Argus News - ଭାଣିଜୀକୁ ମାରିଦେଲେ; ମାମୁ ଘର ପାଇଖାନାରୁ ମୃତଦେହ ଉଦ୍ଧାର

ପାଇଖାନା ନିକଟରୁ ମିଳିଲା ନାବାଳିକାଙ୍କ ମୃତଦେହ । ମାମୁ ଘରେ ଏହି ନାବାଳିକାଙ୍କୁ ହତ୍ୟା କରିଥିବା ଅଭିଯୋଗ ହୋଇଛି । ଏହି ହତ୍ୟା ଘଟଣାରେ ମାଇଁର ସମ୍ପୃକ୍ତି ଥିବା ଅଭିଯୋଗ ହୋଇଛି । ମାଇଁ ତଣ୍ଟି ଚିପି ହତ୍ୟା କରିଥିବା ନାବାଳିକାଙ୍କ ପରିବାର ଲୋକେ ଅଭିଯୋଗ କରିଛନ୍ତି । ଗଞ୍ଜାମ ଜଗନ୍ନାଥପ୍ରସାଦ ଥାନା ଛାମୁଣ୍ଡା ଗାଁ ନିକଟ ଲକ୍ଷ୍ମଣପଲ୍ଲିରେ ଏହି ଅଭାବନୀୟ ଘଟଣା ଘଟିଛି ।

• ମାଇଁ ତଣ୍ଟି ଚିପି ହତ୍ୟା କରିଥିବା ଅଭିଯୋଗ

ନଅ ବର୍ଷର ନାବାଳିକାକୁ ତଣ୍ଟିଚିପି ବିଭତ୍ସ ଭାବେ ନିଜ ମାଇଁ ହତ୍ୟା କରିଥିବା ଅଭିଯୋଗ ହୋଇଛି । ମୃତ ନାବାଳିକା ଜଣକ ହେଲେ ବୁଗୁଡ଼ା ବ୍ଲକ କାନକୁଟୁରୁ ଗାଁର ମଙ୍ଗୁଳୁ ମହାରଣାଙ୍କ ଝିଅ ଅର୍ଚ୍ଚନା । ଅର୍ଚ୍ଚନା ମାମୁଁ ଘରେ ରହି ପାଠ ପଢୁଥିଲେ । ଗତକାଲି ଦିନ ୧୧ଟା ସମୟରେ ଅର୍ଚ୍ଚନା ଘରୁ ନିଖୋଜ ହୋଇଯାଇଥିଲା । ପରିବାର ଲୋକେ ଖୋଜାଖୋଜି କରିବା ପରେ ନ ପାଇବାରୁ ଥାନାରେ ନିଖୋଜ ଏତଲା ଦେଇଥିଲେ । ଗତକାଲି ରାତିରେ ଅର୍ଚ୍ଚନାର ମୃତଦେହ ପଡୋଶୀ ଘର ପାଇଖାନା ନିକଟରେ ଜରିପାଲ ଘୋଡ଼ା ଯାଇଥିବା ଅବସ୍ଥାରେ ପଡ଼ିଥିବା ଦେଖିବାକୁ ମିଳିଛି । ପୋଲିସ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି ।

• ସନ୍ତାନ ନ ହେଉଥିବାରୁ ମାରିଥିବା ଅଭିଯୋଗ

ମୃତ ନାବାଳିକା ଅର୍ଚ୍ଚନାର ମାଆ ଅଭିଯୋଗ କରିଛନ୍ତି ଯେ ସନ୍ତାନ ହେଉନଥିବାରୁ ଅର୍ଚ୍ଚନାର ମାଇଁ ଅସନ୍ତୋଷ ଥିଲେ । ନିକଟରେ ଅର୍ଚ୍ଚନାର ମାମୁ କହିଥିଲେ ଯେ ତାଙ୍କର ବର୍ତ୍ତମାନ ସନ୍ତାନ ଦରକାର ନାହିଁ । ନିଜ ଭାଣିଜୀକୁ ନିଜ ସନ୍ତାନ ସମ୍ପତ୍ତି ବୋଲି କହିଥିଲେ । ଏହି କାରଣରୁ ମାଇଁ ହତ୍ୟା କରିଥିବା ମୃତ ନାବାଳିକାର ମାଆ ଅଭିଯୋଗ କରିଛନ୍ତି । ତେବେ ପୋଲିସ ପୁରା ମାମଲାର ତଦନ୍ତ କଲେ ପ୍ରକୃତ କାରଣ ଜଣାପଡ଼ିବ ବୋଲି କହିଛି । ଘଟଣାସ୍ଥଳରେ ଭଞ୍ଜନଗର ପୋଲିସ ଓ SDPO ପହଞ୍ଚି ତଦନ୍ତ କରୁଥିବା ଜଣାପଡ଼ିଛି ।

ପଢନ୍ତୁ ଏହି ଖବର: ଉପର ମହଲାରେ ଥିଲା ବଡ଼ ଭାଇ; ତଳ ମହଲାରେ ସାନ ଭାଇ ସହ ଚାଲିଥିଲା ଅତ୍ୟାଚାର

• ଗାଁରେ ଶୋକାକୁଳ ପରିସ୍ଥିତି

ଅର୍ଚ୍ଚନାର ମୃତ୍ୟୁ ପରେ ତାଙ୍କ ମାଆ ଧୈର୍ଯ୍ୟହରା ହୋଇପଡ଼ିଛନ୍ତି । ଗାଁ ଦାଣ୍ଡରେ ବସି ଝିଅକୁ ଝୁରି ହେଉଥିବାବେଳେ ଗାଁରେ ପୁରା ଶୋକାକୁଳ ପରିସ୍ଥିତି ସୃଷ୍ଟି ହୋଇଛି । ତୁରନ୍ତ ହତ୍ୟାକାରୀକୁ କଠୋର ଦଣ୍ଡ ଦେବାକୁ ସ୍ଥାନୀୟ ଲୋକେ ଦାବି କରିଛନ୍ତି ।