ତ୍ରିକୋଣୀୟ ପ୍ରେମରୁ ଗାଡ଼ି ଚଢ଼ାଇ ହତ୍ୟା କଲା ବନ୍ଧୁ I ପ୍ରେମ ପାଇଁ ଗଡ଼ିଲା ମୁଣ୍ଡ । ଚନ୍ଦ୍ରଶେଖରପୁରରେ ଇଞ୍ଜିନିୟରିଂ ଛାତ୍ରଙ୍କ ମୃତ୍ୟୁ ମାମଲା । ଦୁର୍ଘଟଣା ନୁହେଁ ପୂର୍ବ ଯୋଜନାରୁ ହତ୍ୟା ହୋଇଥିବା ଅଭିଯୋଗ । ରାସ୍ତାରେ ପିଟିଲେ, ଗାଡ଼ି ଚଢ଼ାଇ ହତ୍ୟା କଲେ । ସୁଚିନ୍ତିତ ହତ୍ୟାକାଣ୍ଡକୁ ଦୁର୍ଘଟଣାର ରୂପ ଦେବାକୁ କରାଯାଇଥିଲା ଚେଷ୍ଟା ।

ରାତି ଅଧରେ ଚନ୍ଦ୍ରଶେଖରପୁର ପେଟ୍ରୋଲ ପମ୍ପ ପଛପଟେ ହୋଇଥିବା ଦୁର୍ଘଟଣା ଉପରୁ ଉଠିଛି ପରଦା । ଦୁର୍ଘଟଣା ନୁହେଁ ବରଂ ତ୍ରିକୋଣୀୟ ପ୍ରେମ କାହାଣୀକୁ ନେଇ ଭୟଙ୍କର କାଣ୍ଡ ଘଟାଯାଇଥିଲା । ପ୍ରଥମେ ଥାର୍‌ ଚଢ଼ାଇ ଜୀବନରୁ ମାରି ଦେବାକୁ ଉଦ୍ୟମ କଲେ । ହେଲେ ବରୁଣ ବଞ୍ଚିଥିବା ଜାଣି ହକି ଷ୍ଟିକରେ ପିଟିଲେ । ଆଉ ଦୁର୍ଘଟଣା ବାହାନାରେ ଖସି ଯିବାକୁ ଉଦ୍ୟମ କରିଥିଲେ । ପ୍ରେମକୁ ହାସଲ କରିବା ପାଇଁ ହତ୍ୟାକାଣ୍ଡର ପୂରା ବ୍ଲୁ ପ୍ରିଣ୍ଟ ପ୍ରସ୍ତୁତ କରିଥିଲା ମୁଖ୍ୟ ଅଭିଯୁକ୍ତ ସୂରଜ ବିଶ୍ବକର୍ମା I ତାକୁ ସହଯୋଗ କରିଥିଲେ ଅନ୍ୟମାନେ ।

ଅଧିକ ପଢ଼ନ୍ତୁ: ଦିଲ୍ଲୀରେ ISI-ଅଣ୍ଡରୱାର୍ଲ୍ଡ ନେଟୱର୍କର ପର୍ଦ୍ଦାଫାଶ; ୯ ଆତଙ୍କୀକୁ ମାଡ଼ି ବସିଲା ପୋଲିସ

ହତ୍ୟାକାରୀ ସୂରଜ ବିଶ୍ୱକର୍ମା ଓ ମୃତ ବରୁଣ ରାଉତରାୟ ପିଲା ବେଳର ସାଙ୍ଗ । ହେଲେ ଦୁଇଜଣଙ୍କ ଭିତରେ ଏଣ୍ଟ୍ରି ମାରିଥିଲେ ଜଣେ ଯୁବତୀ । ଯେଉଁ ଯୁବତୀ ପ୍ରଥମେ ସୂରଜଙ୍କୁ ଭଲ ପାଉଥିଲେ, ପରେ ସେ ବରୁଣଙ୍କ ପ୍ରେମିକା ସାଜିଥିଲେ । ଆଉ ବରୁଣଙ୍କ ସହିତ ନିଜ ପ୍ରେମିକାକୁ ଦେଖି ସହି ପାରିନଥିଲା ହତ୍ୟାକାରୀ ସୂରଜ । ଦୁହିଁଙ୍କ ଭିତରେ ହୋଇଥିଲା ଜୋରଦାର୍ ଝଗଡ଼ା । ବରୁଣଙ୍କୁ ରାସ୍ତାରୁ ହଟାଇବାକୁ ସୂରଜ ରଚିଥିଲା ପୂରା ପ୍ଲାନ୍ । ଆଉ ଯୋଜନା ମୁତାବକ ପ୍ରଥମେ ବରଣଙ୍କୁ ଥାର୍‌ ଚମାଇ ମାରିବାକୁ ଉଦ୍ୟମ କଲେ । କିନ୍ତୁ ସେ ବଞ୍ଚିଥିବା ଜାଣି ହକି ଷ୍ଟିକ୍‌ରେ ପିଟି ପଟି ବରଣୁ ମାରିଥିଲେ ।