Terrorist Arrested / କଟକ ପରେ ରାଜଧାନୀ ଭୁନେଶ୍ଵରରୁ ଗିରଫ ହେଲା ସନ୍ଦିଗ୍ଧ ଆତଙ୍କୀ ଇମ୍ରାନ୍
·1 hour ago·2 min read
Key Points
- ଦିଲ୍ଲୀ ପୋଲିସ ସ୍କାନରରେ ଥିଲା ଓଡ଼ିଆ ଯୁବକ
- ଦିଲ୍ଲୀ ବ୍ଲାଷ୍ଟ ଲିଙ୍କ୍ରୁ ଓଡ଼ିଶା କନେକ୍ସନ
- ମାସେ କାଳ ଡେରା ପକାଇଥିଲା ସ୍ପେଶାଲ ବ୍ରାଞ୍ଚ
ଭୁବନେଶ୍ଵର: ରାଜଧାନୀର ଛାତିରେ ରହୁଥିଲା । ମନରେ ଥିଲା ଦେଶ ବିରୋଧୀ ଭାବନା । ଯାହାକୁ ସୋସିଆଲ ମିଡିଆ ଜରିଆରେ ଜାହିର୍ କରୁଥିଲା । ଦେଶବିରୋଧୀ ସ୍ଲୋଗାନ ଏବଂ କଟ୍ଟରବାଦୀ ଚିନ୍ତାଧାରା ପ୍ରଚାର କରୁଥିଲା ସାମାଜିକ ଗଣମାଧ୍ୟମରେ । ଏଭଳି ଅଭିଯୋଗରେ ରାଜଧାନୀରୁ ଜଣେ ଯୁବକକୁ ଗିରଫ କରିଛି ଦିଲ୍ଲୀ ପୋଲିସର ସ୍ପେଶାଲ ସେଲ୍ ।
ଭୁବନେଶ୍ୱରରୁ ଇମ୍ରାନ୍ ନାମକ ଜଣେ ୨୨ ବର୍ଷୀୟ ଯୁବକକୁ କାବୁ କରିଛି ଦିଲ୍ଲୀ ପୋଲିସ । ଭୁବନେଶ୍ୱର SDJM କୋର୍ଟରେ ହାଜର ପରେ ଅଭିଯୁକ୍ତକୁ ଟ୍ରାଞ୍ଜିଟ୍ ରିମାଣ୍ଡରେ ଦିଲ୍ଲୀ ପୋଲିସ ନେଇଛି । ପୂର୍ବରୁ ୨୦୧୫ ଡିସେମ୍ବରରେ ଦିଲ୍ଲୀ ପୋଲିସ ଅଲ୍-କାଏଦା ଆତଙ୍କୀ ସଂଗଟନ ସହ ଜଡ଼ିତ ଅଭିଯୋଗରେ କଟକରୁ ଅବଦୁଲ ରେହମାନକୁ ଗିରଫ କରିଥିଲା । ଏବେ ଉକ୍ତ ମାମଲାର ୧୧ ବର୍ଷ ପରେ ରାଜଧାନୀ ଭୁବନେଶ୍ଵରରୁ ଗିରଫ ହୋଇଛି ଇମ୍ରାନ ।
ଏଥିସହ ପଢ଼ନ୍ତୁ: ରାଜଧାନୀର ୟୁନିଟ-୬ରୁ ଆତଙ୍କବାଦୀ ଗିରଫ: ପାକିସ୍ତାନ ସହ ଲିଙ୍କରେ ଥିଲେ ...ରଚୁଥିଲେ ବଡ଼ ଷଡ଼ଯନ୍ତ୍ର
ଗିରଫ ସନ୍ଦିଗ୍ଧ ହେଉଛି ଶେଖ୍ ଇମ୍ରାନ ଓରଫ୍ ଏସ.କେ ଇମ୍ରାନ, ବୟସ- ୨୨ ବର୍ଷ । ବାପାଙ୍କ ନାଁ- ଶେଖ୍ ଅମିର, ୟୁନିଟ୍-୬ ଗଙ୍ଗନଗର ଅଞ୍ଚଳରେ ରହୁଥିଲେ । ଦଶମ ଫେଲ୍ ପରେ ବେକାର ହୋଇ ଘରେ ଥିବା ଇମ୍ରାନ କିଛି ଦିନ ଭୁବନେଶ୍ବରରେ ଡୋର ଟୁ ଡୋର ଖାଦ୍ୟ ବିକ୍ରି କରୁଥିଲା ।
