ସଦ୍ୟ ପାଟନାର ଏକ ଭିଡିଓ ସୋସିଆଲ ମିଡିଆରେ ଦ୍ରୁତ ଗତିରେ ଭାଇରାଲ ହେବାରେ ଲାଗିଛି। ଯେଉଁଥିରେ ଦେଖିବାକୁ ମିଳିଛି ରାସ୍ତାରେ ଏକ କ୍ଷୀର ବୋଝେଇ ଟ୍ୟାଙ୍କର ଓଲଟିଗଲା। ଯାହା ଫଳରେ କ୍ଷୀର ରାସ୍ତାରେ ବୋହିବାରେ ଲାଗିଛି। ଦେଖୁଦେଖୁ ଘଟଣାସ୍ଥଳର ଆଖପାଖର ଲୋକେ ସେଠାରେ ଯାଇ ପହଞ୍ଚିଥିଲେ ଯେଉଁଠାରେ ମିଲ୍କ ଟ୍ୟାଙ୍କର ଓଲଟି ପଡ଼ିଥିଲା। ସେମାନେ ବାଲ୍ଟି, ବୋତଲ, ଧରି ଘଟଣାସ୍ଥଳରେ ପହଞ୍ଚିବାରେ ଲାଗିଥିଲେ।

ଘଟଣାସ୍ଥଳରେ ଭିଡ଼ ବଢ଼ୁଥିବାର ଦେଖି, ଏ ଘଟଣାରେ ସମ୍ପର୍କରେ ନିକଟସ୍ଥ ଥାନାକୁ ଅବଗତ କରାଯାଇଥିଲା। ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚିଥିଲା। ପୋଲିସ ପରିସ୍ଥିତି ନିୟନ୍ତ୍ରଣ କରିବାକୁ ଚେଷ୍ଟା କରିଥିଲା, ହେଲେ ସେତେବେଳକୁ ଅନେକ ଲୋକ କ୍ଷୀର ବୋହି ନେଇ ଯାଇଥିଲେ। କେହି ଜଣେ ସମଗ୍ର ଘଟଣାକ୍ରମର ଭିଡି଼ଓ ରେକର୍ଡିଂ କରିଥିଲେ। ଯାହା ପରେ ସୋସିଆଲ ମିଡି଼ଆରେ ଭାଇରାଲ ହେବାରେ ଲାଗିଥିଲା।

ଏହା ସହ ପଢନ୍ତୁ: ବିଳାସପୂର୍ଣ୍ଣ ହୋଟେଲ ମଧ୍ୟରେ ଚାଲିଥିଲା ସେକ୍ସ ରାକେଟ; ଧରାପଡ଼ିଲେ ୨ ଅଭିନେତ୍ରୀ, ଦଲାଲ ଗିରଫ

ଭାଇରାଲ ଭିଡିଓରେ କ'ଣ ଦେଖିବାକୁ ମିଳୁଛି
ଭାଇରାଲ ଭିଡି଼ଓରେ ସ୍ପଷ୍ଟ ଭାବରେ ଦେଖିବାକୁ ମିଳୁଛି ଯେ ରାସ୍ତାରେ ଏକ କ୍ଷୀର ବୋଝେଇ ଟ୍ୟାଙ୍କର ଓଲଟି ପଡ଼ିଛି। ଯାହା ରାସ୍ତାରେ ଏଣେତେଣେ କ୍ଷୀର ଢାଳି ହୋଇପଡ଼ିଛି। ଅନେକ ଲୋକ ଟ୍ୟାଙ୍କର ପାଖରେ ନଇଁ ପଡ଼ି ସିଧାସଳଖ ସେଥିରୁ କ୍ଷୀର ପିଇବାରେ ଲାଗିଛନ୍ତି। ଅନ୍ୟମାନେ ମଧ୍ୟ ବୋତଲ ଏବଂ ବାଲଟି ମଧ୍ୟରେ କ୍ଷୀର ଭର୍ତ୍ତି କରିବାରେ ଲାଗିଛନ୍ତି। ଏହା ପରେ କିଛି କ୍ଷଣ ମଧ୍ୟରେ ରାସ୍ତାରେ ଲୋକଙ୍କ ଭିଡ଼ ଜମା ହୋଇଥିଲା। ବୋତଲ ଏବଂ ବାଲଟି ଧରି ଆସିଥିବା ଲୋକ କ୍ଷୀର ବୋହିବାରେ ଲାଗିଥିଲେ।

पटना में दूध से भरा टैंकर पलटने के बाद सड़क पर दूध बहने लगा। देखते ही देखते लोग बाल्टी बोतल और बर्तन लेकर दूध भरने पहुंच गए। सूचना पर पुलिस मौके पर पहुंची और स्थिति को सम्भाल लिए l
पटना में दूध का टैंकर क्या पलटा जैसे लोगों के लिए मानो फ्री वाला ऑफर खुल गया हो l pic.twitter.com/st53z769Qw

— Shalini Gupta (@askshalugupta) July 15, 2026

ଭିଡ଼ିଓ ଭାଇରାଲ ହେବା ପରେ ପ୍ରତିକ୍ରିୟା ରଖିଲେ ଲୋକେ
ଏହି ଭିଡିଓ ଭାଇରାଲ ହେବା ପରେ ଅନେକ ମତାମତ ସାମ୍ନାକୁ ଆସିଛି। ଅନେକ ୟୁଜର ଥଟ୍ଟାମଜା କରି ମନ୍ତବ୍ୟ ଦେଇଛନ୍ତି ଯେ ପାଟନାରେ ଏକ କ୍ଷୀର ଟ୍ୟାଙ୍କର ଓଲଟି ଯିବା ଲୋକଙ୍କ ପାଇଁ ଏକ ମାଗଣା ଜିନିଷ ପାଲଟିଯାଇଛି। ହେଲେ ତଥାପି, କେତେକ ଏହାକୁ ଅନ୍ୟାୟ ବୋଲି କହିଛନ୍ତି। ସେମାନଙ୍କ କହିବା କଥା ଯେ ଏହି ଘଟଣାକୁ ଗମ୍ଭୀରତାର ସହିତ ନେବା ପରିବର୍ତ୍ତେ ସମସ୍ତେ ନିଜ ନିଜ ସ୍ୱାର୍ଥ ସାଧନ ଉପରେ ଧ୍ୟାନ ଦେଇଛନ୍ତି। ଅନ୍ୟମାନେ ଲେଖିଛନ୍ତି ଯେ ଏହି ଲୋକ ଠିକ୍ କାମ କରୁଛନ୍ତି। ଏତେ ପରିମାଣରେ କ୍ଷୀର ନଷ୍ଟ ହେଉଥିବା ଦେଖିବା ସମସ୍ତଙ୍କ ପାଇଁ ଦୁଃଖଦାୟକ। ଏହି ଭିଡିଓକୁ ନିରନ୍ତର ସେୟାର କରାଯାଉଛି ଏବଂ ହଜାର ହଜାର ଲୋକ ସେମାନଙ୍କର ମତାମତ ଦେଉଛନ୍ତି।