Bengaluru NAMMA Metro Filming Controversy / ଯାତ୍ରା ବେଳେ ଗୁପ୍ତରେ କରୁଥିଲେ ଭିଡି଼ଓ ରେକର୍ଡଂ; ଧରାପଡ଼ିଲେ ପୁରୁଷ ଯାତ୍ରୀ

ବେଙ୍ଗାଲୁରୁ "ନମ୍ମା" (NAMMA) ମେଟ୍ରୋର କାଦୁଗୋଡି଼ ଷ୍ଟେସନ ଠାରେ ଘଟିଯାଇଛି ଏକ ଅଶୋଭନୀୟ ଘଟଣା। ଏଠାରେ ଜଣେ ଯାତ୍ରୀ ମେଟ୍ରୋ ରେ ଯାତ୍ରା କରିବା ବେଳେ, ନିଜର ଜଣେ ମହିଳା ସହ ଯାତ୍ରୀଙ୍କ ଅନୁପଯୁକ୍ତ ଭିଡି଼ଓ ଗୁପ୍ତରେ ଉତ୍ତୋଳନ କରୁଥିବାର ଅଭିଯୋଗ ହୋଇଛି। ଏହି ଘଟଣାରେ ପୋଲିସ ଜଣେ ଅଜଣା ପୁରୁଷ ଯାତ୍ରୀଙ୍କ ବିରୋଧରେ ଏକ ଏଫଆଇଆର ରୁଜୁ କରିଛି। ଜଣେ ମହିଳା ସୋସିଆଲ ମିଡିଆ ଇନଫ୍ଲୁଏନ୍ସର ଅଭିଯୋଗ କରିଛନ୍ତି ଯେ ଏହି ଘଟଣା ମଙ୍ଗଳବାର (ଅକ୍ଟୋବର ୨୭) ଅପରାହ୍ନ ପ୍ରାୟ ଚାରିଟା (04:00 PM) ସମୟରେ ଘଟିଥିଲା।

ତାଙ୍କ କହିବା ଅନୁଯାୟୀ ଜଣେ ପୁରୁଷ ମେଟ୍ରୋ ଷ୍ଟେସନ୍ ଠାରେ ଗୁପ୍ତରେ ତାଙ୍କର ଭିଡ଼ିଓ ଉତ୍ତୋଳନ କରୁଥିଲେ। ମହିଳା ଜଣକ କହିଛନ୍ତି ଯେ ଯେତେବେଳେ ମେଟ୍ରୋ ସୁରକ୍ଷା କର୍ମଚାରୀ ଯାଞ୍ଚ ପାଇଁ ପୁରୁଷ ଯାତ୍ରୀଙ୍କୁ ତାଙ୍କ ମୋବାଇଲ୍ ଫୋନ୍ ଅନଲକ୍ କରିବାକୁ କହିଥିଲେ। ହେଲେ ସେ ଫୋନ୍ ଅନଲକ୍ କରିବାକୁ ମନା କରିଥିଲେ। ସେ କୌଣସି ଭିଡିଓ ରେକର୍ଡିଂ କରିନଥିବା ମଧ୍ୟ କହିଥିଲେ। ଏହା ପରେ ସେ ତାଙ୍କ ଫୋନ୍ ନେଇ ପଳାଇ ଯାଇଥିଲେ।

ଏହା ସହ ପଢନ୍ତୁ: ମେଟ୍ରୋରେ ସିଟ୍‌କୁ ନେଇ ମହାଭାରତ; ଚାଲିଗଲା ଯାତ୍ରୀଙ୍କ ଜୀବନ

ସୋସିଆଲ ମିଡିଆରେ ଭିଡିଓ ସେୟାର କରି ଘଟଣା ସମ୍ପର୍କରେ କହିଲେ ମହିଳା
ମହିଳା ଜଣକ ପରେ ସୋସିଆଲ ମିଡି଼ଆରେ ଏକ ଭିଡି଼ଓ ସେୟାର କରିଥିଲେ। ଯେଉଁଥିରେ ସେ ଏହି ଘଟଣା ବିଷୟରେ ବର୍ଣ୍ଣନା କରିଥିଲେ। ପରେ କାଦୁଗୋଡ଼ି ପୋଲିସ ଷ୍ଟେସନ ଠାରେ ସେହି ଅଜଣା ପୁରୁଷ ଯାତ୍ରୀଙ୍କ ବିରୋଧରେ ଏକ ଏଫଆଇଆର ରୁଜୁ କରାଯାଇଥିଲା। ପୋଲିସ ଏବେ ଏହି ଘଟଣାର ତଦନ୍ତ କରୁଛି। ପ୍ରକୃତରେ କ'ଣ ଘଟିଥିଲା ​​ତାହା ନିର୍ଣ୍ଣୟ କରିବା ଏବଂ ଅଭିଯୁକ୍ତଙ୍କୁ ଚିହ୍ନଟ କରିବା ପାଇଁ ମେଟ୍ରୋ ଷ୍ଟେସନ ଠାରେ ସିସିଟିଭି ଫୁଟେଜ୍ ଯାଞ୍ଚ କରାଯାଉଛି।

ଏହା ସହିତ, ଘଟଣା ବିଷୟରେ ସୂଚନା ସଂଗ୍ରହ କରିବା ପାଇଁ ମେଟ୍ରୋ ସୁରକ୍ଷା ବିଭାଗ ସହିତ ଯୋଗାଯୋଗ କରାଯାଉଛି। ଉପଲବ୍ଧ ସୂଚନା ଏବଂ ଫୁଟେଜ୍ ଆଧାରରେ ପୋଲିସ ଘଟଣାର ପରିସ୍ଥିତି ତଦନ୍ତ କରୁଛି। ବର୍ତ୍ତମାନ ଅଭିଯୁକ୍ତଙ୍କ ପରିଚୟ ଏବଂ ଅଭିଯୋଗ ହୋଇଥିବା ଭିଡିଓ ରେକର୍ଡିଂ ସମ୍ପର୍କରେ ତଦନ୍ତ ଚାଲିଛି।