Crime In Odisha / ବାରଣ୍ଡାରେ ଶୋଇଥିବା ବେଳେ ଦଶହରା ରାତିରେ ଆସି କୁରାଢ଼ିରେ ହାଣିଦେଲା ପଡ଼ୋଶୀ
Key Points
ପିଣ୍ଢାରେ ବସିବାରୁ ବାରଣ୍ଡାରେ ହତ୍ୟା । ଦଶହରା ରାତିରେ ସ୍ତ୍ରୀ ପାଇଁ ନେଇଗଲା ମୁଣ୍ଡ । ମାଆଙ୍କ ପୂଜାରେ ସମସ୍ତେ ମସଗୁଲ୍ ଥିବା ବେଳେ ବିଳମ୍ବିତ ରାତିରେ ମୁଣ୍ଡ ଗଡ଼ିଛି ।
ପାଟଣା (କେନ୍ଦୁଝର): ସନ୍ଦେହ ସଜାଇ ଦେଲା ସଇତାନ । ପିଣ୍ଢାରେ ବସିବାରୁ ବାରଣ୍ଡାରେ ହତ୍ୟା । ଦଶହରା ରାତିରେ ସ୍ତ୍ରୀ ପାଇଁ ନେଇଗଲା ମୁଣ୍ଡ । ମାଆଙ୍କ ପୂଜାରେ ସମସ୍ତେ ମସଗୁଲ୍ ଥିବା ବେଳେ ବିଳମ୍ବିତ ରାତିରେ ମୁଣ୍ଡ ଗଡ଼ିଛି । ସ୍ତ୍ରୀ ସହ ସମ୍ପର୍କ ଥିବା ସନ୍ଦେହ କରି ଘର ବାରଣ୍ଡାରେ ରକ୍ତର ନଦୀ ବୁହାଇ ଦେଇଛି ସ୍ଵାମୀ ।
ଅତ୍ୟନ୍ତ ବୀଭତ୍ସ ହତ୍ୟାକାଣ୍ଡ ଘଟିଛି କେନ୍ଦୁଝର ଜିଲ୍ଲା ଘଟଗାଁ ଥାନା ଅଞ୍ଚଳରେ । ଘଟଗାଁ ଥାନା ଅନ୍ତର୍ଗତ ମେଦିନୀପୁର ଗାଁର ଭଦ୍ରୁ ମହାକୁଢ଼ଙ୍କୁ ହତ୍ୟା କରାଯାଇଛି । ଭଦ୍ରୁଙ୍କୁ ହତ୍ୟା କରିଛି ସେହି ଗାଁର ଗହ୍ମା ମହାକୁଢ଼ । ହତ୍ୟାକାଣ୍ଡ ପରେ ପୋଲିସ ଗହ୍ମା ମହାକୁଡ଼କୁ ଗିରଫ କରିଛି ।
ଏଥିସହ ପଢ଼ନ୍ତୁ: ରାତି ଅଧରେ ରାସ୍ତା କଡରୁ ମହିଳାଙ୍କୁ ଉଠାଇନେଲା ଡ୍ରାଇଭର, ସିସିଟିଭିରେ କଏଦ୍ ହେଲା ଦୃଶ୍ୟ
ସୂଚନା ଅନୁସାରେ, ଦଶହରା ରାତିରେ ଘରେ କେହି ନଥିବା ବେଳେ ବାରଣ୍ଡାରେ ଶୋଇଥିଲେ ଭଦ୍ରୁ । ଆଉ ଅଧରାତିରେ ଗହ୍ମା, ଭଦ୍ରୁଙ୍କ ଘରକୁ ଆସି ଚୋଟ ପରେ ଚୋଟ ପକାଇଥିଲେ । ଆଉ ରକ୍ତ ଜୁଡ଼ୁବୁଡ଼ୁ ଅବସ୍ଥାରେ ଛଟପଟ ହୋଇ ଚାଲି ଯାଇଥିଲା ଭଦ୍ରୁଙ୍କ ଜୀବନ । ହତ୍ୟା ପରେ ଘର କଡ଼ରେ ଗହ୍ମ କୁରାଢ଼ି ଫିଙ୍ଗି ଦେଇ ପଳାଇଥିଲା ।
📱 Get Argus News App
✨
ହତ୍ୟାକାଣ୍ଡ ଖବର ପାଇ ଶୁକ୍ରବାର ସକାଳେ ଘଟଗାଁ ଏସଡିପିଓ, ଆଇଆଇସି ଓ ସାଇଣ୍ଟିଫିକ୍ ଟିମ୍ ପହଞ୍ଚି ତଦନ୍ତ କରୁଛନ୍ତି । ହତ୍ୟାରେ ବ୍ୟବହାର ହୋଇଥିବା କୁରାଢ଼ିକୁ ପୋଲିସ ଜବତ କରିବା ସହ ହତ୍ୟା ଅଭିଯୁକ୍ତ ଗହ୍ମା ମହାକୁଡ଼କୁ ଗିରଫ କରିଛି ।
ଏଥିସହ ପଢ଼ନ୍ତୁ: ଆଙ୍ଗୁଠି କାଟିଦେଲେ, ଛୁରୀରେ ଭୁସିଲେ, ନାବାଳକ ପୁଅ ସାମ୍ନାରେ ବାପାକୁ ନିର୍ମମ ହତ୍ୟା
ଗହ୍ମାଙ୍କ ସ୍ତ୍ରୀ ସହ ଭଦ୍ରୁର ଅନୈତିକ ସମ୍ପର୍କ ଥିବା ସନ୍ଦେହ କରୁଥିଲା ଅଭିଯୁକ୍ତ । ଆଉ ଏହି ସନ୍ଦେହ ରୂପୀ ସୈତାନ ଦଶହରା ରାତିରେ ମୁଣ୍ଡ ନେଇଛି । ପୂର୍ବରୁ ପରିବାରର ଅନ୍ୟ ଜଣଙ୍କୁ ଗହ୍ମା ମାରିଥିବା ବେଳେ ଏବେ ଭଦ୍ରୁଙ୍କୁ ହତ୍ୟା କରିଥିବା ଅଭିଯୋଗ କରିଛନ୍ତି ପରିବାର ଲୋକେ । ଅଭିଯୁକ୍ତକୁ ଫାଶୀ ଦେବାକୁ ପରିବାର ଲୋକେ ବି ଦାବି କରିଛନ୍ତି ।