Videos
|
Business

FD Interest Rate / ପଛରେ ପଡ଼ିଲେ SBI ଓ HDFC; ଫିକ୍ସଡ୍ ଡିପୋଜିଟରେ ଅଧିକ ରିଟର୍ଣ୍ଣ ଦେଉଛି ଏହି ବ୍ୟାଙ୍କ

Debashree Debasmita Sahoo
Browse all articles by Debashree Debasmita Sahoo
·1 hour ago·2 min read
ପଛରେ ପଡ଼ିଲେ SBI ଓ HDFC; ଫିକ୍ସଡ୍ ଡିପୋଜିଟରେ ଅଧିକ ରିଟର୍ଣ୍ଣ ଦେଉଛି ଏହି ବ୍ୟାଙ୍କ
Higher FD Returns

Key Points

FDରେ ମିଳୁଛି ୮.୬୦% ସୁଧ
ଛୋଟ ବ୍ୟାଙ୍କର ବଡ଼ ଅଫର
ପଛରେ ପଡ଼ିଲେ SBI ଓ HDFC

ନୂଆଦିଲ୍ଲୀ: ଅବସର ପରେ ନିଜର ସଞ୍ଚିତ ଟଙ୍କାକୁ ସୁରକ୍ଷିତ ରଖିବା ସହ ଭଲ ରିଟର୍ଣ୍ଣ ପାଇବାକୁ କିଏ ବା ନଚାହେଁ । ବିଶେଷ କରି ବରିଷ୍ଠ ନାଗରିକଙ୍କ ପାଇଁ ଫିକ୍ସଡ୍ ଡିପୋଜିଟ୍‌ ବା FD ଏକ ଲୋକପ୍ରିୟ ନିବେଶ ବିକଳ୍ପ । ତେବେ ନଭେମ୍ବର ୨୦୨୬ରେ କିଛି ବ୍ୟାଙ୍କ FD ଉପରେ ଆକର୍ଷଣୀୟ ସୁଧ ଦେଉଛନ୍ତି । ଏହି ତାଲିକାରେ ସବୁଠାରୁ ଆଗରେ ରହିଛି ସୂର୍ଯ୍ୟୋଦୟ ସ୍ମଲ୍ ଫାଇନାନ୍ସ ବ୍ୟାଙ୍କ । ଏଠାରେ ୫ ବର୍ଷର FD ଉପରେ ବରିଷ୍ଠ ନାଗରିକଙ୍କୁ ବାର୍ଷିକ ୮.୬୦ ପ୍ରତିଶତ ସୁଧ ମିଳୁଛି

  • SBI ଓ HDFCରେ କେତେ ସୁଧ ?
ଅନ୍ୟପଟେ ଦେଶର ବଡ଼ ବ୍ୟାଙ୍କଗୁଡ଼ିକର ସୁଧ ହାର ତୁଳନାରେ ଏହି ହାର ଅଧିକ । ୫ ବର୍ଷର FD ଉପରେ ଷ୍ଟେଟ୍ ବ୍ୟାଙ୍କ ଅଫ୍ ଇଣ୍ଡିଆ (SBI) ବରିଷ୍ଠ ନାଗରିକଙ୍କୁ ୭.୦୫ ପ୍ରତିଶତ ଏବଂ HDFC ବ୍ୟାଙ୍କ ୭.୨୦ ପ୍ରତିଶତ ସୁଧ ଦେଉଛି । ICICI ବ୍ୟାଙ୍କରେ ଏହି ହାର ୭.୧୦ ପ୍ରତିଶତ ରହିଛି ।

  • ଅନ୍ୟ ବ୍ୟାଙ୍କର ସୁଧ ହାର
ସ୍ମଲ୍ ଫାଇନାନ୍ସ ବ୍ୟାଙ୍କ ମଧ୍ୟରେ ଜନା ବ୍ୟାଙ୍କ ୮ ପ୍ରତିଶତ, ଇକ୍ୱିଟାସ୍‌ ଓ ସ୍ଲାଇସ୍‌ ବ୍ୟାଙ୍କ ୭.୫୦ ପ୍ରତିଶତ ଏବଂ ଉତ୍କର୍ଷ ବ୍ୟାଙ୍କ ୭.୪୦ ପ୍ରତିଶତ ସୁଧ ଦେଉଛନ୍ତି । ଘରୋଇ ବ୍ୟାଙ୍କ ମଧ୍ୟରେ DCB ବ୍ୟାଙ୍କ ୮ ପ୍ରତିଶତ, SBM ଓ YES ବ୍ୟାଙ୍କ ୭.୫୦ ପ୍ରତିଶତ ଏବଂ Axis ବ୍ୟାଙ୍କ ୭.୩୫ ପ୍ରତିଶତ ସୁଧ ଦେଉଛନ୍ତି।

