Argus News - ମେଳାରେ ନିଶା କୋଲ୍ଡଡ୍ରିଙ୍କସ ପିଆଇ ଗଣଦୁଷ୍କର୍ମ; ୩ଦିନ ପୀଡ଼ିତାଙ୍କୁ ବାନ୍ଧି ରଖିଲେ

ବିହାର ମୁଜ୍ଜଫରପୁର ଜିଲ୍ଲାରେ ଯୁବତୀଙ୍କୁ ଗଣଦୁଷ୍କର୍ମ । ଯୁବତୀଙ୍କୁ ମେଳାରେ ନିଶା ଥଣ୍ଡା ପିଆଇ ଦୁଷ୍କର୍ମ କରାଯାଇଥିବା ଅଭିଯୋଗ ହୋଇଛି । ଅଭିଯୁକ୍ତମାନେ ଯୁବତୀଙ୍କୁ ତିନି ଦିନ ବାନ୍ଧିକି ରଖିଥିଲେ । ପୋଲିସ ଏହି ଘଟଣାକୁ ଗମ୍ଭୀରତାର ସହ ନେଇ ମୁଖ୍ୟ ଅଭିଯୁକ୍ତ ଋଷି ଯାଦବକୁ ଗିରଫ କରିଥିବାବେଳେ ଏହାର ଅନ୍ୟ ସାଥୀଙ୍କୁ ଖୋଜୁଛି । ପୀଡ଼ିତା ମୁଖ୍ୟ ଅଭିଯୁକ୍ତକୁ ପୂର୍ବରୁ ଜାଣିଥିଲେ ବୋଲି କହିଛନ୍ତି ।

• କଣ ପୂରା ଘଟଣା ?

ପୀଡ଼ିତା ଜଣକ କହିଛନ୍ତି ଯେ ଏକ ଘରୋଇ ହସ୍ପିଟାଲରେ ତାଙ୍କର ମାଈଁ ଚିକିତ୍ସିତ ହେଉଥିବା ସମୟରେ ତାଙ୍କର ମୁଖ୍ୟ ଅଭିଯୁକ୍ତ ଋଷି ଯାଦବ ସହ ଦେଖା ହୋଇଥିଲା । ଅଭିଯୁକ୍ତ ଋଷି ସାହାଯ୍ୟ କରିବା ବାହାନାରେ ଯୁବତୀଙ୍କ ଫୋନ ନମ୍ବର ନେଇଥିଲା ଏବଂ ପରେ ତାଙ୍କୁ ମେଳା ବୁଲେଇନେବ ବୋଲି ଡାକିଥିଲା । ହେଲେ ତାର ଉଦ୍ଦେଶ୍ୟ ଆଉ କିଛି ଥିଲା ।

• ଯୁବତୀଙ୍କ ପିଆଇଲା ନିଶା ଥଣ୍ଡା

ମେଳାରେ ଅଭିଯୁକ୍ତ ଜଣକ ପୀଡ଼ିତାଙ୍କ ଆଖିରେ ଧୂଳି ଦେଇ ତାଙ୍କ ଥଣ୍ଡା ପାନୀୟରେ ନିଶା ବଟିକା ମିଶାଇଥିଲା । ଏହାପରେ ଯୁବତୀଙ୍କୁ ଉକ୍ତ ଥଣ୍ଡା ପିଇବାକୁ ଦେଇଥିଲା । ପୂର୍ବରୁ ବନ୍ଧୁତା ଓ ବିଶ୍ଵାସ ଥିବାରୁ ଯୁବତୀ କିଛି ନ ଭାବି ଥଣ୍ଡାକୁ ପିଇଦେଇଥିଲେ । ଏହାପରେ ସେ ଚେତାଶୂନ୍ୟ ହରାଇଥିଲେ । ଏହାପରେ ଅଭିଯୁକ୍ତ ଋଷି ଯାଦବଙ୍କ ସହିତ ତାଙ୍କର ଅନ୍ୟ ଦୁଇ ସାଥୀ ପୀଡ଼ିତାଙ୍କୁ ଏକ ନିର୍ଜନ ସ୍ଥାନକୁ ନେଇ ଗଣଦୁଷ୍କର୍ମ କରିଥିଲେ । ଏହାପରେ ସେମାନେ ଯୁବତୀଙ୍କୁ ତିନି ଦିନ ଧରି ଅଟକ ରଖିଥିଲେ ଓ ସେ ବିରୋଧ କରିବା ପରେ ତାଙ୍କୁ ବିକ୍ରି କରିବା ଏବଂ ଜୀବନରୁ ମାରିଦେବାକୁ ବି ଧମକ ଦେଇଥିଲେ ।

ପଢନ୍ତୁ ଏହି ଖବର: ମିଛ ଖବର ଦେଇ ହୋଟେଲକୁ ନେଲା; ଦୁଷ୍କର୍ମ କଲା ପଡ଼ୋଶୀ

ପୀଡ଼ିତା ଜଣକ କହିଛନ୍ତି ଯେ ସେ ଅଭିଯୋଗ କରିବା ପରେ ଅହିୟାପୁର ଥାନା ପହଞ୍ଚିଥିଲେ, ହେଲେ ସେଠାରେ ପୋଲିସ ତାଙ୍କ କଥା ଶୁଣିନଥିବା ସେ ଅଭିଯୋଗ କରିଛନ୍ତି । ପୋଲିସ ୩ ଦିନ ପରେ ମାମଲା ରୁଜୁ କରିଥିବା ପୀଡ଼ିତା ଅଭିଯୋଗ କରିଛନ୍ତି । ପୀଡ଼ିତାଙ୍କ ବୟାନ ଶୁଣିବା ପରେ ପୋଲିସ ମାମଲାକୁ ଗମ୍ଭୀରତାର ସହ ନେଇ ତଦନ୍ତ ଆରମ୍ଭ କରିଥିଲା । ଏବେ ମୁଖ୍ୟ ଅଭିଯୁକ୍ତ ଋଷି ଯାଦବକୁ ପୋଲିସ ଗିରଫ କରିସାରିଛି ଓ ଅନ୍ୟ ଦୁଇ ଅଭିଯୁକ୍ତଙ୍କୁ ଖୋଜୁଥିବା କହିଛି ପୋଲିସ।