Argus News - 'ରେଡ୍ ଲାଇଟ୍‌ରେ କାର୍ ଅଟକିବା ପରେ ହୋଇଥିଲା ବିସ୍ଫୋରଣ': ଦିଲ୍ଲୀ ପୋଲିସ କମିଶନର

ନୂଆଦିଲ୍ଲୀ: ଲାଲକିଲ୍ଲା ମେଟ୍ରୋ ଷ୍ଟେସନ ବାହାରେ ବିସ୍ଫୋରଣ ପରେ ରାଷ୍ଟ୍ରୀୟ ରାଜଧାନୀ ଦିଲ୍ଲୀ ସହ ମୁମ୍ବାଇରେ ହାଇଆଲର୍ଟ ଜାରି କରାଯାଇଛି । ଏବେ ସୁଦ୍ଧା ବିସ୍ଫୋରଣରେ ୮ ଜଣଙ୍କର ମୃତ୍ୟୁ ହୋଇଥିବା ବେଳେ ଏକାଧିକ ଆହତ ହୋଇଛନ୍ତି । ବିସ୍ଫୋରଣ ନେଇ ପ୍ରତିକ୍ରିୟା ରଖିଛନ୍ତି ଦିଲ୍ଲୀ ପୋଲିସ କମିଶନର ସତୀଶ ଗୋଲଚା ।

#WATCH | Delhi: Delhi Police Commissioner Satish Golcha says, "Today at around 6.52 pm, a slow-moving vehicle stopped at the red light. An explosion happened in that vehicle, and due to the explosion, nearby vehicles were also damaged. All agencies, FSL, NIA, are here... Some… pic.twitter.com/uIt7NRziur

— ANI (@ANI) November 10, 2025

ଦିଲ୍ଲୀ ପୋଲିସ କମିଶନର ସତୀଶ ଗୋଲଚା କହିଛନ୍ତି, "ସନ୍ଧ୍ୟା ୬ଟା ୫୨ରେ ଏହି ବିସ୍ଫୋରଣ ହୋଇଛି । ରେଡ୍ ଲାଇଟ୍‌ ଆଡ଼କୁ ଏକ କାର୍ ବହୁତ ଧିରେ ଧିରେ ଆସୁଥିଲା । ରେଡ୍ ଲାଇଟ୍‌ରେ କାରଟି ଅଟକିବା ମାତ୍ରେ ବିସ୍ଫୋରଣ ହୋଇଥିଲା । ଉକ୍ତ କାର୍‌ରେ କିଛି ଲୋକ ମଧ୍ୟ ଥିଲେ । ବିସ୍ଫୋରଣ ପରେ ରେଡ୍ ଲାଇଟ୍‌ରେ ଥିବା ଅନ୍ୟ କାର୍‌କୁ ମଧ୍ୟ ନିଆଁ ବ୍ୟାପି ଯାଇଥିଲା ।"

ଏଥିସହ ପଢ଼ନ୍ତୁ: ଦୋହଲିଗଲା ଦିଲ୍ଲୀ; ଲାଲକିଲ୍ଲା ମେଟ୍ରୋ ବାହାରେ କାର୍‌ ବିସ୍ଫୋରଣରେ ୮ ମୃତ

ସେପଟେ ଲାଲକିଲ୍ଲା ନିକଟ ବିସ୍ଫୋରଣ ସ୍ଥଳରୁ ଏକ ଗୁଳି ମିଳିଛି । ବିସ୍ଫୋରଣ ସ୍ଥଳରେ ଜାତୀୟ ତଦନ୍ତକାରୀ ସଂସ୍ଥା (NIA) ଏବଂ ନ୍ୟାସନାଲ୍ ସିକ୍ୟୁରିଟି ଗାର୍ଡ (NSG) ପହଞ୍ଚି ତନାଘନା ଆରମ୍ଭ କରିଛନ୍ତି । ତେବେ ରେଡ୍ ଲାଇଟ୍‌ରେ ବିସ୍ଫୋରଣ ହୋଇଥିବା କାରଟି କେଉଁଠୁ ଆସୁଥିଲା, ସେଥିରେ କେତେ ଜଣ ଥିଲେ ତାହା ସ୍ପଷ୍ଟ ହୋଇନାହିଁ ।

