Crime In Odisha / ବଚସାକୁ ନେଇ ପ୍ରଥମେ ବଡ଼ ଭାଇକୁ ଆକ୍ରମଣ, ସାନ ଭାଇକୁ ହତ୍ୟା
Key Points
ଦୁଇ ଭାଇଙ୍କୁ ଆକ୍ରମଣ ହୋଇଥିବା ବେଳେ ଜଣଙ୍କର ମୃତ୍ୟୁ । ଗଞ୍ଜାମ ଜିଲ୍ଲା ଧରାକୋଟ ଥାନା ଆର୍. ଦାମୋଦର ପଲ୍ଲୀରେ ଛୁରାମାଡ଼ ହୋଇଛି । ପ୍ରଥମେ ବଡ଼ ଭାଇକୁ ଆକ୍ରମଣ ପରେ ସାନ ଭାଇକୁ ହତ୍ୟା କରାଯାଇଛି ।
ଆସିକା: କଥା କଟାକଟିରୁ ଉତ୍ତେଜନା ଆଉ ଛୁରାମାଡ଼ । ଦୁଇ ଭାଇଙ୍କୁ ଆକ୍ରମଣ ହୋଇଥିବା ବେଳେ ଜଣଙ୍କର ମୃତ୍ୟୁ । ଗଞ୍ଜାମ ଜିଲ୍ଲା ଧରାକୋଟ ଥାନା ଆର୍. ଦାମୋଦର ପଲ୍ଲୀରେ ଛୁରାମାଡ଼ ହୋଇଛି । ପ୍ରଥମେ ବଡ଼ ଭାଇକୁ ଆକ୍ରମଣ ପରେ ସାନ ଭାଇକୁ ହତ୍ୟା କରାଯାଇଛି ।
ସୂଚନା ଅନୁସାରେ, ପୂର୍ବ ଶତ୍ରୁତାକୁ କେନ୍ଦ୍ର କରି ପ୍ରଥମେ ବଡ଼ ଭାଇ ଉପରେ ଆକ୍ରମଣ ହୋଇଥିଲା । ପରେ ସାନ ଭାଇଙ୍କୁ ଛୁରାମାଡ଼ ହତ୍ୟା କରିଛନ୍ତି । ଛୁରାମାଡ଼ରେ ବଡ଼ ଭାଇ ସଞ୍ଜୀବ ରେଡ୍ଡୀ ଗୁରୁତର ଥିବା ବେଳେ ୩୫ ବର୍ଷୀୟ ଡି. ଶଙ୍କର ରେଡ୍ଡୀ ଆଖି ବୁଜିଛନ୍ତି ।
ଏଥିସହ ପଢ଼ନ୍ତୁ: କଟକର ୧୩ ଥାନା ଅଞ୍ଚଳରେ କର୍ଫ୍ୟୁ; ଆଇନ୍ ଶୃଙ୍ଖଳା ADG କହିଲେ 'ଚିହ୍ନଟ ହୋଇଛନ୍ତି ହିଂସାକାରୀ'
ରବିବାର ବିଳମ୍ବିତ ରାତିରେ ସଞ୍ଜୀବ ରେଡ୍ଡୀଙ୍କ ସହ ସେହି ଗାଁର ରମେଶ ରେଡ୍ଡୀଙ୍କ କୌଣସି କଥାକୁ ନେଇ ବଚସା ହୋଇଥିଲା । ଆଉ କଥା କଟାକଟିରୁ ସଞ୍ଜୀବଙ୍କୁ ଛୁରିରେ ଆକ୍ରମଣ କରିଥିଲେ ରମେଶ । ବଡ଼ ଭାଇ ଉପରେ ଆକ୍ରମଣ ହେଉଥିବା ଦେଖି ସାନ ଶଙ୍କର ରେଡ୍ଡୀ ପ୍ରତିରୋଧ କରିବା ସହ ବୁଝାଇବାକୁ ଚେଷ୍ଟା କରୁଥିଲା ।
📱 Get Argus News App
✨
ହେଲେ ଉତ୍କ୍ଷିପ୍ତ ରମେଶ, ଶଙ୍କରର ପେଟରେ ଛୁରି ଭୂସି ଦେଇଥିଲେ । ଗୁରୁତର ଅବସ୍ଥାରେ ଶଙ୍କରକୁ ପ୍ରଥମେ ଆସିକା ପରେ ବ୍ରହ୍ମପୁର ବଡ଼ ମେଡିକାଲକୁ ସ୍ଥାନାନ୍ତର କରାଯାଇଥିଲା । କିନ୍ତୁ ମେଡିକାଲ ନେବା ବାଟରେ ଶଙ୍କରଙ୍କ ମୃତ୍ୟୁ ହୋଇଛି । ଧରାକୋଟ ଥାନା ଛାନଭିନ୍ କରୁଛି ।
ଏଥିସହ ପଢ଼ନ୍ତୁ: ଧାର ଟଙ୍କାକୁ ନେଇ ବଚସା ଆଉ ଛୁରାମାଡ଼ରେ ୩ ଗୁରୁତର
ଗଣ୍ଡଗୋଳ ଓ ଛୁରାମାଡ଼କୁ ନେଇ ଶଙ୍କରକୁ ନେଇ ତାଙ୍କ ବାପା ଗୁରୁମୂର୍ତ୍ତି କହିଛନ୍ତି, "ଆଗରୁ ସେମାନଙ୍କର ରାଗ ଥିଲା । କ'ଣ ଗୋଟେ ଗଣ୍ଡଗୋଳ ହୋଇଥିବାରୁ ବଡ଼ ଛିଡ଼ା ହୋଇଥିବା ବେଳେ ଆକ୍ରମଣ କରିଥିଲା, ସାନକୁ ମାରି ଦେଇ ରମେଶ ଫେରାର୍ ହୋଇ ଯାଇଛି ।"
Related Topics
Explore more stories