Corporate Scandal / 'ଫେବର୍ ଦିଅ ନହେଲେ କ୍ୟାରିୟର୍ ବରବାଦ କରି ଦେବି'

ନୂଆଦିଲ୍ଲୀ: କର୍ପୋରେଟ୍ ଜଗତ, ବଡ଼ ବଡ଼ କମ୍ପାନୀରେ ଅନେକ ସମୟରେ ସଙ୍ଗୀନ ଅଭିଯୋଗ ଆସେ । ନିକଟରେ ଟିସିଏସ୍‌କୁ ନେଇ ଭାରତରେ ହଙ୍ଗାମା ସୃଷ୍ଟି ହୋଇଥିଲା । ଏବେ ଆମେରିକାର ବଡ଼ କମ୍ପାନୀରେ ଯୌନ ଉତ୍ପୀଡ଼ନ ସହ ବର୍ଣ୍ଣ ଭେଦଭାବ ଭଳି ସଙ୍ଗୀନ ଅଭିଯୋଗ ଆସିଛି ।

ଆମେରିକାର ଏକ ବହୁଜାତୀୟ ବ୍ୟାଙ୍କିଂ ସଂସ୍ଥା ଜେପିମୋର୍ଗାନ ଚେସ୍ (JPMC)ର ଅର୍ଥ ବିଭାଗର କାର୍ଯ୍ୟନିର୍ବାହୀ ନିର୍ଦ୍ଦେଶକ ଲୋର୍ନା ହାଜଦିନିଙ୍କ ବିରୋଧରେ ଆସିଛି ସାଂଘାତିକ ଅଭିଯୋଗ । ଯୌନ ଉତ୍ପୀଡ଼ନ ସହ ବର୍ଣ୍ଣ ଭେଦଭାବ ଭଳି ସଙ୍ଗୀନ ଅଭିଯୋଗ ଆଣିଛନ୍ତି ଜଣେ କନିଷ୍ଠ ପୁରୁଷ ସହକର୍ମୀ ।

ଏଥିସହ ପଢ଼ନ୍ତୁ: ସ୍ବାମୀର ଦରମା ଅଢେଇ ଲକ୍ଷ...କିନ୍ତୁ ଭଡ଼ାରେ ପୁଅଙ୍କୁ ଡକାଇ ରଖୁଥିଲେ ସମ୍ପର୍କ 

ଏପ୍ରିଲ୍ ୨୭ରେ ନ୍ୟୁୟର୍କ କାଉଣ୍ଟି ସୁପ୍ରିମ୍‌କୋର୍ଟରେ ଏନେଇ ମାମଲା ଦାଏର ହୋଇଛି । ଯେଉଁଥିରେ ଅଭିଯୋଗକାରୀ ତାଙ୍କ ନାଁ ଜହ୍ନ ଡୋ ବୋଲି ଦର୍ଶାଇଛନ୍ତି । ସେ ଅଭିଯୋଗ କରିଛନ୍ତି, "ହାଜଦିନି ତାଙ୍କୁ ଯୌନ ସମ୍ପର୍କ ପାଇଁ ଚାପ ପକାଇଛନ୍ତି । ଏପରିକି ରାଜି ନ ହେବାରୁ ତାଙ୍କ କ୍ୟାରିୟର୍ ବରବାଦ୍ କରଦେବାକୁ ଧମକ ଦେଇଛନ୍ତି ।"

ତେବେ ଜହ୍ନ ଡୋ ଆଣିଥିବା ସମସ୍ତ ଅଭିଯୋଗକୁ ଅଗ୍ରାହ୍ୟ କରିଛନ୍ତି ଲୋର୍ନା ହାଜଦିନି । କହିଛନ୍ତି, ମୁଁ କେବେ ବି ଜହନ ଡୋଙ୍କ ସହ ଏଭଳି ବ୍ୟବହାର କି ନାହିଁ । ହାଜଦିନଙ୍କ ପକ୍ଷରୁ ତାଙ୍କ ଓକିଲ ନ୍ୟୁୟର୍କ ପୋଷ୍ଟକୁ କହିଛନ୍ତି, "ହାଜଦିନି କେବେ ବି କୌଣସି ବ୍ୟକ୍ତିଙ୍କ ସହ ଅଶ୍ଳୀଳ ବ୍ୟବହାର କରି ନାହାନ୍ତି । କାର୍ଯ୍ୟାଳୟରେ ଯୌନ ନିର୍ଯାତନା କଥା ସମ୍ପୂର୍ଣ୍ଣ ମିଛ ।"