  • FD କରିବା ପୂର୍ବରୁ ଏହି କଥା ଜାଣନ୍ତୁ
ତେବେ କେବଳ ଅଧିକ ସୁଧ ଦେଖି FD କରିବା ଠିକ୍‌ ନୁହେଁ । ବ୍ୟାଙ୍କର ବିଶ୍ୱସନୀୟତା, ଅବଧି ପୂର୍ବରୁ ଟଙ୍କା ଉଠାଇଲେ ଲାଗୁଥିବା ଜରିମାନା ଏବଂ ଟ୍ୟାକ୍ସ ସମ୍ପର୍କରେ ଜାଣିବା ଜରୁରୀ । DICGC ନିୟମ ଅନୁସାରେ, ପ୍ରତି ଜମାକାରୀଙ୍କୁ ପ୍ରତି ବ୍ୟାଙ୍କରେ ସର୍ବାଧିକ ୫ ଲକ୍ଷ ଟଙ୍କା ପର୍ଯ୍ୟନ୍ତ ଜମା ବୀମା ସୁରକ୍ଷା ମିଳେ । ଏଥିରେ ମୂଳଧନ ସହ ସୁଧ ମଧ୍ୟ ସାମିଲ । ଏହା ସହ FDରୁ ମିଳୁଥିବା ସୁଧ ଟ୍ୟାକ୍ସ ଅଧୀନରେ ଆସେ । ତେଣୁ ନିବେଶ ପୂର୍ବରୁ ସମସ୍ତ ସର୍ତ୍ତ ଯାଞ୍ଚ କରିବା ସହ ଟ୍ୟାକ୍ସ କଟିବା ପରେ ପ୍ରକୃତରେ କେତେ ଲାଭ ମିଳିବ, ତାହା ହିସାବ କରିବା ଜରୁରୀ ।

Argus News App

📱 Get Argus News App

✨
📰 60 Word News🎬 Argus Podcast📺 Live TV and Breaking News🔔 Free Notification Alerts
Download Free:
ପଢନ୍ତୁ ଏହି ଖବର: ରାଜ୍ୟ ସରକାରୀ କର୍ମଚାରୀଙ୍କ ପାଇଁ ଖୁସି ଖବର; ବଢିଲା ମହଙ୍ଗା ଭତ୍ତା

  • ଫିକ୍ସଡ୍ ଡିପୋଜିଟ୍ କଲେ କଣ ହେବ ?
ବ୍ୟାଙ୍କରେ ଫିକ୍ସଡ୍ ଡିପୋଜିଟ୍ କଲେ ଆପଣଙ୍କ ଟଙ୍କା ସମ୍ପୂର୍ଣ୍ଣ ସୁରକ୍ଷିତ ରହିବା ସହ ଏହା ଉପରେ ଏକ ନିଶ୍ଚିତ ସୁଧ ମିଳିଥାଏ । ଏଥିରେ ଆପଣଙ୍କୁ ଗୋଟିଏ ନିର୍ଦ୍ଦିଷ୍ଟ ଅବଧି (ସମୟ) ପାଇଁ ନିଜର ଏକକାଳୀନ ଅର୍ଥ ଜମା କରିବାକୁ ପଡ଼େ । ସେୟାର ବଜାର ଭଳି ଏଥିରେ କୌଣସି ବିପଦ ନଥାଏ । ଜମା କରିବା ସମୟରେ ଯେଉଁ ସୁଧ ହାର ଥାଏ, ସେହି ହିସାବରେ ମାଚ୍ୟୁରିଟି ସମୟରେ ଟଙ୍କା ମିଳେ । ଆବଶ୍ୟକ ପଡ଼ିଲେ ଆପଣ ସମୟ ପୂର୍ବରୁ ଏଫ୍‌ଡି ଭାଙ୍ଗି ପାରିବେ, କିନ୍ତୁ ଏଥିପାଇଁ ଆପଣଙ୍କୁ କିଛି ସ୍ଵଳ୍ପ ପରିମାଣର ଅତିରିକ୍ତ ଟଙ୍କା ପେନାଲ୍ଟି ହିସାବରେ ଦେବାକୁ ପଡ଼ିପାରେ । ଆଉ ଏକ ଧ୍ୟାନ ଦେବା କଥା ହେଉଛି, ସାଧାରଣ ଲୋକଙ୍କ ତୁଳନାରେ ବରିଷ୍ଠ ନାଗରିକମାନଙ୍କୁ ୦.୫୦% ରୁ ୦.୭୫% ପର୍ଯ୍ୟନ୍ତ ଅଧିକ ସୁଧ ମିଳିଥାଏ ।