କିନ୍ତୁ କେତେବେଳେ ମୋବାଇଲ୍ ମାଧ୍ୟମରେ କଟ୍ଟରବାଦୀ ସଙ୍ଗଠନ ସହ ଯୋଡ଼ି ହୋଇଗଲା, ସୋସିଆଲ୍ ମିଡିଆରେ ଦେଶଦ୍ରୋହ ସମ୍ପର୍କିତ ଖବର ପ୍ରସାରିତ କଲା ତାହା ପରିବାର ଲୋକେ ବି ଜାଣିପାରିଲେ ନାହିଁ ।
କମିଶନରେଟ୍ ପୋଲିସର ସୂଚନା ଅନୁଯାୟୀ, ଇମ୍ରାନ୍ କେବଳ ପୋଷ୍ଟ କରୁନଥିଲା ବରଂ ଅନ୍ତର୍ଜାତୀୟ କଟ୍ଟରବାଦୀ ଗୋଷ୍ଠୀ ସହ ସିଧାସଳଖ ସମ୍ପର୍କରେ ଥିଲା । ଏହି କାମ ପାଇଁ ତା' ପାଖକୁ ବେଆଇନ ଭାବେ ଟଙ୍କା ପଠାଯାଉଥିବା ମଧ୍ୟ ସନ୍ଦେହ କରାଯାଉଛି ।
ଦେଶ ବିରୋଧରେ ବିଭିନ୍ନ ଉତ୍ତେଜନାମୂଳକ ପୋଷ୍ଟ ପାଇଁ ସେ ନିୟମିତ ପେମେଣ୍ଟ ପାଉଥିବା ନେଇ ତଦନ୍ତକାରୀ ସଂସ୍ଥା ପ୍ରମାଣ ପାଇଛି । ଶନିବାର ଇମ୍ରାନକୁ ଭୁବନେଶ୍ୱର SDJM କୋର୍ଟରେ ହାଜର କରାଯିବା ପରେ ଦିଲ୍ଲୀ ପୋଲିସ ଟ୍ରାଞ୍ଜିଟ୍ ରିମାଣ୍ଡରେ ନେଇ ଅଧିକ ଖୋଳତାଡ଼ ଜାରି ରଖିଛି ।
ଏଥିସହ ପଢ଼ନ୍ତୁ: ସ୍କୁଲ୍ ହଷ୍ଟେଲ୍ ଗାର୍ଡଙ୍କ ଜଘନ୍ୟ କାଣ୍ଡ; ୫ ବର୍ଷର ବାଳକ ସହ ଅପ୍ରାକୃତିକ ସମ୍ପର୍କ ପରେ କାଟିଦେଲା ତଣ୍ଟି
ଘଟଣାର ସୂତ୍ରପାତ ହୋଇଥିଲା ଗତବର୍ଷ ନଭେମ୍ବର ମାସରେ । ଦିଲ୍ଲୀ ଲାଲକିଲ୍ଲା ମେଟ୍ରୋ ସମ୍ମୁଖରେ ହୋଇଥିବା ଏକ ବୋମା ବିସ୍ଫୋରଣ ଘଟଣାରେ କିଛି ଯୁବକଙ୍କୁ ଅଟକ ରଖି ପଚରାଉଚରା କରିଥିଲା ଦିଲ୍ଲୀ ପୋଲିସ୍ର ସ୍ପେଶାଲ ସେଲ୍ । ସେହିଠାରୁ ହିଁ ମିଳିଥିଲା ଓଡ଼ିଶା ଲିଙ୍କ୍ ।
