ମୁମ୍ବାଇ: ଅୟାନ ଅହମଦ ଓରଫ୍ ତନଭୀର । ଘର ମହାରାଷ୍ଟ୍ରର ପରତୱାଡ଼ାରେ । ଯିଏ ୧୮୦ ଜଣ ନାବାଳିକାଙ୍କୁ ଧୋକା ଦେଇ ୩୫୦ରୁ ଅଧିକ ଅଶ୍ଲୀଳ ଭିଡିଓ କରିଥିବା ଅଭିଯୋଗରେ ଗିରଫ ହୋଇଛି । ଅମରାବତୀରୁ ଅୟାନ ଅହମଦକୁ ଗିରଫ ପରେ ତାର ଘରେ ବୁଲୁଛି ବୁଲଡୋଜର୍ ।

ଅଭିଯୋଗ ଅନୁସାରେ, ପରତୱାଡ଼ାର ଅୟାନ ଅହମଦ ଝିଅମାନଙ୍କୁ ପ୍ରଥମେ ପ୍ରେମ ଜାଲ୍‌ରେ ଫସାଉଥିଲା । ଏହାପରେ ମୁମ୍ବାଇ ଏବଂ ପୁଣେକୁ ଡାକି ଆଣି ସୁଟ୍ କରିଥିଲା ଅଶ୍ଳୀଳ ଭିଡିଓ । ଆଉ ପରବର୍ତ୍ତୀ ସମୟରେ ଉକ୍ତ ଭିଡିଓ ଜରିଆରେ ଝିଅମାନଙ୍କୁ ବ୍ଲାକମେଲ୍ କରୁଥିଲା । ସେମାନଙ୍କ ଅନୈତିକ କାର୍ଯ୍ୟ ପାଇଁ ବାଧ୍ୟ କରୁଥିଲା ଅୟାନ ଅହମଦ ।

ଏଥିସହ ପଢ଼ନ୍ତୁ: ଅମରାବତୀ କାଣ୍ଡରେ ମୋବାଇଲ୍‌ରୁ ଡାଉନଲୋଡ୍ ଭିଡିଓର ସତ କ'ଣ ?

ଏଥିପାଇଁ ଡିଜିଟାଲ୍ ଜାଲ୍ ବିଛାଇଥିଲା ଅୟାନ ଅହମଦ । ବିଶେଷକରି ହ୍ଵାଟ୍ସଆପ୍ ଓ ସ୍ନାପଚାଟ ଗ୍ରୁପ୍ ଜରିଆରେ ସେ ନାବାଳିକାଙ୍କୁ ଟାର୍ଗେଟ୍ କରୁଥିଲା । ଏନେଇ ରାଜ୍ୟସଭା ସାଂସଦ ଅନୀଲ ବୋନ୍ଦେ, ପୋଲିସ ନକଟରେ ଅଭିଯୋଗ କରିଛନ୍ତି ।

ପୋଲିସ ଅୟାନ ଅହମଦକୁ ଗିରଫ କରିବା ପରେ ମୁସଲିମ୍ ସମ୍ପ୍ରଦାୟର ଲୋକେ ଥାନାକୁ ଯାଇ କଠୋର କାର୍ଯ୍ୟାନୁଷ୍ଠାନ ଦାବି କରିଛନ୍ତି । ଏପରିକି ଏହା ଦ୍ଵାରା ମୁସଲମାନ ସମ୍ପ୍ରଦାୟର ସମ୍ମାନକୁ କ୍ଷତି ପହଞ୍ଚାଇବାକୁ ପ୍ରୟାସ କରୁଥିବା ଅଭିଯୋଗ କରିଛନ୍ତି ।

ଏଥିସହ ପଢ଼ନ୍ତୁ: ମେଳାରେ ନିଶା କୋଲ୍ଡଡ୍ରିଙ୍କସ ପିଆଇ ଗଣଦୁଷ୍କର୍ମ; ୩ଦିନ ପୀଡ଼ିତାଙ୍କୁ ବାନ୍ଧି ରଖିଲେ

ଅଭିଯୋଗ ଅନୁସାରେ, ଅୟାନ ଅହମଦ ପୂର୍ବରୁ AIMIMର କାର୍ଯ୍ୟକର୍ତ୍ତା ଥିଲେ । ଏବେ ମାମଲା ସାମ୍ନାକୁ ଆସିବା ପରେ ଅୟାନ ଅହମଦ ତାର ଇନଷ୍ଟାଗ୍ରାମ ଆକାଉଣ୍ଟରୁ ଭିଡିଓ ଡିଲିଟ୍ କରି ଦେଇଛି । ପୋଲିସ ଅୟାନ ଅହମଦକୁ ଗିରଫ କରିବା ସହ ୭ ଦିନ ଲାଗି କୋର୍ଟଙ୍କ ଅନୁମତି କ୍ରମେ ହେପାଜତକୁ ନେଇଛି । ଅୟାନ ଅହମଦର ମୋବାଇଲ୍ ଫୋନ୍ ଜବତ ହୋଇଥିବା ବେଳେ ମିଳିଛି ଆପତ୍ତିଜନକ ଭିଡିଓ ।

ଦେଖନ୍ତୁ ଏଠାରେ: ବୟସ ମାତ୍ର ୧୯ ବର୍ଷ କିନ୍ତୁ ଟାର୍ଗେଟରେ ଥିଲେ ହିନ୍ଦୁ ଯୁବତୀ, ୧୮୦ ଝିଅଙ୍କ ସହ ଶାରୀରିକ ସମ୍ପର୍କ ରଖିଥିଲେ

ଏହି ମାମଲାରେ ପୋଲିସ ଅୟାନ ଅହମଦ ସହ ଉଜେର ଖାନଙ୍କୁ ଗିରଫ କରିଛି । ଅୟାନ ଅହମଦ ଆଉ କେଉଁ ବନ୍ଧୁ ଓ ଅପରାଧୀ ସିଣ୍ଡିକେଟ୍ ସହ ଭିଡିଓ ସେୟାର୍ କରିଛି ତାର ଖୋଳତାଡ଼ କରୁଛି ସାଇବର ସେଲ୍ । ଏଥିସହ ଉତ୍ତୋଳନ ଭିଡିଓ ଅନଲାଇନ୍‌ରେ ଛଡ଼ା ଯାଇଛି କି ନାହିଁ ପୋଲିସ ଛାନଭିନ୍ କରୁଛି ।