Crime In Odisha / ଯୁବକଙ୍କୁ ହତ୍ୟା ପରେ ଫ୍ଲାଟ୍ ଉପରୁ ଫିଙ୍ଗି ଦେଇଥିବା ସନ୍ଦେହ

ଭୁବନେଶ୍ଵର: ରାଜଧାନୀ ଭୁବନେଶ୍ଵରରେ ହତ୍ୟାକାଣ୍ଡ । ଫ୍ଲାଟରେ ହତ୍ୟା ପରେ ଯୁବକଙ୍କୁ ଫିଙ୍ଗି ଦେଇଥିବା ସନ୍ଦେହ । ଚନ୍ଦ୍ରଶେଖରପୁର ଥାନା ଅନ୍ତର୍ଗତ ନୀଳାଦ୍ରି ବିହାର ସ୍ଥିତ ଏକ ଆପାର୍ଟମେଣ୍ଟ ପରିସରରୁ ଜଣେ ଯୁବକଙ୍କ ମୃତଦେହ ସନ୍ଦେହଜନକ ଅବସ୍ଥାରେ ମିଳିଛି ।

ଆପାର୍ଟମେଣ୍ଟ ପରସିରରୁ ଯୁବକଙ୍କ ମୃତଦେହ ମିଳିଛି । କେହି ଫ୍ଲାଟ୍ ଉପରୁ ମାରି ତଳକୁ ଫିଙ୍ଗି ଦେଇଥିବା ସନ୍ଦେହ କରାଯାଉଛି । ଖବର ପାଇ ଚନ୍ଦ୍ରଶେଖରପୁର ଥାନା ପୋଲିସ ଆପାର୍ଟମେଣ୍ଟରେ ପହଞ୍ଚି ଛାନଭିନ୍ ଆରମ୍ଭ କରିଛି । ପୋଲିସ ମୃତଦେହ ଜବତ କରିଛି ।

ଏଥିସହ ପଢ଼ନ୍ତୁ: GPS ଲଗାଇ କଲେ ପିଛା...ହୋଟେଲରେ ଧରାପଡ଼ିଲେ ରସିକିଆ ସ୍ୱାମୀ ! 

ତେବେ ମୃତ ଯୁବକଙ୍କ ପରିଚୟ ମିଳି ନାହିଁ । ମୃତଦେହ ପଡ଼ିଥିବା ସ୍ଥାନ ନିକଟରେ ପାଣି ପାଇପ୍ ଓ ଅନ୍ୟ ସାମଗ୍ରୀ ଭଙ୍ଗାରୁଜା ହୋଇ ପଡ଼ିଥିବା ଦେଖିବାକୁ ମିଳିଛି । ଆପାର୍ଟମେଣ୍ଟର ବାସିନ୍ଦାଙ୍କ କହିବା ଅନୁସାରେ, "ଯୁବକ ଜଣଙ୍କ ଉକ୍ତ ଆପାର୍ଟମେଣ୍ଟର ନୁହନ୍ତି ।"

#ମାରି_ଆପାର୍ଟମେଣ୍ଟ_ଉପରୁ_ଫିଙ୍ଗିଦେଲେ !
ଭୁବନେଶ୍ବର: ଆପାର୍ଟମେଣ୍ଟ କ୍ୟାମ୍ପସରୁ ଯୁବକଙ୍କ ମୃତଦେହ ଉଦ୍ଧାର
ନୀଳାଦ୍ରି ବିହାର ଜଳବାୟୁ ଟାୱାର ଆପାର୍ଟମେଣ୍ଟରୁ ମୃତଦେହ ଉଦ୍ଧାର
ଫ୍ଲାଟ ଉପରୁ କେହି ମାରି ଫୋପାଡ଼ି ଦେଇଥିବା ସନ୍ଦେହ
ମୃତଦେହ ଜବତ କରି ତଦନ୍ତ କରୁଛି ଚନ୍ଦ୍ରଶେଖରପୁର ପୋଲିସ#Bhubaneswar #Crime #OdishaNews… pic.twitter.com/QlDOiiNh5q

— Argus News (@ArgusNews_in) July 13, 2026

ଆପାର୍ଟମେଣ୍ଟର ବାସିନ୍ଦାଙ୍କ ଅନୁସାରେ, "ହଠାତ୍ ଏକ ଶବ୍ଦ ହେଲା । ଆମେ ଦେଖିଲା ବେଳକୁ ଜଣେ ତଳେ ପଡ଼ିଛନ୍ତି । ପାଣି ପାଇପ୍ ଗୁ଼ଡ଼ିକ ଭାଙ୍ଗି ଯାଇଛି । ଯୁବକ ଜଣଙ୍କୁ ସଙ୍ଗେ ସଙ୍ଗେ ଉଦ୍ଧାର କରି ମେଡିକାଲ୍ ନେଇ ଯାଇଥିଲୁ । ତେବେ ସେ କିଏ ଓ କେଉଁଠିକୁ ଆସିଥିଲେ ଜଣା ନାହିଁ ।"

ସୂଚନା ଅନୁସାରେ, ନୀଳାଦ୍ରି ବିହାର ସ୍ଥିତ ଉକ୍ତ ଆପାର୍ଟମେଣ୍ଟରେ ୧୦ ମହଲା ପର୍ଯ୍ୟନ୍ତ ଫ୍ଲାଟ୍ ରହିଛି । ତେବେ ମୃତ ଯୁବକ ଜଣଙ୍କ ସେଠାକାର ବାସିନ୍ଦା ନୁହନ୍ତି । ଯୁବକ ଜଣଙ୍କ କାହାରିକୁ ଭେଟିବା ଲାଗି ସେଠାକୁ ଆସିଥିଲେ କି ତାହା ବି ସ୍ପଷ୍ଟ ହୋଇନାହିଁ । ସାଇଣ୍ଟିଫିକ୍ ଟିମ୍ ସହ ପୋଲିସ ପହଞ୍ଚି ତଦନ୍ତ କରୁଛି ।

ଏଥିସହ ପଢ଼ନ୍ତୁ: ରାଜଧାନୀରେ ମାତିଛନ୍ତି ଲୁଟେରା; ସ୍ପିଡ଼ ବାଇକରେ ଆସି ଝାମ୍ପି ନେଲେ 

ମୃତକ ଜଣଙ୍କ ଉକ୍ତ ଆପାର୍ଟମେଣ୍ଟର ବାସିନ୍ଦା ହୋଇ ନଥିବାରୁ ସନ୍ଦେହ ବଢ଼ିବାରେ ଲାଗିଛି । ଏଥିସହ ସେ କାହାରିକ ଦେଖା କରିବାକୁ କିମ୍ବା କାହା ଘରକୁ ଅତିଥି ହୋଇ ଆସିଥିବା ନେଇ କେହି ଦାବି କରୁନାହାନ୍ତି । ତେଣୁ ଯୋଜନାବଦ୍ଧ ଭାବେ ଫ୍ଲାଟରେ ମାରି ଦେଇ ଯୁବକଙ୍କୁ ତଳେ ଫିଙ୍ଗି ଦେଇଥିବା ନେଇ ସନ୍ଦେହ ବଢ଼ିବାରେ ଲାଗିଛି ।