ନୂଆଦିଲ୍ଲୀ: ଗ୍ୟାସ୍ ପାଇଁ ଲୋକ ଧାଡ଼ି ଲଗାଉଛନ୍ତି । ସିଲିଣ୍ଡର ପାଇଁ ଲୋକ ବ୍ୟସ୍ତ ହୋଇ ପଡ଼ୁଥିବା ବେଳେ ଏହାର ସୁଯୋଗ ଉଠାଉଛନ୍ତି ସାଇବର ଠକ । ସୋସିଆଲ୍ ମିଡିଆ ଓ ଇଣ୍ଟରନେଟ୍‌ରେ ଏକ ନୂଆ ସାଇବର୍ ଠକେଇ ବ୍ୟାପିବାରେ ଲାଗିଛି ।

ନୂଆ ତରିକାରେ ଠକ ଏଲପିଜି ସିଲିଣ୍ଡର ବ୍ୟବହାରକାରୀଙ୍କୁ ଟାର୍ଗେଟ୍ କରୁଛନ୍ତି । ଅନେକ ଲୋକଙ୍କୁ ଏଭଳି ବିଜ୍ଞାପନ ଓ ମେସେଜ୍ ମିଳୁଛି । ଯେଉଁଥିରେ... ଏବେ ଟଙ୍କା ପୈଠ କଲେ କାଲି ଗ୍ୟାସ୍ ଘରେ ପହଞ୍ଚାଇ ଦିଆଯିବ ବୋଲି ଦାବି କରାଯାଉଛି । ଗ୍ୟାସ୍ ଡେଲିଭରି ଓ ବୁକିଂକୁ ନେଇ ନେଇ ଲୋକେ ଚିନ୍ତାରେ ଥିବାବେଳେ ଏଭଳି ଭାବେ ସାଇବର ଠକ ଫାଇଦା ଉଠାଉଛନ୍ତି ।

ଏଥିସହ ପଢ଼ନ୍ତୁ: ଭାରତରେ ନାହିଁ LPG ସଙ୍କଟ,ଅଧିକ ଗ୍ୟାସ ରଖିଲେ ୭ ବର୍ଷ ଜେଲ

କେମିତି ହେଉଛି ଗ୍ୟାସ୍ ଠକେଇ ?

ସୋସିଆଲ୍ ମିଡିଆ, ହ୍ଵାଟ୍ସଆପ୍ ଓ ଏସଏମଏସ୍ ଜରିଆରେ ସାଇବର ଠକ ଲୋକଙ୍କୁ ମିଛ ଲିଙ୍କ୍ ପଠାଉଛନ୍ତି । ଯେଉଁଥିରେ ଶୀଘ୍ର ଗ୍ୟାସ୍ ଘରେ ପହଞ୍ଚାଇ ଦେବାର ପ୍ରଲୋଭନ ଦେଉଛନ୍ତି । ଆଉ ଉକ୍ତ ଲିଙ୍କ୍‌କୁ କେହି କ୍ଲିକ୍ କରି ପେମେଣ୍ଟ କଲେ ତାହା ସିଧା ଠକଙ୍କ ଆକାଉଣ୍ଟକୁ ଯାଉଛି ।

ଏନେଇ ପୋଲିସ ଓ ସାଇବର ବିଶେଷଜ୍ଞ ଲୋକଙ୍କୁ ଏଭଳି ଲିଙ୍କ୍‌ରେ କ୍ଲିକ୍ ନ କରିବାକୁ ପରାମର୍ଶ ଦେଇଛନ୍ତି । ଏଭଳି ସନ୍ଦିଗ୍ଧ ଲିଙ୍କ୍ ଓ ବିଜ୍ଞାପନ ଉପରେ ଭରସା କରନ୍ତୁ ନାହିଁ । ଇଣ୍ଡେନ୍, ଭାରତ ଗ୍ୟାସ୍ ଓ ଏଚପି ଗ୍ୟାସ୍‌ ଭଳି କମ୍ପାନୀ କେବେ ଅଜଣା ଲିଙ୍କ୍ ପଠାଇ ଟଙ୍କା ପୈଠ କରିବାକୁ କୁହନ୍ତି ନାହିଁ ।

