ଖୁଲମଖୁଲ୍ଲା କରୁଛନ୍ତି ଅପରାଧ, ଆଉ ସେ ବି ପୁରା ଗଣମାଧ୍ୟମ ସାମ୍ନାରେ । ନା ଅଛି ଭୟ, ନା ଅଛି ଅନୁତାପ ।

ଇନଷ୍ଟାଗ୍ରାମରୁ ଆରମ୍ଭ ହୋଇଥିବା ପ୍ରେମର ପରିଣତି ଥିଲା ହତ୍ୟା । ଲିଭିଇନ ପାର୍ଟନରର ଗଳାଚିପି ହତ୍ୟା କରିଦେଲା ପ୍ରେମିକ । ପୁଣି ହତ୍ୟା କରିବା ପରେ ସୁଟକେଶରେ ଭର୍ତ୍ତି କରି ଯମୁନା ନଦୀରେ ଫିଙ୍ଗି ଦେଇଥିଲା ।

ଉତ୍ତରପ୍ରଦେଶ କାନପୁର ଜିଲ୍ଲାରେ ଥିବା ଫତେହପୁରର ଏପରି ଅଭାବନୀୟ ହତ୍ୟା ଘଟଣା ଯାହା ସ୍ଥାନୀୟ ଅଞ୍ଚଳରେ ଚାଞ୍ଚଲ୍ୟ ସୃଷ୍ଟି କରିଛି । ଝିଅ ହଠାତ ନିଖୋଜ ହୋଇଯିବା ପରେ ବ୍ୟସ୍ତ ହୋଇ ପୋଲିସରେ ଏଫଆଇଆର ଦେଇଥିଲେ ପରିବାର ଲୋକେ । ଆଉ ପୋଲିସର ପ୍ରାଥମିକ ତଦନ୍ତ ପରେ ସାମ୍ନାକୁ ଆସିଥିଲା ଗୋଟିଏ ପରେ ଗୋଟିଏ ସତ । ନିଜ ମୁହଁରେ ଅଭିଯୁକ୍ତ ମାନିଥିଲା ପ୍ରେମିକାକୁ ହତ୍ୟା କରିବାର ସେହି ଭୟାନକ ଘଟଣାକୁ ।

ଆହୁରି ପଢନ୍ତୁ : ବାହାହେବାକୁ ଆମେରିକାରୁ ଆସିଥିଲେ ପଞ୍ଜାବ, ହେଲେ ଭାବିସ୍ଵାମୀ ନେଇଗଲେ ଜୀବନ

ଅଭିଯୁକ୍ତ ସୁରଜ ଫତେହପୁରରେ ବୈଦୁତିକ ବିଭାଗରେ କାମ କରନ୍ତି । ବର୍ରାର ଆକାଂକ୍ଷାଙ୍କ ସହ ଇନଷ୍ଟାଗ୍ରାମରେ ତାଙ୍କର ପ୍ରେମ ସମ୍ପର୍କ ଗଢି ଉଠିଥିଲା । ପ୍ରଥମେ ଉଭୟଙ୍କ ମଧ୍ୟରେ ବନ୍ଧୁତା ହୋଇଥିଲା, ଆଉ ବନ୍ଧୁତାରୁ ସୃଷ୍ଟି ହୋଇଥିଲା ପ୍ରେମ । ଆକାଂକ୍ଷା ନିଜ ଭଉଣୀ ପାଖରେ ରହୁଥିଲେ, ଆଉ ନିଜ ପାଇଁ ଚାକିରି ଖୋଜୁଥିଲେ । ଆଉ ସୁରଜ ତାଙ୍କ ପାଇଁ ହନୁମନ୍ତ ବିହାରରେ ଏକ ରେଷ୍ଟୁରାଣ୍ଟରେ ଚାକିରି ଖୋଜି ଦେଇଥିଲେ । ସେଠାରେ ଚାକିରି କରିବା ପରେ ଏକ ଭଡାଘର ମଧ୍ୟ ସୁରଜ ତାଙ୍କ ପାଇଁ ଖୋଜିଥିଲେ, ଆଉ ଆକାଂକ୍ଷାଙ୍କୁ ସେଠାରେ ରହିବାକୁ କହିଥିଲେ । ପରେ ଉଭୟ ସେଠାରେ ଲିଭ-ଇନରେ ରହୁଥିଲେ । ଆଉ ଆକାଂକ୍ଷାଙ୍କ ପରିବାରକୁ ମଧ୍ୟ ଏସବୁ କିଛି ଜଣା ଥିଲା ।

