ଭୋପାଳ: ମଧ୍ୟପ୍ରଦେଶ ଗ୍ଵାଲିଅର ଆରତୀ ହତ୍ୟାକାଣ୍ଡକୁ ନେଇ ଏବେ ସବୁଠି ଚର୍ଚ୍ଚା । ୧୧ ବର୍ଷ ଭିତରେ ୩ଜଣ ପୁରୁଷଙ୍କ ସହିତ ସମ୍ପର୍କରେ ଥିଲେ । ଶେଷରେ ଜୀବନ ନେଇଗଲା ପୁରୁଣା ପୁରୁଷ ବନ୍ଧୁ । ଯେତେବେଳେ ଏହି ହତ୍ୟା ଘଟଣାରେ ପୋଲିସ ମୁଖ୍ୟ ଅଭିଯୁକ୍ତ ଧର୍ମେନ୍ଦ୍ରଙ୍କୁ ପଚରାଉଚରା କରିଥିଲା, ସେତେବେଳେ ଅଭିଯୁକ୍ତର ବୟାନ ଶୁଣି ପୋଲିସ ହତବାକ୍ ହୋଇଥିଲା । ହତ୍ୟା କରିଥିବା ସ୍ଵୀକାର କରିବା ସମୟରେ ଧର୍ମେନ୍ଦ୍ର କହିଥିଲା ଯେ ସେ ଆରତୀଙ୍କ ବେକ ଚିପିଥିଲା ଓ ସେ ମାତ୍ର ୧ ମିନିଟ୍ ମଧ୍ୟରେ ମୃତ୍ୟୁବରଣ କରିଥିଲେ ।

ଅଭିଯୁକ୍ତ ଧର୍ମେନ୍ଦ୍ର କହିଛି ଯେ ଆରତୀ ତାଙ୍କୁ ଛାଡ଼ି ଦେଇଥିଲେ, ଯେଉଁଥିପାଇଁ ସେ ଆରତୀ ଉପରେ ରାଗ ରଖିଥିଲା । ସେ ପୋଲିସକୁ କହିଥିଲା ଯେ ଆରତୀ ତାକୁ ଧୋକା ଦେଇଥିଲା ଓ ତାର ସମ୍ପର୍କୀୟ ଭାଇ ସଞ୍ଜୁ ସହିତ ସମ୍ପର୍କ ଗଢିଥିଲା । ସରକାରୀ ଓ ଆଧାର କାର୍ଡରେ ତାର ନାମ ଥିଲା, କିନ୍ତୁ ଆରତୀ ଅନ୍ୟ ପୁରୁଷ ସହ ରହୁଥଇଲା । ଏସବୁ ସେ ସହିନପାରି ହତ୍ୟା କରିଥିବା କହିଥିଲା ।

• କଣ କହିଲା ପୋଲିସ ?

ଗ୍ଵାଲିଅର ପୋଲିସର କହିବାନୁସାରେ, ହତ୍ୟାକାଣ୍ଡ ପରେ ଅଭିଯୁକ୍ତ ବାରମ୍ବାର ପୋଲିସକୁ ଚକମା ଦେବା ଲାଗି ନିଜର ସ୍ଥାନ ବଦଳାଉଥିଲା । ସେ କୌଣସି ବି ସ୍ଥାନରେ ୧ ଘଣ୍ଟାରୁ ଅଧିକ ସମୟ ରହୁନଥିଲା । ଗତ ଶନିବାର ରାତିରେ ତା ସମ୍ପର୍କରେ ସୂଚନା ମିଳିଥିଲା । ସେ ଜଲଲାପୁର ନିକଟ ହନୁମାନ ମନ୍ଦିର ନିକଟରେ ଲୁଚିଛି ଏହାପରେ ପୋଲିସ ଚାରିଆଡୁ ମନ୍ଦିରକୁ ଘେରିଯାଇ ଅଭିଯୁକ୍ତ ଧର୍ମେନ୍ଦ୍ରକୁ ଗିରଫ କରିଥିଲା । ପଚରାଉଚରା ବେଳେ ଧର୍ମେନ୍ଦ୍ର ନିଜେ ଆରତୀକୁ ହତ୍ୟା କରିଥିବା ସ୍ଵୀକାର କରିଥିଲା ।

