Vigilance Raid / ଘରେ ପୁଳାପୁଳା ଟଙ୍କା; ଭିଜିଲାନ୍ସ ଜାଲରେ ପଞ୍ଚାୟତ ନିର୍ବାହୀ ଅଧିକାରୀ, ନଗଦ ୨.୯୮ ଲକ୍ଷ ଜବତ

ବରଗଡ଼: ଘରେ ପୁଳା ପୁଳା ଟଙ୍କା । ଖାଲି ୫୦୦ ଟଙ୍କିଆ ନୋଟ୍ । ଏକାବେଳେ ୨.୯୮ ଲକ୍ଷ ଟଙ୍କା ଜବତ କଲା ଭିଜିଲାନ୍ସ ଟିମ । ବରଗଡ ଜିଲ୍ଲା ବିଜେପୁର ନିର୍ବାଚନ ମଣ୍ଡଳୀ ଗାଇସିଲେଟ ବ୍ଲକ କନ୍ଧାଗାର୍ଡ ଗ୍ରାମର କାର୍ତ୍ତିକ ବେହେରାଙ୍କ ଘରେ ଭିଜିଲାନ୍ସ ଚଢ଼ାଉ ହୋଇଛି । ଆୟର ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଏକକାଳୀନ ଦୁଇଟି ସ୍ଥାନରେ ରେଡ୍ ଚାଲିଛି ।

• ସକାଳୁ ସକାଳୁ ଭିଜିଲାନ୍ସ ଚଢାଉ

କନ୍ଧାଗାର୍ଡ ବାସଭବନ ଓ ଗାଇସିଲେଟ ବ୍ଲକ କାର୍ଯ୍ୟାଳୟଠାରେ ରେଡ୍ ଚାଲୁଛି । ତେବେ ଏହି ରେଡ୍‌ରେ ସମ୍ବଲପୁର ଡିଭିଜନ ଟିମ୍ ସାମିଲ ଥିବା ଜଣାପଡିଛି । ପଞ୍ଚାୟତ କାର୍ଯ୍ୟନିର୍ବାହୀ ଅଧିକାରୀ (ପିଇଓ) କାର୍ତ୍ତିକ ବେହେରା କଟାବାହାଲ ପଞ୍ଚାୟତରେ କାର୍ଯ୍ୟରତ ଥିବାବେଳେ ଆଉ ବିଭିନ୍ନ ପଞ୍ଚାୟତରେ ସେ ଚାର୍ଜ ନେଇ କାର୍ଯ୍ୟ କରି ଆସୁଥିବା ବେଳେ ଆଜି ତାଙ୍କ ଘରେ ସକାଳୁ ଭିଜିଲାନ୍ସ ରେଡ୍ ପଡ଼ିଛି । ସୂଚନା ଅନୁସାରେ ପିଇଓଙ୍କ ପାଖରେ କୋଟି କୋଟି ଟଙ୍କାର ସମ୍ପତ୍ତି ଥିବା ଜଣାପଡିଛି ।

• ୨.୯୮ ଲକ୍ଷ ନଗଦ ଟଙ୍କା ଜବତ

ଆଲିସନ୍ ଘର , ଗୋଟିଏ ପିକଅପ୍, ଗୋଟିଏ ସ୍କୋର୍ପିଓ ଓ ଗୋଟିଏ ଟ୍ରାକ୍ଟର ତିନୋଟି ମଟର ସାଇକେଲ ନଜରକୁ ଆସିଛି ଏନେଇ କିଛି ନଗଦ ଟଙ୍କା ଏଟିଏମ କାର୍ଡ ଓ ଜମିବାଡ଼ି କାଗଜପତ୍ର ଯାଞ୍ଚ ଚାଲିଛି । ସଂପୂର୍ଣ୍ଣ ଯାଞ୍ଚ ପରେ ସଠିକ ସମ୍ପତ୍ତିର ତଥ୍ୟ ସାମ୍ନାକୁ ଆସିବ । କୋଟିପତି ପିଇଓଙ୍କ ନିକଟରେ ଅମାପ ସମ୍ପତ୍ତି ଥିବା ଜଣାପଡିଛି । ଗାଇସିଲେଟ ନିକଟ କନ୍ଧାଗାର୍ଡରେ ଏକ ଦୁଇ ମହଲା ବିଶିଷ୍ଟ ବାସଭବନ ଥିବାବେଳେ ଏକ ୬ ମହଲା ବିଶିଷ୍ଟ କର୍ମସିଆଲ୍ କମ୍ପ୍ଲେକ୍ସ ରହିଛି । ଏହାସହିତ ଏକ ୩ ରୁମ୍ ବିଶିଷ୍ଟ ଗୋଦାମ ଘର ମିଳିଛି । ଏହାବାଦ୍ ଗାଇସିଲେଟ୍‌ରେ ୪ ମହଲା ବିଶିଷ୍ଟ କୋଠା ନିର୍ମାଣଧୀନ ରହିଛି । କନ୍ଧାଗାର୍ଡରେ ତାଙ୍କର ପୈତୃକ ଘର ମଧ୍ୟ ରହିଛି ।

ପଢନ୍ତୁ ଏହି ଖବର: ବିଲ୍ ପାସ୍ ପାଇଁ ଠିକାଦାରଙ୍କ ଠାରୁ ୩ ଲକ୍ଷ ଲାଞ୍ଚ, ଘରୁ ମିଳିଲା ଆଉ ନଗଦ ୪ ଲକ୍ଷ

• ଖୋଳତାଡ଼ କରୁଛି ଭିଜିଲାନ୍ସ

ଏବେ ଭିଜିଲାନ୍ସ ଅଧିକାରୀମାନେ ପିଇଓଙ୍କ ବିଭିନ୍ନ ଡକ୍ୟୁମେଣ୍ଟ, ବ୍ୟାଙ୍କ ଆକାଉଣ୍ଟସ୍‍ ଗାଡ଼ି କାଗଜପତ୍ର ସହ ଟଙ୍କା ନେଣଦେଣ ରେକର୍ଡ ମଧ୍ୟ ଯାଞ୍ଚ କରୁଛି । ପିଇଓଙ୍କ କାର୍ତ୍ତିକଙ୍କ ପରିବାର ସଦସ୍ୟଙ୍କ ମଧ୍ୟ ବ୍ୟାଙ୍କ ଆକାଉଣ୍ଟ ସହ ଅନ୍ୟାନ୍ୟ କାଗଜପତ୍ର ଆଦି ଯାଞ୍ଚ କରାଯାଉଛି ।