ଜହ୍ନ ଡୋଙ୍କ ଅଭିଯୋଗ ଅନୁସାରେ, ୨୦୨୪ରେ ଉଭୟ ଏକାଠି କାର୍ଯ୍ୟ ଆରମ୍ଭ କରିବା ପରେ ଦୁର୍ବ୍ୟବହାର ଆରମ୍ଭ ହୋଇଥିଲା । ଡେଲି ମେଲ୍‌ର ରିପୋର୍ଟ ଅନୁସାରେ, ଥରେ ହାଜଦିନି ଜାଣିଶୁଣ ତାଙ୍କ ପେନ୍‌କୁ ଜହ୍ନ ଡୋଙ୍କ ଡେସ୍କ ନିକଟରେ ତଳେ ପକାଇ ଦେଇଥିଲେ । ଆଉ ପେନ୍ ଉଠାଇବା ବାହାନାରେ ହାଜଦିନି, ଜହ୍ନଙ୍କ ଗୋଡ଼ ଏବଂ ଜଂଘ ତଳ ଭାଗକୁ ଛୁଇଁଥିଲେ ।

ଏପରିକି ସେହି ସମୟରେ ହାଜଦିନି, ଜହ୍ନଙ୍କ ପ୍ରତି ଅଶ୍ଳୀଳ ମନ୍ତବ୍ୟ ଦେଇଥିବା ଅଭିଯୋଗ ହୋଇଛି । "ତୁମେ କଲେଜରେ ବାସ୍କେଟବଲ୍ ଖେଳୁଥିଲ ନା ? ମୁଁ ବାସ୍କେଟବଲ୍ ଖେଳାଳିଙ୍କୁ ଭଲ ପାଏ । ସେମାନେ ମୋତେ ଓଦା କରି ଦିଅନ୍ତି ।" ଭଳି ମନ୍ତବ୍ୟ ହାଜଦ୍ଦିନି ଦେଇଥିବା ଅଭିଯୋଗ ହୋଇଛି ।

ଅନ୍ୟ ଏକ ଅବସରରେ ହାଜଦିନି, ଜହ୍ନଙ୍କୁ ପାନୀୟ ପିଇବା ପାଇଁ ଡାକିଥିଲେ । ହେଲେ ଜହ୍ନ ମନା କରିବାରୁ ହାଜଦିନି ଚେତାବନୀ ଦେଇଥିଲେ । କହିଥିଲେ, "ଯଦି ତୁମେ ମୋ ସହ ସମ୍ପର୍କ ନ ରଖିବ, ତାହେଲେ ମୁଁ ତୁମକୁ ବରବାଦ କରିଦେବି ।"

ଏପରିକି ଜହ୍ନ, ହାଜଦିନିଙ୍କ ସହ ଶାରିରୀକ ସମ୍ବନ୍ଧ ନ ରଖିଲେ ସେ ତାଙ୍କ ବୃତ୍ତିଗତ ଜୀବନକୁ ଖିନଭିନ୍ କରିଦେବେ ବୋଲି ଧମକ ଦେଇଥିବା ଅଭିଯୋଗ ହୋଇଛି । ଏନେଇ ୨୦୨୪ ସେପ୍ଟେମ୍ବରରେ ଜହ୍ନ କୋର୍ଟରେ ଅଭିଯୋଗ କରିଛନ୍ତି ।

ଏଥିସହ ପଢ଼ନ୍ତୁ: ମାନବିକତାର ସବୁ ସୀମା ପାର; ୪ ବର୍ଷର ଝିଅକୁ ଦୁଷ୍କର୍ମ କଲା ୬୫ ବର୍ଷୀୟ ବୃଦ୍ଧ 

ଆହୁରି ଅଭିଯୋଗ ହୋଇଛି ଯେ, ଶାରିରୀକ ସମ୍ବନ୍ଧ ରଖିବା ଲାଗି ଟଙ୍କା ଅଫର୍ କରିଥିଲେ ହାଜଦିନି । ଏପରିକି ସମ୍ପର୍କ ରଖିଲେ, ସଂସ୍ଥାରେ ସେ ତାଙ୍କୁ ପଦୋନ୍ନତି ଦେବା ଏବଂ ନେତୃତ୍ଵ ନେବାର ସୁଯୋଗ ଦେବା କଥା କହିଥିଲେ । ଆଉ ସମ୍ପର୍କ ନ ରଖିଲେ ପଦୋନ୍ନତି ଅଟକାଇ ଦେବାକୁ ଧମକ ଦେଇଥିଲେ ।

ଏନେଇ ମେ ୨୦୨୫ରେ JPMCରେ ଅଭିଯୋଗ କରିଥିଲେ ଜହ୍ନ ଡୋ । ତେବେ ଜହ୍ନ ଡୋ ଆଣିଥିବା ଅଭିଯୋଗକୁ ଜେପିମୋର୍ଗାନ ଖଣ୍ଡନ କରିଛି । ସଂସ୍ଥା କହିଛି, ଜହ୍ନ ଆଣିଥିବା ଅଭିଯୋଗର ତଦନ୍ତ କରାଯାଇଛି… ସେଭଳି କିଛି ପ୍ରମାଣ ମିଳିନାହିଁ ।