ଲକ୍ଷ୍ନୌ: ଉତ୍ତର ପ୍ରଦେଶର ଆଲିଗଡ଼ରେ ଅବୈଧ ସମ୍ପର୍କରୁ ଜଣେ ଯୁବକଙ୍କ ଉପରେ ନିର୍ଯାତନା ଘଟଣାର ଏକ ମାମଲା ସାମ୍ନାକୁ ଆସିଛି । କିଛି ଲୋକ ଯୁବକଙ୍କୁ ଧରି ପ୍ରଥମେ ତାଙ୍କ ଦାଢ଼ି ଏବଂ କେଶ କାଟି ଦେଇଥିଲେ, ତା'ପରେ ତାଙ୍କ ମୁହଁ କଳା କରି ପରିସ୍ରା ପିଇବାକୁ ବାଧ୍ୟ କରିଥିବା ଅଭିଯୋଗ ହୋଇଛି । ଏହା ବ୍ୟତୀତ ଅଭିଯୁକ୍ତମାନେ ତାଙ୍କୁ ଏକ ଗଛରେ ବାନ୍ଧି ଚପଲ ଏବଂ ଜୋତାରେ ପ୍ରବଳ ପିଟିଥିଲେ । ଏହି ଘଟଣାର ଏକ ଭିଡିଓ ସୋସିଆଲ ମିଡିଆରେ ଦ୍ରୁତ ଗତିରେ ଭାଇରାଲ ହେଉଛି ।
ଏହି ଘଟଣାଟି ଆଲିଗଡ଼ର ଅକରାବାଦ ଥାନା ଅଞ୍ଚଳ ଅନ୍ତର୍ଗତ ଦୁଭିଆ ବଞ୍ଜାରାରେ ଘଟିଛି । ପୋଲିସର ସୂଚନା ଅନୁଯାୟୀ, ୩ରୁ ୪ ଦିନ ପୂର୍ବେ ସାତଭୈୟା ମୋହଲ୍ଲାରେ କିଛି ଲୋକ ଜଣେ ଯୁବକଙ୍କୁ ନିର୍ମମ ଭାବରେ ଆକ୍ରମଣ କରିଥିଲେ । ଭିଡିଓ ଭାଇରାଲ ହେବା ପରେ ପୋଲିସ ଘଟଣାର ତଦନ୍ତ କରିଥିଲା । ଜଣାପଡିଥିଲା ଯେ ଖୈର ଥାନା ଅଞ୍ଚଳର ବିଲଖୋରା ଗାଁର ବାସିନ୍ଦା ଯୁବକ ଜଣକ ତାଙ୍କ ଭଉଣୀର ଭାଉଜଙ୍କ ସହିତ ଅବୈଧ ସମ୍ପର୍କ ରଖିଥିଲେ । ସେପ୍ଟେମ୍ବର ୨୪ ତାରିଖରେ ସେ ତାଙ୍କ ଭଉଣୀଙ୍କ ଶ୍ୱଶୁର ଘରକୁ ଭେଟିବା ବାହାନାରେ ଦୁଭିଆ ବଞ୍ଜାରାରେ ଆସିଥିଲେ।
କିଛି ସମୟ ପାଇଁ ତାଙ୍କ ଭଉଣୀଙ୍କ ଘରେ ରହିବା ପରେ, ଯୁବକ ଜଣକ ଚାଲିଗଲେ । କିନ୍ତୁ କିଛି ସମୟ ପରେ, ସେ ତାଙ୍କ ଭଉଣୀଙ୍କ ଭାଉଜଙ୍କ ସହିତ ଜଙ୍ଗଲରେ ଏକ ଆପତ୍ତିଜନକ ପରିସ୍ଥିତିରେ ଧରାପଡ଼ିଲେ । ତା'ପରେ ଗାଁ ଲୋକେ ତାଙ୍କୁ ନିର୍ମମ ଭାବରେ ପିଟିଥିଲେ, ତାଙ୍କ ଦାଢ଼ି କାଟିଦେଲେ ଏବଂ ତାଙ୍କ ମୁହଁ କଳା କରିଥିଲେ । ଏହା ବ୍ୟତୀତ ସେମାନେ ତାଙ୍କୁ ଜଙ୍ଗଲର ଏକ ଗଛରେ ବାନ୍ଧି ଚପଲ ଏବଂ ଜୋତାରେ ପିଟିଲେ । ଏହାପରେ ପରିସ୍ରା ପିଇବାକୁ ବାଧ୍ୟ କଲେ ।