କିଛିଦିନର ବ୍ୟବଧାନରେ ସୁରଜଙ୍କର ଅନ୍ୟ ଝିଅ ସହ ଆଫାୟାର୍ସ ଚାଲିଥିବା ସନ୍ଦେହ କରିଥିଲେ ଆକାଂକ୍ଷା । ଯାହାକୁ ନେଇ ଉଭୟଙ୍କ ମଧ୍ୟରେ ଖୁବଜୋରରେ ହୋଇଥିଲା ଯୁକ୍ତିତର୍କ । ଆଉ ରାଗରେ ସୁରଜ ଆକାଂକ୍ଷାଙ୍କୁ ପ୍ରବଳ ପିଟିବା ସହ ଗଳାଚିପି ହତ୍ୟା କରିଥିଲେ । ଆଉ ପରେ ନିଜ ସାଙ୍ଗଙ୍କୁ ଆଶିଷକୁ ଡାକି ଆକାଂକ୍ଷାଙ୍କ ମୃତ ଶରୀରକୁ ଫିଙ୍ଗିବାର ବ୍ୟବସ୍ଥା କରିଥିଲେ ।

ଅଧିକ ପଢନ୍ତୁ : ପ୍ରଥମେ ସ୍ତ୍ରୀକୁ ସନ୍ଦେହ, ତାପରେ ହତ୍ୟା.. ଶେଷରେ ଫେସ୍‌ବୁକ୍‌ରେ ଲାଇଭ୍ !

ଆଉ ତାପରେ ଆକାଂକ୍ଷାଙ୍କ ମୃତ ଶରୀରକୁ ଏକ ସୁଟକେଶ ଭିତରେ ପୁରାଇ ବାନ୍ଦା ନେଇଯାଇଥିଲେ । ସେଠାରେ ପ୍ରଥମେ ଯମୁନା ନଦୀକୁ ଫୋପାଡିବା ପୂର୍ବରୁ ସୁଟକେଶ ସହ ସେଲଫି ନେଇଥିଲେ ଆଉ ପରେ ଯମୁନା ନଦୀକୁ ଫିଙ୍ଗି ଦେଇଥିଲେ ।

ଘଟଣା ଘଟିଥିଲା ଜୁଲାଇ ୨୧ରେ। ଜୁଲାଇ ୨୨ରେ ଆକାଂକ୍ଷାଙ୍କ ଫୋନ ସୁଇଚ ଅଫ୍ ଆସିଥିବା କହିଥିଲେ ଆକାଂକ୍ଷାଙ୍କ ମାଆ । ହେଲେ ପୋଲିସ ମୁତାବକ ଅଗଷ୍ଟ ୮ ତାରିଖ ଯାଏଁ ତାଙ୍କ ପାଖକୁ ନିଖୋଜ ଆକାଂକ୍ଷାକୁ ଖୋଜିବା ନେଇ କୌଣସି ଅଭିଯୋଗ ଆସିନଥିଲା । ଆଉ ୮ ଅଗଷ୍ଟରେ ସେ ତାଙ୍କ ମାଆ ନିଜ ଝିଅର ମୃତ୍ୟୁ ଖବର ନେଇ ସୁରଜଙ୍କ ନାଁରେ ଅଭିଯୋଗ କରିଥିଲେ ।

ଘଟଣାର ତଦନ୍ତ ଆରମ୍ଭ ହେବାପରେ ପୋଲିସ ସୁରଜକୁ ଗିରଫ କରିଥିଲା । ଆଉ ପୋଲିସ ଆଗରେ ସବୁକିଛି ସତ ମାନିଥିଲା ସୁରଜ । ନିଜର ଅନ୍ୟ ଝିଅମାନଙ୍କ ସହ ଥିବା ସମ୍ପର୍କ ଏବଂ ଆକାଂକ୍ଷାକୁ ହତ୍ୟା କରିଥିବା ମଧ୍ୟ ସେ ସ୍ଵୀକାର କରିଥିଲା । ଆଉ ଆକାଂକ୍ଷାଙ୍କ ଫୋନକୁ ବିହାର ଯାଉଥିବା ଏକ ଟ୍ରେନ ବଗିରେ ଲୁଚାଇ ରଖିଥିଲା । ଯାହାଦ୍ଵାରା ପୋଲିସ ଆକାଂକ୍ଷାର ଫୋନ ଟ୍ରାକିଂ କରିପାରିବ ନାହିଁ । ବର୍ତ୍ତମାନ ସୁରଜ ଏବଂ ତାର ସାଙ୍ଗକୁ ଗିରଫ କରାଯାଇ କୋର୍ଟ ଚାଲାଣ କରାଯାଇଛି ।

Argus News | argus news | Odisha Latest News, Breaking News, Trending News, Live TV