ତଦନ୍ତରୁ ଜଣାପଡ଼ିଥିଲା ଯେ ଭୁବନେଶ୍ୱରର ଶେଖ୍ ଇମ୍ରାନ୍ ସୋସିଆଲ ମିଡିଆରେ ଦେଶ ବିରୋଧୀ କାର୍ଯ୍ୟକଳାପରେ ସକ୍ରିୟ ଅଛି । ଇନଷ୍ଟାଗ୍ରାମ, ଫେସବୁକ୍ ଓ ହ୍ୱାଟସ୍ଆପ୍ ଜରିଆରେ କଟ୍ଟରବାଦୀ ପୋଷ୍ଟ କରି ଯୁବପିଢିଙ୍କୁ ବିଭ୍ରାନ୍ତ କରୁଛି । ଏହାର ଟେର ପାଇବା ପରେ ଦିଲ୍ଲୀ ପୋଲିସର ଏକ ଟିମ୍ ମାସେ ହେଲା ଓଡ଼ିଶାରେ ଛାନଭିନ୍ ଜାରି ରଖିଥିଲା । ଶେଷରେ ଶୁକ୍ରବାର କମିଶନରେଟ୍ ପୋଲିସ ସହାୟତାରେ ଇମ୍ରାନକୁ ଗିରଫ କରାଯାଇଛି ।
ଭୁବନେଶ୍ୱରରୁ ଇମ୍ରାନ୍ ନାମକ ଜଣେ ୨୨ ବର୍ଷୀୟ ଯୁବକକୁ କାବୁ କରିଛି ଦିଲ୍ଲୀ ପୋଲିସ । ଭୁବନେଶ୍ୱର SDJM କୋର୍ଟରେ ହାଜର ପରେ ଅଭିଯୁକ୍ତକୁ ଟ୍ରାଞ୍ଜିଟ୍ ରିମାଣ୍ଡରେ ଦିଲ୍ଲୀ ପୋଲିସ ନେଇଛି । ପୂର୍ବରୁ ୨୦୧୫ ଡିସେମ୍ବରରେ ଦିଲ୍ଲୀ ପୋଲିସ ଅଲ୍-କାଏଦା ଆତଙ୍କୀ ସଂଗଟନ ସହ ଜଡ଼ିତ ଅଭିଯୋଗରେ କଟକରୁ ଅବଦୁଲ ରେହମାନକୁ ଗିରଫ କରିଥିଲା । ଏବେ ଉକ୍ତ ମାମଲାର ୧୧ ବର୍ଷ ପରେ ରାଜଧାନୀ ଭୁବନେଶ୍ଵରରୁ ଗିରଫ ହୋଇଛି ଇମ୍ରାନ ।
ଏଥିସହ ପଢ଼ନ୍ତୁ: ରାଜଧାନୀର ୟୁନିଟ-୬ରୁ ଆତଙ୍କବାଦୀ ଗିରଫ: ପାକିସ୍ତାନ ସହ ଲିଙ୍କରେ ଥିଲେ ...ରଚୁଥିଲେ ବଡ଼ ଷଡ଼ଯନ୍ତ୍ର
ଗିରଫ ସନ୍ଦିଗ୍ଧ ହେଉଛି ଶେଖ୍ ଇମ୍ରାନ ଓରଫ୍ ଏସ.କେ ଇମ୍ରାନ, ବୟସ- ୨୨ ବର୍ଷ । ବାପାଙ୍କ ନାଁ- ଶେଖ୍ ଅମିର, ୟୁନିଟ୍-୬ ଗଙ୍ଗନଗର ଅଞ୍ଚଳରେ ରହୁଥିଲେ । ଦଶମ ଫେଲ୍ ପରେ ବେକାର ହୋଇ ଘରେ ଥିବା ଇମ୍ରାନ କିଛି ଦିନ ଭୁବନେଶ୍ବରରେ ଡୋର ଟୁ ଡୋର ଖାଦ୍ୟ ବିକ୍ରି କରୁଥିଲା ।
କିନ୍ତୁ କେତେବେଳେ ମୋବାଇଲ୍ ମାଧ୍ୟମରେ କଟ୍ଟରବାଦୀ ସଙ୍ଗଠନ ସହ ଯୋଡ଼ି ହୋଇଗଲା, ସୋସିଆଲ୍ ମିଡିଆରେ ଦେଶଦ୍ରୋହ ସମ୍ପର୍କିତ ଖବର ପ୍ରସାରିତ କଲା ତାହା ପରିବାର ଲୋକେ ବି ଜାଣିପାରିଲେ ନାହିଁ ।
କମିଶନରେଟ୍ ପୋଲିସର ସୂଚନା ଅନୁଯାୟୀ, ଇମ୍ରାନ୍ କେବଳ ପୋଷ୍ଟ କରୁନଥିଲା ବରଂ ଅନ୍ତର୍ଜାତୀୟ କଟ୍ଟରବାଦୀ ଗୋଷ୍ଠୀ ସହ ସିଧାସଳଖ ସମ୍ପର୍କରେ ଥିଲା । ଏହି କାମ ପାଇଁ ତା' ପାଖକୁ ବେଆଇନ ଭାବେ ଟଙ୍କା ପଠାଯାଉଥିବା ମଧ୍ୟ ସନ୍ଦେହ କରାଯାଉଛି ।