- କାର୍ଯ୍ୟାନୁଷ୍ଠାନ ଗ୍ରହଣ କଲା ପୋଲିସ
ବୁଧବାର ଭିଡିଓଟି ସୋସିଆଲ ମିଡିଆରେ ଭାଇରାଲ ହୋଇଥିଲା । ପୋଲିସ କାର୍ଯ୍ୟାନୁଷ୍ଠାନ ଗ୍ରହଣ କରି ଭିଡିଓରୁ ଯୁବକଙ୍କୁ ଚିହ୍ନଟ କରି ପଚରାଉଚରା କରିଥିଲା । ଅକରାବାଦ ପୋଲିସ ଷ୍ଟେସନ ଅଧିକାରୀ ପଙ୍କଜ କୁମାର ମିଶ୍ର କହିଛନ୍ତି ଯେ, ପୀଡିତ ଯୁବକଙ୍କ ଅଭିଯୋଗ ଆଧାରରେ ଚାରି ଜଣ ମହିଳା ସମେତ ୭ ଜଣଙ୍କ ବିରୁଦ୍ଧରେ ମାମଲା ରୁଜୁ କରାଯାଇଛି ଏବଂ ସେମାନଙ୍କୁ ଗିରଫ କରାଯାଇଛି । ପୋଲିସର ସୂଚନା ଅନୁଯାୟୀ, ଯୁବକ ଜଣକ ବିବାହିତ ଏବଂ ତାଙ୍କର ପିଲାଛୁଆ ମଧ୍ୟ ଅଛନ୍ତି ।
ପଢନ୍ତୁ ଏହି ଖବର: ବାର୍ ବାହାରେ ଗର୍ଜିଲା AK-୪୭; ୨୭ ଜଣଙ୍କ ଅକାଳ ମୃତ୍ୟୁ
- ପୂର୍ବରୁ ମହିଳାଙ୍କୁ ନେଇ ଫେରାର ଥିଲେ ଯୁବକ
ପୋଲିସର ସୂଚନା ଅନୁଯାୟୀ, କିଛି ଦିନ ପୂର୍ବରୁ ଏହି ଯୁବକ ତାଙ୍କ ଭଉଣୀର ଭାଉଜଙ୍କ ସହିତ ପଳାଇ ଯାଇଥିଲେ । ପ୍ରାୟ ୧୫ ଦିନ ପରେ ଯେତେବେଳେ ସେ ଫେରି ଆସିଲେ, ସେତେବେଳେ ଗାଁରେ ବହୁତ ଉତ୍ତେଜନା ସୃଷ୍ଟି ହୋଇଥିଲା । ଏକ ପଞ୍ଚାୟତ ବସିଥିଲା ଏବଂ ଚେତାବନୀ ପରେ ଉଭୟଙ୍କୁ ଛାଡି ଦିଆଯାଇଥିଲା । ଏହାପରେ ମଧ୍ୟ ସେମାନେ ପରସ୍ପର ସହିତ ଯୋଗାଯୋଗରେ ରହିଥିଲେ । ଏହି ସମୟରେ ବୁଧବାର ଦିନ ଯୁବକ ଜଣକ ତାଙ୍କ ଭଉଣୀ ଘରେ ପହଞ୍ଚିଥିଲେ ଓ ତା ପରଦିନ ପଳାଇଥିଲେ । ମାତ୍ର ସେହିଦିନ ଜଙ୍ଗଲରେ ଯୁବକଙ୍କୁ ଆପତ୍ତିଜନକ ଅବସ୍ଥାରେ ମହିଳାଙ୍କ ସହ ଧରିଥିଲେ ଲୋକେ।
