍କ ୯ ଲକ୍ଷ କୋଟି ଟଙ୍କା ପାଣିରେ ପଡ଼ିଛି ।

• କାହିଁକି ହ୍ରାସ ଘଟୁଛି?

ବିଦେଶୀ ନିବେଶକ ବିକ୍ରି କରୁଛନ୍ତି: ବିଦେଶୀ ନିବେଶକମାନେ ଭାରତୀୟ ବଜାରରୁ ନିରନ୍ତର ଟଙ୍କା ଉଠାଇ ନେଉଛନ୍ତି । ସେମାନେ ସେପ୍ଟେମ୍ବର ୩୦ ତାରିଖରେ ₹୧୦,୧୪୮ କୋଟିରୁ ଅଧିକ ମୂଲ୍ୟର ସେୟାର ବିକ୍ରି କରିଛନ୍ତି । ସେପ୍ଟେମ୍ବରର ଶେଷ ଦୁଇଟି ଅଧିବେଶନରେ ବିଦେଶୀ ନିବେଶକମାନେ ₹୨୦,୦୦୦ କୋଟିରୁ ଅଧିକ ମୂଲ୍ୟର ସେୟାର ବିକ୍ରି କରିଛନ୍ତି । ସେପଟେ ଘରୋଇ ସଂସ୍ଥାଗତ ନିବେଶକମାନେ (DIIs) ବୁଧବାର ଅଧିବେଶନରେ ₹୧୧,୨୭୧ କୋଟି ମୂଲ୍ୟର ସେୟାର କିଣିଛନ୍ତି ।

ଆମେରିକୀୟ ବଣ୍ଡ୍‌ର ପ୍ରଭାବ: ଆମେରିକୀୟ ୧୦-ବର୍ଷିଆ ବଣ୍ଡ ୫.୩%କୁ ବୃଦ୍ଧି ପାଇବା ସହିତ ଏହା ନିବେଶ ପାଇଁ ଅଧିକ ଆକର୍ଷଣୀୟ ମନେ ହେଉଛି । ଫଳସ୍ୱରୂପ ଅଧିକ ନିବେଶକ ଏହି ବଜାରରେ ନିବେଶ କରିବାକୁ ବିଚାର କରୁଛନ୍ ତି।

ଅଶୋଧିତ ତୈଳ ମୂଲ୍ୟ ବୃଦ୍ଧି: ଅନ୍ୟପଟେ ଅଶୋଧିତ ତୈଳ ମୂଲ୍ୟ ମଧ୍ୟ ବଜାର ଚାପକୁ ବୃଦ୍ଧି କରିଛି । ଡିସେମ୍ବର ଡେଲିଭରି ପାଇଁ ବ୍ରେଣ୍ଟ ଫ୍ୟୁଚର୍ସ ସକାଳ ୧୧ଟା ୦୩ରେ ପ୍ରତି ବ୍ୟାରେଲ $୯୬.୫୫ରୁ ବୃଦ୍ଧି ପାଇ ଅପରାହ୍ନ ୧.୦୭ଟା ସୁଦ୍ଧା ପ୍ରତି ବ୍ୟାରେଲ $୧୦୦.୨୦ରେ ପହଞ୍ଚିଛି ।

ପଢନ୍ତୁ ଏହି ଖବର: ବିବାହରେ ମିଳିଲା ୧୦ ଲକ୍ଷ ଭର୍ତ୍ତି ଲିଫାଫା; ଉଡ଼ିଲା ହୋସ୍, ଘରେ ପଶିବ କି ଆୟକର ବିଭାଗ ?

ଟଙ୍କା ଡଲାର ପ୍ରତି ୯୬ ଟପିଲା: ଭାରତୀୟ ମୁଦ୍ରା ଚାପ ଅନୁଭବ କରୁଛି । ଡଲାର ତୁଳନାରେ ଟଙ୍କା ୯୬ ସ୍ତର ତଳକୁ ଖସିଯାଇଛି । ଆମେରିକୀୟ ଡଲାର ତୁଳନାରେ ଟଙ୍କା ୯୬.୧୯ର ସର୍ବନିମ୍ନ ସ୍ତରରେ ପହଞ୍ଚିଛି । ବିଦେଶୀ ପାଣ୍ଠି ବାହାରକୁ ଯିବା ଏବଂ ଅଶୋଧିତ ତୈଳ ମୂଲ୍ୟ ବୃଦ୍ଧି ମଧ୍ୟରେ ଟଙ୍କାର ହ୍ରାସ ଘଟିଛି, ଯାହା ଗୁରୁବାର ବଜାର ବିକ୍ରୟର ପ୍ରମୁଖ କାରଣ ଥିଲା ।