କାମ ସାରି ଘରକୁ ଫେରୁଥିଲେ କୁନାଲ । ହେଲେ ହଠାତ ତାଙ୍କୁ ଘେରି ଯାଇ ପିଟିବାକୁ ଲାଗିଥିଲେ କିଛିଲୋକେ । ଆଉ ତାଙ୍କର ହାତ ଗୋଡ ଭାଙ୍ଗିଯାଇଥିଲେ । ବାରମ୍ଵାର ପିଟୁଥିଲେ, ଆଉ ନିଜ ସୋସିଆଲ ମିଡିଆ ଆକାଉଣ୍ଟରୁ ନିଜ ବାହାଘରର ଫଟୋ ଡିଲିଟ୍ କରିବାକୁ ବାଧ୍ୟ କରିଥିଲେ । ପିଟୁଥିବା ଲୋକାମାନେ ଥିଲେ କୁନାଲଙ୍କ ଶଶୁରଘର ଲୋକେ । ଏମିତି ଏକ ଖବର ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।

ହରିୟାନାର କୁନାଲ ୨୬ ଜୁନ ୨୦୨୪ରେ ତାଙ୍କର ଗାର୍ଲଫ୍ରେଣ୍ଡ କୋମଲ ଗୋସ୍ଵାମୀକୁ ତାଙ୍କ (କୁନାଲ) ଶାଶୁଙ୍କ ଇଚ୍ଛା ବିରୋଧରେ ବିବାହ କରିଥିଲେ। ବିବାହର ୩ ରୁ ୪ ମାସ ପରେ କୋମଲ ନିଜ ସ୍ଵାମୀ କୁନାଲଙ୍କୁ ଛାଡି ତାଙ୍କ ନିଜ ବାପ ଘରକୁ ଚାଲିଗଲେ ।

କୁନାଲଙ୍କ ମତ ଅନୁଯାୟୀ , 'କୋମଲଙ୍କ ବାପା ମାଆ , ଆମ ବିବାହ ପରେ ମୋ ସହ ଅନେକ ଥର ଝଗଡା କରିଥିଲେ । ଆଉ ମିଛରେ କୋମଲର ଜେଜେମାଙ୍କ ଦେହ ଅସୁସ୍ଥ ଥିବା କହି ତାକୁ ମୋଠାରୁ ନେଇଗଲେ ' । ପରେ କୋମଲ କୁନାଲଙ୍କ ବିରୋଧରେ ଘରୋଇ ହିଂସାର ମାମଲା ରୁଜୁ କରି ତାଙ୍କୁ ମାସିକ ୩୦ ହଜାର ଟଙ୍କା ଭରଣପୋଷଣ ପାଇଁ ଦାବି କରିଥିଲେ, କିନ୍ତୁ ତାଙ୍କର ମାସିକ ଦରମା ୧୨ ହଜାର ଅଟେ ।

ଅଧିକ ପଢନ୍ତୁ : ପୁଅ ଆଗରେ ନିଜ ଶାଶୁକୁ ପିଟିଲା ବୋହୁ, ଭିଡିଓ ରେକର୍ଡ କରି ଥାନାରେ ଅଭିଯୋଗ କଲା ନାତି

ଆଉ ସେପଟେ କୋମଲଙ୍କ ବିବାହ ତାଙ୍କ ପରିବାର ଲୋକେ ଅନ୍ୟ ଗୋଟେ ପୁଅ ସହ କରାଇଦେଇଥିଲେ । ଆଉ ୨୪ ସେପ୍ଟେମ୍ବରରେ କୁନାଲ ଅଫିସ କାମ ସାରି ଘରକୁ ଫେରୁଥିବା ବେଳେ ବାଇକରେ କୋମଲଙ୍କ ପରିବାର ଲୋକେ ଆସି ତାଙ୍କୁ ମାଡ ମାରିଥିଲେ । ଆଉ ତାଙ୍କ ସୋସିଆଲ ମିଡିଆ ଆକାଉଣ୍ଟରୁ ତାଙ୍କ ଫଟୋ ଡିଲିଟ୍ କରିବାକୁ କହିଥିଲେ । ଯାହାକୁ ନେଇ କୁନାଲ କହିଥିଲେ, କେମିତି ଡିଭୋର୍ସ ନଦେଇକି ଅନ୍ୟ କେଉଁ ପୁଅ ସହ ତାର ବିବାହ କରୁଛନ୍ତି ପରିବାର ଲୋକେ ।

ଅଧିକ ପଢନ୍ତୁ : ରାତି ଅଧରେ ରାସ୍ତା କଡରୁ ମହିଳାଙ୍କୁ ଉଠାଇନେଲା ଡ୍ରାଇଭର, ସିସିଟିଭିରେ କଏଦ୍ ହେଲା ଦୃଶ୍ୟ

ହେଲେ ତାଙ୍କ ଶଶୁର ଘର ପରିବାର ଲୋକେ ତାଙ୍କ କଥା ଶୁଣିନଥିଲେ, ଆଉ ତାଙ୍କୁ ପିଟିଥିଲେ । ଯେଉଁଥିରେ କୁନାଲ ଗଭୀର ଆହତ ହେବାପରେ ମେଡିକାଲରେ ଭର୍ତ୍ତି ହୋଇଛନ୍ତି । ଅନ୍ୟପଟେ ତାଙ୍କର ମାମଲା କୋର୍ଟରେ ଶୁଣାଣି ଚାଲିଛି। ଆଗାମୀ ଶୁଣାଣୀ ୨୫ ଅକ୍ଟୋବରରେ ରହିଛି । କୁନାଲଙ୍କ ବାପାଙ୍କ ଅଭିଯୋଗ ପରେ କୋମଲଙ୍କ ପରିବାର ଲୋକଙ୍କ ନାଁ ଅଭିଯୋଗ ଦାଖଲ କରାଯାଇଛି ।