କ୍ଷଣିକ ସୁଖ ପାଇଁ ସମ୍ପର୍କକୁ କଳୁଷିତ କଲା ମଣିଷ । ଭୁଲିଗଲା ସମ୍ପର୍କର ମର୍ଯ୍ୟାଦା । ଆଉ କରି ବସିଲା ଜଘନ୍ୟ କାଣ୍ଡ । ବାରମ୍ଵାର ନାତୁଣୀ ସହ ରଖୁଥିଲା ଅନୈତିକ ସମ୍ପର୍କ । ଘଟଣା ଜଣାପଡ଼ିବା ପରେ ଚାରିଆଡ଼େ ଚହଳ ପଡ଼ିଛି । ଆଉ ଶେଷରେ ବନ୍ଧା ହୋଇଛି ଅଭିଯୁକ୍ତ । ନିଜ ଭିନ୍ନକ୍ଷମ ନାତୁଣୀକୁ ଗର୍ଭବତୀ କରି ବନ୍ଧା ହୋଇଛି ୭୦ ବର୍ଷର ଅଜା । ବଲାଙ୍ଗୀର ଜିଲ୍ଲା ତୁରେକେଲା ଥାନା ଅଞ୍ଚଳରେ ଏହି ଲଜ୍ଜାଜନକ ଘଟଣା ଘଟିଥିବାବେଳେ ଅଜାକୁ ଗିରଫ କରିଛି ପୋଲିସ ।

• ୭ ମାସର ଗର୍ଭବତୀ ଯୁବତୀ

ଜଣେ ୭୦ ବର୍ଷୀୟା ବ୍ୟକ୍ତି ନିଜର ସମ୍ପର୍କୀୟ ଭିନ୍ନକ୍ଷମ ନାତୁଣୀକୁ ଗର୍ଭବତୀ କରି ଗିରଫ ହୋଇଥିବା ସୂଚନା ମିଳିଛି । ପୋଲିସର କହିବା ଅନୁସାରେ, ଅଭିଯୁକ୍ତ ବୃଦ୍ଧ ଜଣକ ନିଜର ୨୭ ବର୍ଷୀୟ ସମ୍ପର୍କୀୟ ଭିନ୍ନକ୍ଷମ ନାତୁଣୀ ସହ ଦୁଷ୍କର୍ମ କରିଛି । ବୃଦ୍ଧ ଜଣକ ପୀଡ଼ିତାଙ୍କୁ ବାରମ୍ବାର ଦୁଷ୍କର୍ମ କରିବା ସହ କାହାକୁ ନ କହିବାକୁ ଧମକ ଦେଇ ଆସୁଥିଲା । ହେଲେ ସ୍ଥାନୀୟ ଲୋକେ ଯୁବତୀଙ୍କ ସ୍ୱାସ୍ଥ୍ୟବସ୍ଥା ଦେଖି ସନ୍ଦେହ କରିଥିଲେ ।

ପଢନ୍ତୁ ଏହି ଖବର: ମାନବିକତାର ସବୁ ସୀମା ପାର; ୪ ବର୍ଷର ଝିଅକୁ ଦୁଷ୍କର୍ମ କଲା ୬୫ ବର୍ଷୀୟ ବୃଦ୍ଧ

ଡାକ୍ତରୀ ପରୀକ୍ଷା କରିବା ପରେ ସେ ୭ ମାସର ଗର୍ଭବତୀ ଥିବା ଜଣାପଡ଼ିଥିଲା। ଏ ନେଇ ତୁରେକେଲା ଥାନାରେ ଲିଖିତ ଅଭିଯୋଗ କରିବା ପରେ ଘଟଣା ସାମ୍ନାକୁ ଆସିଥିଲା । ଏବେ ପୋଲିସ ଅଭିଯୁକ୍ତକୁ ଗିରଫ କରିଥିବା ଜଣାପଡ଼ିଛି । ସ୍ଥାନୀୟ ଲୋକେ ଅଭିଯୁକ୍ତକୁ କଠୋର ଦଣ୍ଡ ଦେବାକୁ ଦାବି କରିଛନ୍ତି ।

• ପୁଣେରେ ଘଟିଛି ସମାନ ଘଟଣା

ଏଠାରେ କହିରଖୁଛୁ କି, ଗତ କିଛି ଦିନ ତଳେ ମହାରାଷ୍ଟ୍ର ପୁଣେରେ ସମାନ ଘଟଣା ଘଟିଥିଲା । ଜଣେ ୪ ବର୍ଷର କୁନିଝିଅ ସହ ଦୁଷ୍କର୍ମ କରିଥିଲା ୬୫ ବର୍ଷୀୟ ବୃଦ୍ଧ । ପୀଡ଼ିତା ୪ ବର୍ଷର ନାବାଳିକା ଜଣକ ଘର ବାହାରେ ଖେଳୁଥିବା ସମୟରେ ବୃଦ୍ଧ ଜଣକ ତାକୁ ଉଠାଇ ନେଇଥିଲା । ଏହାପରେ ତାକୁ ଏକ ଗୁହାଳ ଘରେ ଦୁଷ୍କର୍ମ କରିଥିଲା । କାଳେ ଧରାପଡ଼ିଯିବ ସେଥିଲାଗି କୁନି ଝିଅକୁ ପଥରରେ ଛେଚି ହତ୍ୟା କରିବା ସହ ମୃତଦେହକୁ ଗୋବର ଗଦାରେ ଲୁଚାଇ ରଖିଥିଲା । କୁନିଝିଅଟି ହଠାତ୍ ନିଖୋଜ ହୋଇଯିବା ପରେ ପରିବାର ଲୋକ ତାକୁ ଖୋଜିବା ଆରମ୍ଭ କରିଥିଲେ । ଏହି ସମୟରେ ଗୋବର ଗଦା ଭିତରