Argus News - ବିବାହ ପ୍ରଥମ ରାତିରେ ରଖିଲା ସମ୍ପର୍କ; ଦ୍ଵିତୀୟ ଦିନ ଡାକିଲା ଭଉଣୀ

ହରିୟାଣାର ହିସାର ଅଞ୍ଚଳରେ ଏକ ଆଶ୍ଚର୍ଯ୍ୟକର ଘଟଣା ସାମ୍ନାକୁ ଆସିଛି । ଜଣେ ବ୍ୟକ୍ତି ବିବାହର ପ୍ରଥମ ଦିନରେ ମହିଳାଙ୍କ ସହିତ ଶାରୀରିକ ସମ୍ପର୍କ ରଖିଥିଲା । ଏହା ପରଦିନ ତାକୁ ଭଉଣୀ ଡାକିବା ଆରମ୍ଭ କରିଦେଇଥିଲା । ଏପରିକି ଏ ସମ୍ପର୍କରେ କାହାକୁ ନ କହିବାକୁ ମଧ୍ୟ ମହିଳାଙ୍କୁ ଧମକ ଦେଇଥିଲା । ଏହି ଘଟଣା ଏବେ ଜଣାପଡ଼ିବା ପରେ ସ୍ଥାନୀୟ ଅଞ୍ଚଳରେ ବେଶ ଚର୍ଚ୍ଚା ହେଉଛି ।

• 'ଯୌତୁକ ନ ମିଳିଲେ ରଖିବିନି ସମ୍ପର୍କ'

ପୀଡ଼ିତାଙ୍କ କହିବାନୁସାରେ, ତାଙ୍କ ସ୍ଵାମୀ ତଥା ଅଭିଯୁକ୍ତ ଯୌତୁକ ଦାବି କରି ତାଙ୍କୁ ନିଜଠାରୁ ଦୂରେଇ ଥିଲେ । ଯଦି ଯୌତୁକ ନ ମିଳେ ତେବେ ଆଉ ଶାରୀରିକ ସମ୍ପର୍କ ରଖିବେ ନାହିଁ ବୋଲି କହିଥିଲେ । ଖାଲି ସେତିକି ନୁହେଁ, ପୀଡ଼ିତାଙ୍କୁ ମାନସିକ ସହ ଶାରୀରିକ ନିର୍ଯାତନା ଦେଉଥିଲେ । ମାରପିଟ କରୁଥିଲେ ବୋଲି ମହିଳା ଜଣକ ଅଭିଯୋଗ କରିଛନ୍ତି ।

ପୀଡ଼ିତା ଏହା ମଧ୍ୟ କହିଛନ୍ତି ଯେ, ଏହି ଘଟଣାଟି ପଞ୍ଚାୟତରେ ପହଞ୍ଚିବା ପରେ ମଧ୍ୟ ସମସ୍ୟାର ସମାଧାନ ମିଳିନଥିଲା । ଅଗଷ୍ଟ ୨୦୨୫ରେ ତାଙ୍କ ଶାଶୁ ଘର ଲୋକେ ତାଙ୍କୁ ଘରୁ ବିଦା କରିଦେଇଥିଲେ । ଏହାପରେ ସେ ଆଜାଦ ନଗର ଥାନାରେ ଯାଇ ଅଭିଯୋଗ କରିଥିଲେ । ପୋଲିସ ଅଭିଯୋଗ ଆଧାରରେ ଅଭିଯୁକ୍ତ ସ୍ଵାମୀ ବିରୋଧରେ ମାମଲା ରୁଜୁ କରି ତଦନ୍ତ ଆରମ୍ଭ କରିଛି ।

• ବାହାଘରରେ ଖର୍ଚ୍ଚ ହୋଇଥିଲା ୮ ଲକ୍ଷ

ପୀଡ଼ିତାଙ୍କ କହିବାନୁସାରେ, ସେ ୨୧ ମାର୍ଚ୍ଚ ୨୦୨୫ରେ ଗାଁର କଲୱାସ ନିବାସୀ ଅଜୟପାଳଙ୍କ ସହିତ ବିବାହ କରିଥିଲେ । ବିବାହ ସମୟରେ ମହିଳାଙ୍କ ପରିବାର ପ୍ରାୟ ୮ ଲକ୍ଷ ଟଙ୍କା ଖର୍ଚ୍ଚ କରିଥିଲା । ଏହାସହିତ ଘର ଆସବାବପତ୍ର, ସୁନା-ରୁପା ଅଳଙ୍କାର ଆଦି ଝିଅ ସହିତ ପଠାଇଥିଲେ ।

ବିବାହର ପ୍ରଥମ ରାତିରେ ଅଭିଯୁକ୍ତ ଜଣକ ତାଙ୍କ ସହ ଶାରୀରିକ ସମ୍ପର୍କ ରଖିବା ପରେ ଏହା ପର ଦିନ ତାଙ୍କର ବ୍ୟବହାର ସମ୍ପୂର୍ଣ୍ଣ ପରିବର୍ତ୍ତନ ହୋଇଥିଲା ଏବଂ ପୀଡ଼ିତାଙ୍କୁ ଭଉଣୀ ବୋଲି ଡାକିଥିଲା । ଏ ନେଇ ସେ ଶାଶୁଙ୍କୁ କହିବା ପରେ ସେ ମଧ୍ୟ ମହିଳାଙ୍କ ଉପରେ ବିରକ୍ତିଭାବ ପ୍ରକାଶ କରିଥିଲେ । ସେ କମ ଯୌତୁକ ନେଇ ଆସିଥିବାରୁ ଏପରି ହୋଇଥିବା ଶାଶୁ କହିଥିଲେ ବୋଲି ମହିଳା ଜଣକ ଅଭିଯୋଗ କରିଛନ୍ତି । ତେବେ ପୋଲିସ ଅଭିଯୋଗ ଆଧାରରେ ମାମଲାର ଯାଞ୍ଚ କରୁଥିବା କହିଛି ।

ଅଧିକ ଖବର ପଢନ୍ତୁ...