ସୋସିଆଲ୍ ମିଡିଆ ବିଜ୍ଞାପନ, ଟଙ୍କା ଗାଏବ

ଏଭଳି ଠକେଇ ସାଧାରଣତଃ ସୋସିଆଲ୍ ମିଡିଆ ବିଜ୍ଞାପନ ମାଧ୍ୟମରେ ହେଉଛି । ଫେସବୁକ୍, ଇନଷ୍ଟାଗ୍ରାମ ଅଥବା ଗୁଗଲ୍‌ରେ ମିଛ ବିଜ୍ଞାପନ ଦେଇ ଗ୍ୟାସ୍ ଡେଲିଭରିର ଦାବି କରୁଛନ୍ତି ଠକ । ଆଉ ଲୋକ ଉକ୍ତ ଲିଙ୍କ୍‌ରେ କ୍ଲିକ୍ କରିବା ମାତ୍ରେ ନକଲି ୱେବସାଇଟ୍‌ରେ ପହଞ୍ଚୁଛନ୍ତି, ଯାହାକି ଦେଖିବାକୁ ଅସଲି ଗ୍ଯାସ୍ ୱେବସାଇଟ୍ ଭଳି । ଉକ୍ତ ୱେବସାଇଟ୍ ଲୋକଙ୍କ ଠାରୁ ଅନଲାଇନ୍ ପେମେଣ୍ଟ ନେଉଛି । ପେମେଣ୍ଟ ହେବା ମାତ୍ରେ, ଠକ ଗାଏବ ହୋଇ ଯାଉଛି ।

ଏଥିସହ ପଢ଼ନ୍ତୁ: ଗ୍ୟାସ ପାଇଁ ଲମ୍ବା ଲାଇନ୍, କଳାବଜାରୀ ରୋକିବାକୁ ମନ୍ତ୍ରୀଙ୍କ ନିର୍ଦ୍ଦେଶ

WhatsAppରେ ଆସୁଛି ମେସେଜ

ଏକାଧିକ ମାମଲାରେ ଲୋକଙ୍କୁ ହ୍ଵାଟ୍ସଆପ୍‌ ଅଥବା ମେସେଜ ମାଧ୍ୟମରେ ଲିଙ୍କ୍ ଆସୁଛି । ଯେଉଁ ମେସେଜରେ ଲେଖା ରହୁଛି, "ଲିଙ୍କ୍‌ରେ ତୁରନ୍ତ କ୍ଲିକ୍ ନ କଲେ ସିଲିଣ୍ଡର ଆଉ କାହାରିକୁ ଦେଇ ଦିଆଯିବ ।" ଏଭଳି ମେସେଜ୍ ଠାରୁ ଦୂରେଇ ରହିବା ପାଇଁ ଦିଲ୍ଲୀ ପୋଲିସ ଚେତାବନୀ ଜାରି କରିଛି ।

ଏଥିସହ ପୋଲିସ କହିଛି, "ଗ୍ୟାସ୍ ସିଲିଣ୍ଡର ବୁକିଂ କେବଳ ପ୍ରାଧିକୃତ ୱେବସାଇଟ୍ ଅଥବା ଆପ୍ଲିକେସନ୍ ବ୍ୟବହାର କରି କରନ୍ତୁ । କୌଣସି ଅଜ୍ଞାତ ଲିଙ୍କ୍‌ ଅଥବା ଅଫର୍‌ ଲୋଭ ଦେଖି କ୍ଲିକ୍ କରନ୍ତୁ ନାହିଁ । କୌଣସି ବ୍ୟକ୍ତିଙ୍କୁ ଓଟିପି ଦିଅନ୍ତୁ ନାହିଁ ।"