ଝାଡ଼ଖଣ୍ଡର ଧାନବାଦର ଗୋବିନ୍ଦପୁରରେ ଜଣେ ଅବସରପ୍ରାପ୍ତ ବୈଜ୍ଞାନିକଙ୍କ ପରିବାରରେ ଅଜବ ଘଟଣା । ଭଉଣୀର ଶବକୁ ବାଥରୁମରେ ଜାଳିଲା ବଡ଼ ଭାଇ । ବୈଜ୍ଞାନିକଙ୍କ ପୁଅ ତାଙ୍କ ଛାଡପତ୍ର ପାଇଥିବା ଭଉଣୀଙ୍କ ମୃତ୍ୟୁ ପରେ ତାଙ୍କ ଘରର ବାଥରୁମରେ ତାଙ୍କର ଅନ୍ତିମ ସଂସ୍କାର କରିଛନ୍ତି । ଅର୍ଦ୍ଧଦଗ୍ଧ ଶରୀରରୁ ଦୁର୍ଗନ୍ଧ ପଡ଼ୋଶୀରେ ବ୍ୟାପିବା ପରେ ଏହି ଘଟଣା ସାମ୍ନାକୁ ଆସିଛି । ଆଉ ପୋଲିସ ଘରେ ପହଞ୍ଚିବା ପରେ ଆଶ୍ଚର୍ଯ୍ୟ ହୋଇପଡ଼ିଛି । ତିନି ବର୍ଷ ପୂର୍ବେ ବୈଜ୍ଞାନିକ ପିତାଙ୍କ ମୃତ୍ୟୁ ପରଠାରୁ ଲିପିକା ଗମ୍ଭୀର ମାନସିକ ଅବସାଦରେ ପୀଡିତ ଥିବା କୁହାଯାଉଛି ।
- ୨୦୨୩ରେ ହୋଇଥଇଲା ବୈଜ୍ଞାନିକ ସଞ୍ଜିତଙ୍କ ମୃତ୍ୟୁ
ଅବସରପ୍ରାପ୍ତ ବୈଜ୍ଞାନିକ ସଞ୍ଜୀତ କୁମାର ଝା ୨୦୨୩ ମସିହାରେ ମୃତ୍ୟୁବରଣ କରିଥିଲେ । ତାଙ୍କ ଝିଅ ଲିପିକା, ପରବର୍ତ୍ତୀ ସମୟରେ ଡିପ୍ରେସନରେ ପୀଡିତ ଥିଲେ । ସେ ସ୍ଵାମୀଙ୍କଠାରୁ ଛାଡପତ୍ର ନେଇ ତାଙ୍କ ବାପାଙ୍କ ଘରେ ରହୁଥିଲେ । ଲିପିକା ତାଙ୍କ ରୁମରେ ଆତ୍ମହତ୍ୟା କରିଥିଲେ । ଏହାପରେ ତାଙ୍କ ବଡ଼ ଭାଇ ପ୍ରଣବ ନିଜ ସାନ ଭାଇ କିମ୍ବା ପଡ଼ୋଶୀମାନଙ୍କୁ ଏ ସମ୍ପର୍କରେ ନ ଜଣାଇ ଲିପିକାଙ୍କ ମୃତଦେହକୁ ବାଥରୁମରେ ପୋଡ଼ି ଦେଇଥିଲେ ।
- ବଡ଼ ଭାଇକୁ ପଚରାଉଚରା କରୁଛି ପୋଲିସ
ଲିପିକାଙ୍କ ବଡ଼ ଭାଇଙ୍କ କହିବାନୁସାରେ, ଲିପିକାଙ୍କ ମୃତ୍ୟୁ ଏପ୍ରିଲ ୭ ତାରିଖ ରାତିରେ ହୋଇଥିଲା । ସେ ତାଙ୍କ ମୃତ୍ୟୁ ବିଷୟରେ କାହାକୁ ଜଣାଇ ନଥିଲେ ଏବଂ ତାଙ୍କ ବାଥରୁମରେ ତାଙ୍କୁ ଦାହ କରିଥିଲେ । କିଛି ଦିନ ପରେ ଆଂଶିକ ପୋଡ଼ିଯାଇଥିବା ଶରୀରରୁ ଦୁର୍ଗନ୍ଧ ଆସିବାରୁ ପଡ଼ୋଶୀମାନେ ରବିବାର ରାତିରେ ପୋଲିସକୁ ଖବର ଦେଇଥିଲେ । ସେପଟେ ବଡ଼ ଭାଇ ପ୍ରଣବକୁ ପୋଲିସ ସନ୍ଦେହ କରୁଛି, କାରଣ ସେ ଲଗାତାର ନିଜର ବୟାନ ବଦଳାଇବାରେ ଲାଗିଛନ୍ତି । ପୋଲିସ ପ୍ରଣବଙ୍କୁ ହେପାଜତରେ ରଖି ପଚରାଉଚରା କରୁଛି ।
