Patna liquor car crash / ରାସ୍ତାରେ ଓଲଟିଗଲା ମଦ ବୋଝେଇ କାର; ଲୁଟି ନେବାକୁ ମାଡ଼ି ଆସିଲେ ଲୋକ

Bihar excise policy news: ବିହାରରେ ମଦ ନିଷେଧ ମଧ୍ୟରେ, ସଦ୍ୟ ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହେବାରେ ଲାଗିଛି। ଯେଉଁଥିରେ ରାଜଧାନୀ ପାଟନା ଠାରେ ଏକ ସଡ଼କ ଦୁର୍ଘଟଣା ପରେ ଲୋକ ରାସ୍ତାରୁ ମଦ ବୋତଲ ଉଠାଇ ନେଉଛନ୍ତି। ଏହି ଘଟଣା ଶୁକ୍ରବାର ଦିନ ଖୁସରୁପୁର ଥାନା ଅନ୍ତର୍ଗତ ଲୋଦିପୁର ସ୍ଥିଚ ଜାତୀୟ ରାଜପଥ ନିକଟରେ ଘଟିଛି।

ଦେଶରେ ନିର୍ମିତ ବିଦେଶୀ ମଦ (IMFL) ବୋଝେଇ ଏକ କାର ରାଜପଥରେ ଦୁର୍ଘଟଣାଗ୍ରସ୍ତ ହୋଇଥିବା ଜଣାପଡିଛି। ଏହା ପରେ ମଦ ବୋତଲ ରାସ୍ତାରେ ଏଣେତେଣେ ବିଛାଡ଼ି ହୋଇ ପଡ଼ିଥିଲା। ରାସ୍ତାରେ ମଦ ବୋତଲ ବିଛାଡ଼ି ହୋଇ ପଡ଼ିଥିବାର ଜାଣିବା ମାତ୍ରେ ଲୋକେ ଘଟଣାସ୍ଥଳରେ ଭିଡ଼ ଜମା ହୋଇଥିଲା। ପଦଯାତ୍ରୀ, ଟ୍ରକ୍ ଡ୍ରାଇଭର ଏବଂ କାର ଡ୍ରାଇଭର ଏହାକୁ ରାସ୍ତାରୁ ଉଠାଇବାକୁ ଅଟକି ରହିଥିଲେ।

ରାସ୍ତାରୁ ମଦ ବୋତଲ ଉଠଇବାରେ ଲାଗିଥିଲେ ଲୋକେ
ରିପୋର୍ଟ ଅନୁଯାୟୀ, କିଛି ଲୋକ ମଦ ବୋତଲ ନେଇ ଦୌଡ଼ି ପଳାଉଥିଲେ। ଯେତେବେଳେ ଅନ୍ୟମାନେ ଏହାକୁ ନେବା ସଡ଼କ ଦୁର୍ଘଟମାରେ କ୍ଷତିଗ୍ରସ୍ତ ହୋଇଥିବା ଗାଡ଼ି ପାଖରେ ପହଞ୍ଚିଥିଲେ। ଭାଇରାଲ ଭିଡ଼ିଓ ଫୁଟେଜରେ ରାଜପଥରେ ମଦ ବୋତଲ ଏଣେତେଣେ ବିଛାଡ଼ି ହୋଇପଡ଼ିଛି। ଯାହାକୁ ରାସ୍ତାରୁ ଉଠାଇବାକୁ ଚେଷ୍ଟା କରୁଥିବା ଲୋକଙ୍କ ଭିଡ଼ ନଜର ଆସୁଛି। ଏକ ନିର୍ଦ୍ଦିଷ୍ଟ ଦୃଶ୍ୟରେ, ସ୍କୁଲ ପିଲାଙ୍କୁ ନେଇ ଯାଉଥିବା ଏକ ଇ-ରିକ୍ସା ନିକଟରେ ଲୋକେ ମଦ ବୋତଲ ସଂଗ୍ରହ କରୁଥିବା ଦେଖାଯାଉଛି। ଏହି ଘଟଣା ବିହାରରେ ଘଟିଥିବାରୁ ଏହା ବହୁତ ଧ୍ୟାନ ଆକର୍ଷଣ କରିଛି। କାରଣ ଏହି ରାଜ୍ୟରେ ମଦ ବିକ୍ରି ଉପରେ ନିଷେଧାଦେଶ ଜାରି ହୋଇଛି।

ଏହା ସହ ପଢନ୍ତୁ: ରାସ୍ତାରେ ଓଲଟିଲା ଟ୍ୟାଙ୍କର; କ୍ଷୀର ସାଗର ଭାବି ପିଇ ଚାଲିଲେ ଲୋକେ

ଭିଡିଓ ଭାଇରାଲ୍
ଏହି ଭିଡିଓ ସୋସିଆଲ ମିଡିଆରେ ମଦ ଚୋରା ଚାଲାଣ ଏବଂ ଦୁର୍ଘଟଣାର ସୁଯୋଗ ନେଇ ବୋତଲ ଉଠାଇଥିବା ଲୋକଙ୍କ ଆଚରଣକୁ ଦର୍ଶାଉଛି। ଜଣେ ଅଧିକାରୀଙ୍କ କହିବା ଅନୁଯାୟୀ, ଦୁର୍ଘଟଣାରେ ଜଡିତ ଗାଡିର ପଞ୍ଜିକରଣ ନମ୍ବର ହେଉଛି "BR-01-FL-8170"। ଦୁର୍ଘଟଣା ପରେ ଅଭିଯୁକ୍ତ ମଦ ଚୋରା ଚାଲାଣକାରୀ ଘଟଣାସ୍ଥଳରୁ ଫେରାର ହୋଇ ଯାଇଥିଲା। ଖଭର ପାଇବା ପରେ, ଖୁସ୍ରୁପୁର ପୋଲିସ ଘଟଣାସ୍ଥଳରେ ପହଞ୍ଚି କ୍ଷତିଗ୍ରସ୍ତ କାରକୁ ଜବତ କରିଛି।

ପୋଲିସ ପକ୍ଷରୁ ମାମଲା ରୁଜୁ
ପୋଲିସ ଜଣେ ଅଜ୍ଞାତ ମଦ ଚୋରାଚାଲାଣକାରୀଙ୍କ ବିରୋଧରେ ପୋଲିସ ଏକ ମାମଲା ରୁଜୁ କରିଛି। ଅଭିଯୁକ୍ତଙ୍କୁ ଧରିବା ଏବଂ ଗିରଫ କରିବା ପାଇଁ ତଦନ୍ତ ଆରମ୍ଭ କରିଛି। ତଦନ୍ତକାରୀ ମଦ ଚାଲାଣର ଉତ୍ସ ଏବଂ ଏହାକୁ କେଉଁଠାରେ ପରିବହନ କରାଯାଉଥିଲା ତାହା ମଧ୍ୟ ଜାଣିବାକୁ ଚେଷ୍ଟା କରୁଛନ୍ତି। ବିହାରରେ ମଦ ନିଷେଧ ହେବା ସତ୍ତ୍ୱେ ମଦ ଚୋରାଚାଲାଣ ହେଉଥିବା ନେଇ ଜଣାପଡ଼ିବା ପରେ ଏବେ ଏହା ଚର୍ଚ୍ଚାର ବିଷୟ ପାଲଟିଛି।