ଲକ୍ଷ୍ନୌ: ଉତ୍ତର ପ୍ରଦେଶର ହାପୁରରେ ଜଣେ ମହିଳା ତାଙ୍କ ସ୍ୱାମୀଙ୍କୁ ପ୍ରେମିକା ସହିତ ଧରିଛନ୍ତି । ବାଗପତର ବାସିନ୍ଦା ପୀଡିତା ତାଙ୍କ ସ୍ୱାମୀଙ୍କ ପରକୀୟା ପ୍ରୀତି ଥିବା ସନ୍ଦେହ କରୁଥିଲେ । ସ୍ଵାମୀକୁ ଧରିବା ପାଇଁ ସେ ଦିଅର ସହ ମିଶି ସ୍ଵାମୀଙ୍କ କାରରେ ଏକ GPS ସିଷ୍ଟମ ଲଗାଇ ଥିଲେ ଏବଂ ତାଙ୍କୁ ହୋଟେଲ ପର୍ଯ୍ୟନ୍ତ ଟ୍ରାକ୍ କରିଥିଲେ । ଶେଷରେ ପ୍ରେମିକା ସହ ସ୍ଵାମୀକୁ ଧରିଛନ୍ତି ମହିଳା ଓ ବିଚ୍ ରାସ୍ତାରେ ସ୍ଵାମୀକୁ ନିସ୍ତୁକ ମାଡ଼ ମାରିଛନ୍ତି ।
- GPS ଧରାଇଦେଲା ସ୍ଵାମୀର କାରନାମା
ଏହି ଘଟଣାଟି ନଗର କୋତୱାଲି ଅଞ୍ଚଳର ମୋଦିନଗର ରୋଡରେ ଥିବା ବାଙ୍କେ ବିହାରୀ ହୋଟେଲରେ ଘଟିଛି । ଏଠାରେ ଜଣେ ମହିଳା ରବିବାର ତାଙ୍କ ସ୍ୱାମୀଙ୍କୁ ପ୍ରେମିକା ସହିତ ଧରିଛନ୍ତି । ବାଗପତ ଜିଲ୍ଲାର ଏକ ଗାଁର ଜଣେ ମହିଳା ତାଙ୍କ ସ୍ୱାମୀଙ୍କ ଅନ୍ୟ ମହିଳାଙ୍କ ସହିତ ସମ୍ପର୍କ ଥିବା ସନ୍ଦେହ କରିଥିଲେ । ସେ ତାଙ୍କ ଭାଇ ଏବଂ ପରିବାର ସଦସ୍ୟଙ୍କୁ ଏହା କହିଥିଲେ। ତାଙ୍କ ସ୍ୱାମୀଙ୍କ ଉପରେ ନଜର ରଖିବା ପାଇଁ ତାଙ୍କ ସ୍ୱାମୀଙ୍କ ଗାଡ଼ିରେ ଏକ GPS ସିଷ୍ଟମ୍ ଲଗାଯାଇଥିଲା । ରବିବାରସ୍ୱାମୀ ବାହାରକୁ ଯାଉଥିବା କହି ଘରୁ ବାହାରିବା ସମୟରେ ସ୍ତ୍ରୀ ଏବଂ ପରିବାର ସଦସ୍ୟମାନେ GPS ଟ୍ରାକିଂ ବ୍ୟବହାର କରି ତାଙ୍କ ପଛେ ପଛେ ଯାଇଥିଲେ । ସେମାନେ ହାପୁରର ମୋଦିନଗର ରୋଡରେ ଥିବା ବାଙ୍କେ ବିହାରୀ ହୋଟେଲରେ ପହଞ୍ଚିଥିଲେ , ଯେଉଁଠାରେ ସ୍ୱାମୀ ଏବଂ ତାଙ୍କ ପ୍ରେମିକା ଏକାଠି ଥିଲେ।
- ରାସ୍ତାରୁ କୋର୍ଟ ପର୍ଯ୍ୟନ୍ତ ହାଇଭୋଲଟେଜ୍ ଡ୍ରାମା
