Shocking Crime / ଗାଁ ପୋଖରୀରେ ମୁଣ୍ଡବିହୀନ ମୃତଦେହ, ଘରେ ପୋତା ହୋଇଥିଲା କଟା ମୁଣ୍ଡ

ବଲାଙ୍ଗିର: ଶତ୍ରୁ ସାଜିଲା ଶତ୍ରୁଘ୍ନ । ସନ୍ତୋଷକୁ ଡାକି ନେଇ ମାରିଦେଲା । ଘରେ କଟା ମୁଣ୍ଡ ରଖିବା ବଳି ଦେଇଥିବା ଅଭିଯୋଗ । ବଲାଙ୍ଗିର ଜିଲ୍ଲା ଦେଓଗାଁ ଥାନା ବଗଡ଼ା ଗାଁରେ ପୋଖରୀରୁ ମୁଣ୍ଡ ବିହୀନ ଶବ ଉଦ୍ଧାର ଘଟଣାରେ ମୃତକଙ୍କ ମୁଣ୍ଡ ମିଳିଛି । ଅଭିଯୁକ୍ତ ଶତ୍ରୁଘ୍ନ ଘରେ ପୋତା ଯାଇଥିବା କଟା ମୁଣ୍ଡ ଜବତ କରାଯାଇଛି ।

ସନ୍ତୋଷ ଖରସେଲଙ୍କୁ ଅଭିଯୁକ୍ତ ଶତ୍ରୁଘ୍ନ ବଳି ଦେଇଥିବା ଅଭିଯୋଗ ହୋଇଛି । ଗୁରୁବାର ଦେଓଗାଁ ଥାନା ବଗଡ଼ା ଗାଁରେ ପୋଖରୀରେ ମୁଣ୍ଡ ବିହୀନ ଶବ ଭାସୁଥିବା ଦେଖି ଚାଞ୍ଚଲ୍ୟ ଖେଳି ଯାଇଥିଲା । ପୋଲିସର ଛାନଭିନ୍ ବେଳେ ଅଭିଯୁକ୍ତ ଶତ୍ରୁଘ୍ନ ସାହୁ ଘରୁ କଟା ମୁଣ୍ଡ ମିଳିଥିଲା ।

ଏଥିସହ ପଢ଼ନ୍ତୁ: ଆଉ ସହର ନୁହେଁ, ଗାଁ ଗାଁରେ ମାତିଲେଣି ଅପରାଧୀ; ଗାଡ଼ି ଲୁଟ୍ ପାଇଁ କଲେ ଗୁଳିମାଡ଼ 

ବଳି ଦେଇ ଘରେ ପୋତିଥିଲା କଟା ମୁଣ୍ଡ

ଅଭିଯୋଗ ଅନୁସାରେ, ମୃତ ସନ୍ତୋଷ ଖରସେଲ ୩ ଦିନ ହେଲା ନିଖୋଜ ଥିଲେ । ତୁଷୁରା ଥାନା ଅନ୍ତର୍ଗତ ଟେପଡ଼ାମୁଡ଼ା ଗାଁର ସନ୍ତୋଷ ବସ୍‌ରେ ୩ ଦିନ ତଳେ ଅଗଷ୍ଟ ୧୮ ତାରିଖରେ ପଳାଇ ଆସିଥିଲେ । ସନ୍ତୋଷଙ୍କୁ ଖାଇବା ଲୋଭ ଦେଖାଇ ଶତ୍ରୁଘ୍ନ ଘରକୁ ନେଇ ଯାଇଥିଲେ ।

ଆଉ ଘରେ ସନ୍ତୋଷଙ୍କ ମୁଣ୍ଡ ଗଣ୍ଡି ଅଲଗା କରି ଦେଇଥିଲା ଶତ୍ରୁଘ୍ନ । ବଳି ଉଦ୍ଦେଶ୍ୟରେ ହତ୍ୟା ସହ କଟା ମୁଣ୍ଡକୁ ଶୋଇବା ଘରେ ଗାତ ଖୋଳି ପୋତି ଦେଇଥିବା ସନ୍ତୋଷଙ୍କ ପରିବାର ଲୋକେ ଅଭିଯୋଗ ଆଣିଛନ୍ତି । ପୋଲିସ ପହଞ୍ଚି ମୃତଦେହ ଉଦ୍ଧାର କରିବା ସହ କଟା ମୁଣ୍ଡକୁ ଖୋଳି ବାହାର କରିଛି ।

ଏଥିସହ ପଢ଼ନ୍ତୁ: ହାତ ବାନ୍ଧି ମାନସିକ ବିକାରଗ୍ରସ୍ତଙ୍କୁ ମନ ଇଚ୍ଛା ପିଟିଲେ ଦୋକାନୀ; ପ୍ଲାଟଫର୍ମରେ ଛିଡ଼ା ହୋଇ ଦେଖୁଥିଲେ ସମସ୍ତେ 

ତେବେ ଶତ୍ରୁଘ୍ନ ବଳି ଉଦ୍ଦେଶ୍ୟରେ ସନ୍ତୋଷଙ୍କୁ ହତ୍ୟା ପରେ କଟା ମୁଣ୍ଡ ରଖିଥିଲା କି ? ନା ହତ୍ୟା ପଛରେ ଆଉ କିଛି କାରଣ ରହିଛି ? ମୃତ ସନ୍ତୋଷଙ୍କ ପରିବାର ଲୋକଙ୍କ କହିବା ଅନୁସାରେ, ସେମାନେ ଶତ୍ରୁଘ୍ନକୁ ଆଗରୁ ଚିହ୍ନି ନାହାନ୍ତି କିମ୍ବା ଜାଣି ନାହାନ୍ତି ।

ପୋଲିସ ମୁଣ୍ଡବିହୀନ ମୃତଦେହ ସହ କଟା ମୁଣ୍ଡ ଜବତ କରି ଛାନଭିନ୍ ଜାରି ରଖିଛି । ଅଭିଯୁକ୍ତ ଶତ୍ରୁଘ୍ନ ସାହୁକୁ ପୋଲିସ ଗିରଫ କରିବା ସହ ପଚରାଉଚରା କରୁଛି । ମୁଖ୍ୟ ଅଭିଯୁକ୍ତ ଶତ୍ରୁଘ୍ନ ସାହୁକୁ ଫାଶୀ ଦେବାକୁ ମୃତ ସନ୍ତୋଷଙ୍କ ପରିବାର ପକ୍ଷରୁ ଦାବି କରାଯାଇଛି ।