- ବାଥରୁମ ଏକା ଯାଇପାରୁନଥିଲେ ଲିପିକା
ପୋଲିସ ଘରେ ପହଞ୍ଚି ଆଂଶିକ ଦଗ୍ଧ ମୃତଦେହକୁ ଉଦ୍ଧାର କରି ପୋଷ୍ଟମର୍ଟମ ପାଇଁ ପଠାଇଛି । ସାନ ଭାଇ ପ୍ରଦୀପ ରାଜବର୍ଦ୍ଧନ କହିଛନ୍ତି ଯେ ଲିପିକା ତାଙ୍କ ଛାଡପତ୍ର ପରେ ଘରେ ରହୁଥିଲେ । ସେ ଗତ ତିନି ବର୍ଷ ଧରି ମାନସିକ ଅବସାଦରେ ପୀଡିତ ଥିଲେ । ତାଙ୍କ ବାପାଙ୍କ ମୃତ୍ୟୁ ପରେ ସେ ଆଉ ଘର ବାହାରକୁ ଯାଇନଥିଲେ। ଗତ କିଛି ମାସ ମଧ୍ୟରେ ବିଛଣାରୁ ଉଠିବା ମଧ୍ୟ କଷ୍ଟକର ହୋଇପଡୁଥିଲା । ତାଙ୍କ ବଡ଼ ଭାଇ ତାଙ୍କୁ ବାଥରୁମ୍ ପର୍ଯ୍ୟନ୍ତ ସାହାଯ୍ୟ ମଧ୍ୟ କରୁଥିଲେ । ସାନ ଭାଇ ପ୍ରଦୀପ କିଛି ସମୟ ଧରି ସହର ବାହାରେ ଏକ ଘରୋଇ କମ୍ପାନୀରେ କାମ କରୁଛନ୍ତି ।
ପଢନ୍ତୁ ଏହି ଖବର: ମେଳାରେ ନିଶା କୋଲ୍ଡଡ୍ରିଙ୍କସ ପିଆଇ ଗଣଦୁଷ୍କର୍ମ; ୩ଦିନ ପୀଡ଼ିତାଙ୍କୁ ବାନ୍ଧି ରଖିଲେ- ପରିବାର ଉପରେ ପଡ଼ିଥିଲା ଆର୍ଥିକ ପ୍ରଭାବ
ସଞ୍ଜୀତଙ୍କ ପତ୍ନୀ ଏପ୍ରିଲ ୨୦୨୦ରେ ମୃତ୍ୟୁବରଣ କରିଥିଲେ ଏବଂ ଏହାପରେ ଯକୃତ ଖରାପ ହୋଇଯିବା ଯୋଗୁଁ ସଞ୍ଜୀତଙ୍କ ଏପ୍ରିଲ ୨୦୨୩ରେ ମୃତ୍ୟୁ ହୋଇଥିଲା । ଏବେ ତାଙ୍କ ଛାଡପତ୍ର ପାଇଥିବା ଝିଅ ଲିପିକା ମଧ୍ୟ ମୃତ୍ୟୁବରଣ କରିଛନ୍ତି । କୁହାଯାଉଛି ଯେ ତାଙ୍କ ବାପାଙ୍କ ମୃତ୍ୟୁ ପରେ, ତିନି ପିଲା ଡିପ୍ରେସନର ଶିକାର ହୋଇଥିଲେ । ଆର୍ଥିକ ଅସୁବିଧା ପରିବାରକୁ ଭାଙ୍ଗି ଦେଇଥିଲା । ପଡ଼ୋଶୀମାନେ ଆସିବା ବନ୍ଦ କରିଦେଇଥିଲେ । ପ୍ରଣବ ଘରେ ରହି ତାଙ୍କ ଭଉଣୀର ଯତ୍ନ ନେଉଥିଲେ । ତଥାପି ପୋଲିସ ପ୍ରତ୍ୟେକ ଦିଗକୁ ତଦନ୍ତ କରୁଛି । ତେବେ ଲିପିକାର ମୃତ୍ୟୁ ଆତ୍ମହତ୍ୟା ଥିଲା କି ଅନ୍ୟ କିଛି ସେ ନେଇ ତଦନ୍ତ ପରେ ହିଁ ପ୍ରକୃତ କଥା ଜଣାପଡ଼ିବ ବୋଲି ପୋଲିସ କହିଛି ।