• ଆରତୀଙ୍କ ଜୀବନରେ ଥିଲେ ଅନେକ ପୁରୁଷ

ପୋଲିସ ତଦନ୍ତରୁ ଜଣାପଡ଼ିଛି ଯେ ଆରତୀଙ୍କ ଜୀବନରେ ଅନେକ ପୁରୁଷ ଆସିଥିଲେ । ଆରତୀ ୨୦୧୫ ମସିହାରେ ପ୍ରାୟ ୧୧ ବର୍ଷ ପୂର୍ବେ ଅତର ସିଂହଙ୍କୁ ବିବାହ କରିଥିଲେ, ତାଙ୍କ ଠାରୁ ଆରତୀଙ୍କ ଦୁଇଟି ସନ୍ତାନ ଅଛନ୍ତି । କିଛି ଦିନ ପରେ ଆରତୀ ସ୍ଵାମୀଙ୍କ ବନ୍ଧୁ ଧର୍ମେନ୍ଦ୍ର ସହ ପ୍ରେମ ସମ୍ପର୍କ ରଖିଥିଲେ । ଧୀରେ ଧୀରେ ଧର୍ମେନ୍ଦ୍ର ଆରତୀଙ୍କ ଘରକୁ ଯିବାଆସିବା ଅଧିକ ରଖିଥିଲେ । ୨୦୨୩ ମସିହାରେ ଯେତେବେଳେ ଆରତୀଙ୍କ ପ୍ରଥମ ସ୍ଵାମୀ ଅତର ଏ ସମ୍ପର୍କରେ ଜାଣିଥିଲେ, ସେତେବେଳେ ସ୍ଵାମୀଙ୍କୁ ଛାଡ଼ି ଧର୍ମେନ୍ଦ୍ରଙ୍କ ସହ ଲିଭଇନରେ ରହିଥିଲେ ଆରତୀ । ଏପରିକି ଆଧାର କାର୍ଡଠୁ ଆରମ୍ଭ କରି ଅନେକ ସରକାରୀ ଡକ୍ୟୁମେଣ୍ଟରେ ଧର୍ମେନ୍ଦ୍ରଙ୍କୁ ନିଜର ସ୍ଵାମୀ କହିଥିଲେ ।

• ଆରତୀଙ୍କ ଜୀବନରେ ଆସିଲା ତୃତୀୟ ପୁରୁଷ

କିଛି ବର୍ଷ ଧର୍ମେନ୍ଦ୍ର ସହ ରହିବା ପରେ ଆରତୀଙ୍କ ଜୀବନରେ ଆସିଥିଲା ଆଉ ଏକ ପୁରୁଷ, ଯିଏକି ଧର୍ମେନ୍ଦ୍ରଙ୍କ ସମ୍ପର୍କୀୟ ଭାଇ ସଞ୍ଜୁ ଥିଲା । ଏହାପରେ ଧୀରେ ଧୀରେ ଧର୍ମେନ୍ଦ୍ରଙ୍କ ସହ ଝଗଡ଼ା ଓ ସଞ୍ଜୁ ସହ ପ୍ରେମ ସମ୍ପର୍କ ରଖିଥିଲେ ଆରତୀ । ଗତ ୨ ମାସ ପୂର୍ବରୁ ଆରତୀ ଧର୍ମେନ୍ଦ୍ରଙ୍କୁ ଛାଡ଼ି ସଞ୍ଜୁ ସହ ନିଜ ଛୁଆଙ୍କୁ ନେଇ ଅଲଗା ଘରେ ଭଡ଼ା ନେଇ ରହୁଥିଲେ । ସଞ୍ଜୁ ଓ ଆରତୀ ଦୁଇ ଜଣ ଇ-ରିକ୍ସା ଚଲାଇ ଜୀବନଯାପନ କରୁଥିଲେ, କିନ୍ତୁ ଏପଟେ ଏସବୁରୁ ଧର୍ମେନ୍ଦ୍ର କ୍ରୋଧିତ ଥିଲା ।