ହୋଟେଲରେ ସେମାନଙ୍କୁ ଏକାଠି ଦେଖି କ୍ରୋଧିତ ପତ୍ନୀ ଏବଂ ପରିବାର ସଦସ୍ୟମାନେ ହଙ୍ଗାମା କରିଥିଲେ ଏବଂ ସ୍ୱାମୀଙ୍କୁ ପ୍ରବଳ ମାଡ଼ ମାରିଥିଲେ । ବିବାଦ ହୋଟେଲ ପରିସରରୁ ରାସ୍ତା ଏବଂ ବସ୍ ପର୍ଯ୍ୟନ୍ତ ବ୍ୟାପି ଯାଇଥିଲା । ଘରକଳି ଦାଣ୍ଡରେ ପଡ଼ି ହାଟରେ ଗଡ଼ିଥିଲା । ଏହାକୁ ଦେଖିବା ପାଇଁ ବହୁ ଲୋକ ଏକତ୍ରିତ ହୋଇଥିଲେ। ହଙ୍ଗାମା ବୃଦ୍ଧି ପାଇବାରୁ ପୋଲିସ ଘଟଣାସ୍ଥଳରେ ପହଞ୍ଚି ଉଭୟ ପକ୍ଷଙ୍କୁ ନଗର ପୋଲିସ ଷ୍ଟେସନକୁ ନେଇଯାଇଥିଲା, ଯେଉଁଠାରେ ସାର୍ବଜନୀନ ସ୍ଥାନରେ ବିଶୃଙ୍ଖଳା ସୃଷ୍ଟି କରିବା ପାଇଁ କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଥିଲା । ପରବର୍ତ୍ତୀ ସମୟରେ ଯେତେବେଳେ ସ୍ୱାମୀଙ୍କୁ SDM କୋର୍ଟରୁ ଜାମିନରେ ମୁକ୍ତ କରାଯାଇଥିଲା, ସ୍ତ୍ରୀ ପୁଣି ଥରେ କୋର୍ଟ ପରିସରରେ ତାଙ୍କୁ ପ୍ରବଳ ମାଡ଼ ମାରିଥିଲେ ।
ପଢନ୍ତୁ ଏହି ଖବର: ମଟନ୍ ଖୁଆଇବେ କହି ଦେଇଦେଲେ ଚିକେନ୍; ବୁଲିଲା ଲାଠି, ବର କନ୍ୟା...- ସରକାରୀ ଡାକ୍ତରଖାନାରେ ନର୍ସ ଅଛନ୍ତି ମହିଳା
ପୋଲିସକୁ ଦେଇଥିବା ଅଭିଯୋଗରେ ପୀଡିତା ଜଣକ କହିଛନ୍ତି ଯେ ତାଙ୍କ ସ୍ୱାମୀଙ୍କ ସହ ଧରାପଡ଼ିଥିବା ମହିଳା ବୁଲନ୍ଦସହର ଜିଲ୍ଲାର ଏକ ସରକାରୀ ହସ୍ପିଟାଲରେ ଜଣେ ନର୍ସ । ସ୍ଥାନୀୟ ଲୋକେ ମଧ୍ୟ ସମାନ ଦାବି କରୁଛନ୍ତି । ହାପୁର ସିଟି କୋତୱାଲି ପୋଲିସ କହିଛି ଯେ ସେମାନେ ସ୍ୱାମୀ-ସ୍ତ୍ରୀଙ୍କ ମଧ୍ୟରେ ବିବାଦର ରିପୋର୍ଟ ପାଇଛନ୍ତି । ପୋଲିସ ଅଭିଯୋଗ ଆଧାରରେ ବର୍ତ୍ତମାନ ତଦନ୍ତ କରି ପରବର୍ତ୍ତୀ କାର୍ଯ୍ୟାନୁଷ୍ଠାନ ଗ୍ରହଣ କରୁଛି । ଅନ୍ୟପଟେ ସମଗ୍ର ଘଟଣାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହୋଇଛି।
