Argus News - ନିଶା ମାଫିଆଙ୍କ ଟାର୍ଗେଟରେ କଲେଜ ପଢୁଆ ପିଲା, ପାନ ଦୋକାନରେ ବିକ୍ରି ହେଉଛି ନିଶା ସମାଗ୍ରୀ

ରାଜଧାନୀରେ ନିଶା ଓ ନିଶାଡିଙ୍କ ବିରୋଧରେ କଡ଼ା ଆକ୍ସନ । ବିଭିନ୍ନ ଶିକ୍ଷାନୁଷ୍ଠାନ ଅଞ୍ଚଳ ହେବ ନିଶା ମୁକ୍ତ । ସେଥିପାଇଁ ଆକ୍ସନ ମୋଡରେ କମିଶନରେଟ ପୋଲିସ I ନିଶା ଦ୍ରବ୍ୟ ଚୋରା ବିକ୍ରି ଉପରେ ସ୍ପେଶାଲ କ୍ରାଇମ୍ ୟୁନିଟ୍ କରିଛି ଚଢାଉ । ଚନ୍ଦ୍ରଶେଖରପୁର, ପଟିଆ, ଶିଖରଚଣ୍ଡି ଓ ଇନଫୋସିଟି ଅଞ୍ଚଳ ଥିବା ବିଭିନ୍ନ ଦୋକାନ ଉପରେ ଅଚାନକ ଚଢ଼ାଉ କରିଛି ପୋଲିସ୍‌ ।

ରାଜଧାନୀରେ ଆକ୍ସନ ମୋଡରେ ସ୍ପେଶାଲ କ୍ରାଇମ୍ ୟୁନିଟ୍ I ଦିନ ତମାମ ବିଭିନ୍ନ ଦୋକାନରେ ଚାଲିଛି ଘନଘନ ରେଡ୍ I ଚନ୍ଦ୍ରଶେଖରପୁର, ପଟିଆ, ଶିଖରଚଣ୍ଡି ଓ ଇନଫୋସିଟି ଅଞ୍ଚଳରେ ହୋଇଛି ଚଢ଼ାଉ । ବିପୁଳ ପରିମାଣର ନିଶାଦ୍ରବ୍ୟ ଜବତ କରିଛି ବିଭାଗ I

ଛୋଟିଆ ଦୋକାନ କରି ବିକୁଛନ୍ତି ନିଶା ଦ୍ରବ୍ୟ । ଆଉ ପୋଲିସ୍‌ ଧରିବା ପରେ କହୁଛନ୍ତି ଭୁଲ ହୋଇଯାଇଛି ଆଉ କେବେ କରିବିନି । ଏଭଳି ବ୍ୟକ୍ତିଙ୍କ ପାଇଁ ପାଖରେ ଥିବା ଅନେକ ଶିକ୍ଷାନୁଷ୍ଠାନ ପିଲାଙ୍କ ଭବିଷ୍ୟତ ଅନ୍ଧାର ହୋଇଯାଉଛି I ବ୍ୟକ୍ତିଙ୍କ ପାଖକୁ ଗ୍ରାହକ ଆସିବା ମାତ୍ରେ ସେ ପରସି ଦେଉଛନ୍ତି ଚୁର୍ମା, ଭାଙ୍ଗ, ଗୋଗୋ ପେପର ଓ ଗଞ୍ଜେଇ । ଇନ୍ଫୋସିଟି ଥାନା ଅଧୀନରେ ଥିବା କିଛି ଦୋକାନରେ ମଧ୍ୟ ଠିକ୍ ଏପରି ଦେଖିବାକୁ ମିଳୁଛି ।

ନାମିଦାମୀ କଲେଜରେ ପାଠ ପଢିବା ପାଇଁ ଭୁବନେଶ୍ଵର ଆସୁଥିବା ପିଲାମାନେ ନିଶାସକ୍ତ ହେଉଛନ୍ତି । ଯାହାକୁ ନେଇ ତତ୍ପରତା ଦେଖାଇଛି କମିଶନରେଟ ପୋଲିସ I ବ୍ରାଉନସୁଗାର, କୋକେନ, ଗଞ୍ଜେଇ, ଚରସ, ଅଫିମ, ସିଂଥେଟିକ ଡ୍ରଗ୍ସ ଖାଇ ନିଶାରେ ଝୁମୁଛନ୍ତି ପିଲା । ଆଉ ମାଲେମାଲ୍‌ ହେଉଛନ୍ତି ଦୋକାନୀ । ବାରମ୍ବାର ଏଭଳି ଖବର ପ୍ରକାଶ ପାଇବା ପରେ ଏବେ ଆକ୍ସନ ମୋଡ଼କୁ ଆସିଛି ସ୍ପେଶାଲ କ୍ରାଇମ୍‌ ୟୁନିଟ । ସହରର ବିଭିନ୍ନ ସ୍ଥାନରେ ଅଚାନକ ଚଢ଼ାଉ କରି ନିଶା ଦ୍ରବ୍ୟ ଜବତ କରିଛି ପୋଲିସ୍ ।

ଏଥିସହ ପଢ଼ନ୍ତୁ: ନିଶା ବେପାରୀଙ୍କୁ ଛାଡ଼ ନାହିଁ,ନିଶା ମୁକ୍ତ ହେବ ଓଡିଶା