ଲାଲକିଲ୍ଲା ମେଟ୍ରୋ ବାହାରେ ବିସ୍ଫୋରଣ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଅବଗତ କରାଇଛନ୍ତି ସ୍ଵରାଷ୍ଟ୍ର ମନ୍ତ୍ରୀ ଅମିତ ଶାହ । ଦିଲ୍ଲୀ ପୋଲିସର ବରିଷ୍ଠ ଅଧିକାରୀଙ୍କ ସହ ସ୍ଵରାଷ୍ଟ ମନ୍ତ୍ରୀ ଅମିତ ଶାହ ଆଲୋଚନା କରି ସ୍ଥିତି ଉପରେ ନଜର ରଖିଛନ୍ତି ।

ଦିଲ୍ଲୀରେ ବିସ୍ଫୋରଣ ପରେ ଉତ୍ତରପ୍ରଦେଶ, ମୁମ୍ବାଇ, ପୁରୀ ଭଳି ଏକାଧିକ ସ୍ଥାନରେ ହାଇଆଲର୍ଟ ଜାରି କରାଯାଇଛି । ଦିଲ୍ଲୀ ବିସ୍ଫୋରଣର କିଛି ଘଣ୍ଟା ପୂର୍ବରୁ ୨୯୦୦ କେଜି ବିସ୍ଫୋଟକ ଫରିଦାବାଦରୁ ଜବତ କରାଯାଇଥିଲା ।

ଏଥିସହ ପଢ଼ନ୍ତୁ: ଦିଲ୍ଲୀ ବିସ୍ଫୋରଣର ଦୃଶ୍ୟ: ଛାତି ଥରିଉଠିବ... ଲୋମ ଟାଙ୍କୁରି ଯିବ

ସ୍ଵରାଷ୍ଟ୍ର ମନ୍ତ୍ରୀ ଅମିତ ଶାହ ଦିଲ୍ଲୀ ବିସ୍ଫୋରଣ ଘଟଣାରେ ପ୍ରତିକ୍ରିୟା ରଖିଛନ୍ତି । ସେ କହିଛନ୍ତି, "ଲାଲକିଲ୍ଲା ନିକଟ ସୁଭାଷ ମାର୍ଗ ଟ୍ରାଫିକ୍‌ ସିଗନାଲ୍‌ରେ i-20 ହ୍ୟୁଣ୍ଡାଇ ଗାଡ଼ି ବିସ୍ଫୋରଣ ହୋଇଥିଲା । ଏହାଦ୍ଵାରା ଆଖାପାଖରେ ଥିବା ଗାଡ଼ି ଜଳିଯିବା ସହ ଲୋକ ମୃତାହତ ହୋଇଛନ୍ତି । ସୂଚନା ମିଳିବା ମାତ୍ରେ ୧୦ ମିନିଟରେ ଦିଲ୍ଲୀ କ୍ରାଇମବ୍ରାଞ୍ଚ, ସ୍ପେଶାଲ ବ୍ରାଞ୍ଚ ଅଧିକାରୀ ପହଞ୍ଚିଥିଲେ ।"

#WATCH | Delhi: Blast near Red Fort Metro Station | Union Home Minister Amit Shah says "This evening, around 7 pm, a blast occurred in a Hyundai i20 car at the Subhash Marg traffic signal near the Red Fort in Delhi. The blast injured some pedestrians and damaged some vehicles.… pic.twitter.com/BfRei3r3tx

— ANI (@ANI) November 10, 2025

ସେ ଆହୁରି କହିଛନ୍ତି, "NSG, ANI ଟିମ୍ FSL ସହ ଛାନଭିନ୍ ଆରମ୍ଭ କରିଛନ୍ତି । ଆଖପାଖରେ ଥିବା ସମସ୍ତ CCTV ଯାଞ୍ଚ କରାଯାଉଛି । ମୁଁ ଦିଲ୍ଲୀ ପୋଲିସ କମିଶନରଙ୍କ ସହ କଥା ହୋଇଛି । ସମସ୍ତ ପ୍ରକାର ଦିଗକୁ ନଜରରେ ରଖି ତଦନ୍ତ ହେଉଛି । ମୁଁ କିଛି ସମୟ ପରେ ବିସ୍ଫୋରଣ ସ୍ଥଳ ସହ ହସ୍ପିଟାଲ୍‌କୁ ଯିବି ।"