ଦେଶ ବିରୋଧରେ ବିଭିନ୍ନ ଉତ୍ତେଜନାମୂଳକ ପୋଷ୍ଟ ପାଇଁ ସେ ନିୟମିତ ପେମେଣ୍ଟ ପାଉଥିବା ନେଇ ତଦନ୍ତକାରୀ ସଂସ୍ଥା ପ୍ରମାଣ ପାଇଛି । ଶନିବାର ଇମ୍ରାନକୁ ଭୁବନେଶ୍ୱର SDJM କୋର୍ଟରେ ହାଜର କରାଯିବା ପରେ ଦିଲ୍ଲୀ ପୋଲିସ ଟ୍ରାଞ୍ଜିଟ୍ ରିମାଣ୍ଡରେ ନେଇ ଅଧିକ ଖୋଳତାଡ଼ ଜାରି ରଖିଛି ।
ଏଥିସହ ପଢ଼ନ୍ତୁ: ସ୍କୁଲ୍ ହଷ୍ଟେଲ୍ ଗାର୍ଡଙ୍କ ଜଘନ୍ୟ କାଣ୍ଡ; ୫ ବର୍ଷର ବାଳକ ସହ ଅପ୍ରାକୃତିକ ସମ୍ପର୍କ ପରେ କାଟିଦେଲା ତଣ୍ଟି
ଘଟଣାର ସୂତ୍ରପାତ ହୋଇଥିଲା ଗତବର୍ଷ ନଭେମ୍ବର ମାସରେ । ଦିଲ୍ଲୀ ଲାଲକିଲ୍ଲା ମେଟ୍ରୋ ସମ୍ମୁଖରେ ହୋଇଥିବା ଏକ ବୋମା ବିସ୍ଫୋରଣ ଘଟଣାରେ କିଛି ଯୁବକଙ୍କୁ ଅଟକ ରଖି ପଚରାଉଚରା କରିଥିଲା ଦିଲ୍ଲୀ ପୋଲିସ୍ର ସ୍ପେଶାଲ ସେଲ୍ । ସେହିଠାରୁ ହିଁ ମିଳିଥିଲା ଓଡ଼ିଶା ଲିଙ୍କ୍ ।
ତଦନ୍ତରୁ ଜଣାପଡ଼ିଥିଲା ଯେ ଭୁବନେଶ୍ୱରର ଶେଖ୍ ଇମ୍ରାନ୍ ସୋସିଆଲ ମିଡିଆରେ ଦେଶ ବିରୋଧୀ କାର୍ଯ୍ୟକଳାପରେ ସକ୍ରିୟ ଅଛି । ଇନଷ୍ଟାଗ୍ରାମ, ଫେସବୁକ୍ ଓ ହ୍ୱାଟସ୍ଆପ୍ ଜରିଆରେ କଟ୍ଟରବାଦୀ ପୋଷ୍ଟ କରି ଯୁବପିଢିଙ୍କୁ ବିଭ୍ରାନ୍ତ କରୁଛି । ଏହାର ଟେର ପାଇବା ପରେ ଦିଲ୍ଲୀ ପୋଲିସର ଏକ ଟିମ୍ ମାସେ ହେଲା ଓଡ଼ିଶାରେ ଛାନଭିନ୍ ଜାରି ରଖିଥିଲା । ଶେଷରେ ଶୁକ୍ରବାର କମିଶନରେଟ୍ ପୋଲିସ ସହାୟତାରେ ଇମ୍ରାନକୁ ଗିରଫ କରାଯାଇଛି ।
📱 Get Argus News App
✨📰 60 Word News🎬 Argus Podcast📺 Live TV and Breaking News🔔 Free Notification Alerts
Download Free:
Related Topics
Explore more stories