Physical Assault / eKYC ବଦଳରେ ଶାରୀରିକ ସମ୍ପର୍କ ରଖିବାକୁ ଦାବି; ପିଛା କରୁଥିଲା ଅଭିଯୁକ୍ତ

ମହାରାଷ୍ଟ୍ରର ଜଲଗାଓଁରୁ ଏକ ମାମଲା ସାମ୍ନାକୁ ଆସିଛି, ଯେଉଁଠାରେ ଜଣେ ମହିଳାଙ୍କୁ ଶାରୀରିକ ନିର୍ଯାତନା ଉଦ୍ୟମ ହୋଇଛି । ମହାରାଷ୍ଟ୍ର ସରକାରଙ୍କ ଦ୍ଵାରା ଅଣାଯାଇଥିବା ଲଡକି ବହିନ ଯୋଜନାର ଇକେୱାଇସି ସମୟରେ ଯୌନ ସମ୍ପର୍କ ରଖିବାକୁ କୁହାଯାଇଥିବା ଜଣେ ମହିଳା ଅଭିଯୋଗ ଆଣିଛନ୍ତି । ମହିଳା ତାଙ୍କ ଅଭିଯୋଗରେ କହିଛନ୍ତି ଯେ ଅଭିଯୁକ୍ତ ଲଡକି ବହିନ ଯୋଜନା KYC ପୂରଣ କରିବା ବଦଳରେ ଶାରୀରିକ ସମ୍ପର୍କ ଦାବି କରିଥିଲା । ପୀଡ଼ିତାଙ୍କ ସ୍ୱାମୀ ତାଙ୍କୁ ଚେତାବନୀ ଦେବା ପରେ ମଧ୍ୟ ଅଭିଯୁକ୍ତ ତାଙ୍କୁ ପିଛା କରି ଚାଲିଥିଲା । ଅଭିଯୋଗ ଆଧାରରେ ଅଭିଯୁକ୍ତ ଗୋକୁଳ ଚଭନଙ୍କ ବିରୋଧରେ ନଗର ଥାନାରେ ମାମଲା ରୁଜୁ କରାଯାଇଛି ।

• eKYC ବଦଳରେ ଶାରୀରିକ ସମ୍ପର୍କ ଦାବି

ଏହି ମାମଲାରେ ୩୫ ବର୍ଷୀୟା ପୀଡିତା ମହିଳା ଏକ ଅଭିଯୋଗ ନେଇ ପୋଲିସ ଷ୍ଟେସନରେ ପହଞ୍ଚିଥିଲେ । ସେ ନିଜର ଅଭିଯୋଗରେ କହିଥିଲେ ଯେ ଅଭିଯୁକ୍ତ ଗୋକୁଳ ଚଭନ ତାଙ୍କ ଘରକୁ ଯାଇଥିଲା ଏବଂ ତାଙ୍କୁ KYC କରାଇଦେବ ପ୍ରତିଶ୍ରୁତି ଦେଇଥିଲା । କିନ୍ତୁ ପରେ ଏହା ବଦଳରେ ଶାରୀରିକ ସମ୍ପର୍କ ରଖିବ ବୋଲି କହିଥିଲା । ମହିଳା ଜଣକ ଶାରୀରିକ ସମ୍ପର୍କ ନ ରଖିଲେ ସେ କେୱାଇସି କରିବ ନାହିଁ ବୋଲି କହିଥିଲା ।

• କଣ ଅଭିଯୋଗ ଆଣିଲେ ମହିଳା ?

ନଭେମ୍ବର ଏବଂ ଡିସେମ୍ବର ୨୦୨୫ ମଧ୍ୟରେ ଲଡକି ବହିନ ଯୋଜନାରୁ ତାଙ୍କ ଆକାଉଣ୍ଟରେ ଟଙ୍କା ଜମା ନହେବା କାରଣରୁ ମହିଳାଙ୍କୁ ତାଙ୍କର KYC ପୂରଣ କରିବାକୁ ପରାମର୍ଶ ଦିଆଯାଇଥିଲା । ଏହା ଜାଣିବା ପରେ ଅଭିଯୁକ୍ତ ଗୋକୁଳ ଚଭନ ମହିଳାଙ୍କ ଘରେ ପହଞ୍ଚି ତାଙ୍କୁ KYC ପୂରଣ କରିବାକୁ ପ୍ରତିଶ୍ରୁତି ଦେଇଥିଲା, କିନ୍ତୁ ବଦଳରେ ସେ ଶାରୀରିକ ସମ୍ପର୍କ ରଖିବା କଥା କହିଥିଲା ।

ପଢନ୍ତୁ ଏହି ଖବର: ୫ ମାସ ପର୍ଯ୍ୟନ୍ତ ଝିଅ ଶବ ସହ ରହୁଥିଲା ବାପା; କେମିତି ଖୋଲିଲା ରାଜ୍ ?

• ଚେତାବନୀ ସତ୍ତ୍ଵେ ବି ପିଛା କରୁଥିଲା ଅଭିଯୁକ୍ତ

ମହିଳା ଜଣକ ତାଙ୍କ ସ୍ୱାମୀଙ୍କୁ ସମ୍ପୂର୍ଣ୍ଣ ଘଟଣା ବିଷୟରେ କହିଥିଲେ । ଏହାପରେ ମହିଳାଙ୍କ ସ୍ୱାମୀ ଅଭିଯୁକ୍ତ ଗୋକୁଳ ଚଭନଙ୍କୁ ତାଙ୍କ ଘର ନିକଟକୁ ନ ଆସିବା ଲାଗି କଡ଼ା ଚେତାବନୀ ଦେଇଥିଲେ । ଏହା ସତ୍ତ୍ୱେ ଅଭିଯୁକ୍ତ ତାଙ୍କୁ ପିଛା କରି ଚାଲିଥିଲେ ବୋଲି ପୀଡିତା ଜଣକ ଅଭିଯୋଗରେ ଉଲ୍ଲେଖ କରିଛନ୍ତି । ଏବେ ପୋଲିସ ପୀଡିତାଙ୍କ ଅଭିଯୋଗ ଆଧାରରେ ଏକ ଏଫଆଇଆର ରୁଜୁ କରିଛି ଏବଂ ଘଟଣାର ତଦନ୍ତ କରୁଛି । 

UPIରେ ୧୦ହଜାର ଟଙ୍କାରୁ ଅଧିକ ଟଙ୍କା ପଠାଇ‌ଲେ ଘଣ୍ଟାଏ ବିଳମ୍ବ !!! | Digital Payments | UPI Rules