ଉତ୍ତରପ୍ରଦେଶରେ ନୀଳ ଡ୍ରମ୍ ପରେ ଏବେ ଲକ୍ଷ୍ନୌର ଏକ ଡିପ୍ ଫ୍ରିଜରରେ ମିଳିଛି ମୃତଦେହ । ଗତ ୩ ଦିନ ଧରି ଭେଜ୍ ବିରିୟାନୀ ଦୋକାନଟି ବନ୍ଦ ଥିଲା । ହେଲେ ଏବେ ବିରିୟାନୀ ଦୋକାନର ଡିପ୍ ଫ୍ରିଜରରୁ ଜଣେ ଯୁବକଙ୍କ ମୃତଦେହ ମିଳିବା ଘଟଣା ଅନେକଙ୍କୁ ଆଶ୍ଚର୍ଯ୍ୟ କରିଛି । ଘଟଣାସ୍ଥଳରୁ ପୋଲିସ ପାଇଥିବା ପ୍ରମାଣ ହତ୍ୟାକୁ ଇଙ୍ଗିତ କରୁଛି ।

ତେବେ ମୃତକଙ୍କ ନାମ ହେଉଛି ବିଜୟ ପାଲ । ତାଙ୍କର ଗୋଟିଏ ଚପଲ ରାସ୍ତା କଡ଼ରେ ମିଳିଥିବାବେଳେ ଅନ୍ୟଟି ଦୋକାନ ଭିତରୁ ମିଳିଛି । ସ୍ଥାନୀୟ ପୋଲିସର କହିବାନୁସାରେ, ଦୋକାନଟି ଗତ ତିନି ଦିନ ଧରି ବନ୍ଦ ଥିଲା ଏବଂ ଏହା ଅନୁମାନ କରାଯାଉଛି ଯେ ଅଭିଯୁକ୍ତମାନେ ଏହାର ସୁଯୋଗ ନେଇ ଫ୍ରିଜର ଭିତରେ ମୃତଦେହକୁ ଲୁଚାଇ ରଖିଥାଇପାରନ୍ତି ।

୩ ଦିନ ଧରି ବନ୍ଦ ଥିଲା ଭେଜ୍ ବିରିୟାନୀ ସପ୍
ଗତ ରବିବାର ସକାଳେ ବିକେଟିର କିଶନପୁର ଗାଁର ବାସିନ୍ଦା ବିଜୟ ପାଲଙ୍କ ମୃତଦେହ ଜିସିଆର କଲେଜ ଗେଟ୍ ସାମ୍ନା ଏକ ନିରାମିଷ ବା ଭେଜ୍ ବିରିୟାନୀ ଦୋକାନର ଫ୍ରିଜରରୁ ମିଳିଛି । ବିଜୟ ପାଲ୍ ଶୁକ୍ରବାର ଅପରାହ୍ନରୁ ନିଖୋଜ ଥିଲେ । ଅନ୍ୟପଟେ ଯେତେବେଳେ ଭେଜ୍ ବିରିୟାନୀ ଦୋକାନର ମାଲିକ ସାମଗ୍ରୀ ନେବାକୁ ପହଞ୍ଚିଲେ, ସେ ଡିପ୍ ଫ୍ରିଜର ଖୋଲିଥିଲେ ଏବଂ ସେଥିରେ ବିଜୟ ପାଲଙ୍କ ମୃତଦେହ ପାଇଥିଲେ । ଏହା ପରେ ସେ ପୋଲିସକୁ ସୂଚନା ଦେଇଥିଲେ ।

थाना बीकेटी क्षेत्रान्तर्गत एक दुकान में रखी फ्रिज से शव बरामद होने के संबंध में @dcp_north द्वारा दी गयी बाइट।@Uppolice @dgpup @homeupgov @UPGovt pic.twitter.com/yVLHsPVMDN

— LUCKNOW POLICE (@lkopolice) March 1, 2026

ଆଧାର କାର୍ଡରୁ ମିଳିଲା ପରିଚୟ
ଡେପୁଟି କମିଶନର ଅଫ୍ ପୋଲିସ (ଉତ୍ତର) ଗୋପାଳ କୃଷ୍ଣ ଚୌଧୁରୀ ଏବଂ ତାଙ୍କ ଦଳ ଘଟଣାସ୍ଥଳରେ ପହଞ୍ଚିଥିଲେ । ସେମାନେ ମୃତଦେହକୁ ଉଦ୍ଧାର କରି ଘଟଣାସ୍ଥଳକୁ ସିଲ୍ କରିଥିବାବେଳେ ମୃତଦେହକୁ ବ୍ୟବଚ୍ଛେଦ ପାଇଁ ପଠାଇଛନ୍ତି । ମୃତକଙ୍କ ମୋବାଇଲ୍ ଫୋନ୍ ଏବଂ ଆଧାର କାର୍ଡ ମାଧ୍ୟମରେ ତାଙ୍କ ନାଁ ବିଜୟ ପାଲ୍ ବୋଲି ଚିହ୍ନଟ କରାଯାଇଛି । ସେ ଏକାକୀ ରହୁଥିଲେ । ଘଟଣାସ୍ଥଳରୁ ମିଳିଥିବା ପ୍ରମାଣ ଆଧାରରେ ପୋଲିସ ହତ୍ୟା ସନ୍ଦେହ କରୁଛି । ବ୍ୟବଚ୍ଛେଦ ରିପୋର୍ଟରେ ମୃତ୍ୟୁର କାରଣ ଜଣାପଡ଼ିନଥିବାବେଳେ ସେପଟେ ପରିବାର ମଧ୍ୟ ଏଯାବତ୍ କୌଣସି ଅଭିଯୋଗ ଦାଖଲ କରିନାହିଁ ।

ଅଧିକ ଖବର ପଢନ୍ତୁ...