• ଜୁଲାଇ ୧ରେ ଆରତୀଙ୍କୁ ହତ୍ୟା

ଗତ ଜୁଲାଇ ପହିଲାରେ ହଜିରା ଥାନା ଅଞ୍ଚଳର ଆରାମିଲ୍ ନିକଟରେ ଆରତୀଙ୍କୁ ହତ୍ୟା କରିଥିଲା ଧର୍ମେନ୍ଦ୍ର । ଆରତୀଙ୍କ ବାପା ଦର୍ଶନଲାଲ ଧାକଡ଼ ପୋଲିସ କହିଛନ୍ତି ଯେ ଜୁଲାଇ ୧ ତାରିଖ ଦିନ ଆରତୀ କାମରୁ ଘରକୁ ଫେରିଥିଲା । ଠିକ୍ ସେତିକି ବେଳେ ଧର୍ମେନ୍ଦ୍ର ଆସି ପହଞ୍ଚିଥିଲା । ଜଣାପଡ଼ିଲା ଯେ ଘରେ ପହଞ୍ଚିବା ପୂର୍ବରୁ ଆରତୀ-ସଞ୍ଜୁ-ଧର୍ମେନ୍ଦ୍ର ୩ ଜଣଙ୍କ ମଧ୍ୟରେ ରେଲୱେ ଷ୍ଟେସନ ନିକଟରେ ପ୍ରବଳ ଝଗଡ଼ା ହୋଇଥିଲା । ଏହାପରେ ୩ଜଣ ଘରେ ବସି ମଦ ପିଇଥିଲେ । ଏହି ସମୟରେ ଧର୍ମେନ୍ଦ୍ର ଓ ଆରତୀ ମଧ୍ୟରେ ପୁଣି ଥରେ ଝଗଡ଼ା ହୋଇଥିଲା । ଏହାପରେ ଧର୍ମେନ୍ଦ୍ର ଆରତୀର ତଣ୍ଟି ଚିପି ହତ୍ୟା କରିଥିଲା ।

ପଢନ୍ତୁ ଏହି ଖବର: ବାଥରୁମ ଟାଇଲ୍ ତଳେ ମୃତ ସ୍ଵାମୀ; ସେଇଠି ୪୫ଦିନ ଧରି ଗାଧୋଉଥିଲା ସ୍ତ୍ରୀ

ପୋଲିସ ଯାଞ୍ଚ ସମୟରେ ଜଣାପଡ଼ିଛି ଯେ ଏହି ହତ୍ୟାକାଣ୍ଡର ପୂର୍ବରୁ ଆରତୀ ନିଜ ଭାଇକୁ ଶେଷ ଥର ପାଇଁ ଫୋନ କରିଥିଲେ । ସେ କାନ୍ଦି କାନ୍ଦି ଧର୍ମେନ୍ଦ୍ର ସମ୍ପର୍କରେ କହିଥିଲେ । ଧର୍ମେନ୍ଦ୍ର ତାଙ୍କୁ ଜୀବନରୁ ମାରିଦେବାକୁ ଧମକ ଦେଉଛି ଏବଂ ତା ସହିତ ନ ରହିଲେ ସଞ୍ଜୁ ଓ ଆରତୀ ଉଭୟଙ୍କୁ ଜୀବନରୁ ମାରିଦେବାକୁ ଧମକ ଦେଉଥିବା ସେ ଜଣାଇଥିଲେ ।