ଭୁବନେଶ୍ଵର: ସ୍ତ୍ରୀକୁ ଦୁଷ୍କର୍ମ, ପ୍ରତିଶୋଧ ପାଇଁ ଗୁଳିମାଡ଼ କରିଥିଲା ସ୍ଵାମୀ । ଇନଫୋଭ୍ୟାଲି ଥାନା ଦେଉଳିଆପାଟଣା ଗାଁରେ ଗୁଳିକାଣ୍ଡ ଘଟଣା । ଭଦ୍ରକର ଦୁଇଜଣଙ୍କୁ ଗିରଫ କରିଛି କମିଶନରେଟ ପୋଲିସ । ସୁରଜ ରାଉତ ଓ ମୁକ୍ତିକାନ୍ତ ଦାସଙ୍କୁ ଭଦ୍ରକ ଅଞ୍ଚଳରୁ ଗିରଫ କରାଯାଇଛି । ପୋଲିସ ଅନୁସାରେ, ଦୁଷ୍କର୍ମକାରୀଙ୍କୁ ପୀଡ଼ିତାଙ୍କ ସ୍ଵାମୀ ହତ୍ୟା କରିବାକୁ ଯୋଜନା କରିଥିଲେ ।

ଏଥିସହ ପଢ଼ନ୍ତୁ: ପଶ୍ଚିମବଙ୍ଗରେ ଓଡ଼ିଆ ଛାତ୍ରୀଙ୍କୁ ଗଣଦୁଷ୍କର୍ମ ଘଟଣାରେ ଓଡ଼ିଶା ସରକାରଙ୍କ ବଡ଼ ପଦକ୍ଷେପ

ମୁଖ୍ୟ ଅଭିଯୁକ୍ତ ସୁରଜ ରାଉତଙ୍କ ପତ୍ନୀ ୨୦୨୨ ମସିହାରେ ଭାଇ ଭାଇ ଆଶ୍ରମକୁ ଆସିଥିଲେ । ସେଠାରେ ବାବା ତାଙ୍କୁ ଦୁଷ୍କର୍ମ କରିଥିବା ଅଭିଯୋଗ ହୋଇଛି । ଆଉ ସ୍ତ୍ରୀ ପ୍ରତି ହୋଇଥିବା ଅନ୍ୟାୟକୁ ସହି ନପାରି ସ୍ୱାମୀ ମଠରେ ଗୁଳିମାଡ଼ କରିଥିଲା । ଏନେଇ ପୋଲିସ କମିଶନର ସୁରେଶ ଦେବଦତ୍ତ ସିଂ ସାମ୍ବାଦିକ ସମ୍ମିଳନୀରେ ସ୍ପଷ୍ଟ କରିଛନ୍ତି ।

ପୋଲିସ ଅନୁସାରେ, ପତ୍ନୀଙ୍କୁ ଦୁଷ୍କର୍ମ ହୋଇଥିବା ଜାଣିବା ପରେ ବାବାଙ୍କ ସହଯୋଗୀକୁ ଡାକି ସୁରଜ ଓ ତାର ସହଯୋଗୀ ମାନେ ମାଡ଼ ମାରିଥିଲେ । ପରେ ବାବାକୁ ସବୁଦିନ ପାଇଁ ରାସ୍ତାରୁ ହଟେଇବାକୁ ଯୋଜନା କରିଥିଲା ସୁରଜ । ୫ ତାରିଖ ସନ୍ଧ୍ୟାରେ ସୁରଜ ଏବଂ ମୁକ୍ତିକାନ୍ତ ବୁଲେଟରେ ଆସି ଗୁଳିମାଡ଼ କରିଥିଲେ । ବାବାକୁ ନପାଇ ଆଶ୍ରମର ଦୁଇଜଣ କର୍ମଚାରୀଙ୍କୁ ଗୁଳି କରିଥିଲେ ।

ଏଥିସହ ପଢ଼ନ୍ତୁ: ବିବାହ ପ୍ରସ୍ତାବ ଦେଖିବାକୁ ଆସି କାଟିଦେଲା ଯୁବତୀଙ୍କ ଗଳା

ମହିଳାଙ୍କ ଅଭିଯୋଗ ଆଧାରରେ ଆଶ୍ରମର ବାବା ଅଜୟ ସାମନ୍ତ ରାୟ ଏବଂ ସୁକାନ୍ତ ବିଶ୍ୱାଳଙ୍କୁ ଗିରଫ କରିଛି କମିଶନରେଟ ପୋଲିସ । ପକ୍‌ସୋ ଆକ୍ଟ ମାମଲାରେ ଉଭୟଙ୍କୁ ଗିରଫ କରାଯାଇଥିବା ପୋଲିସ କହିଛି ।

Argus News | argus news | Odisha Latest News, Breaking News, Trending News, Live TV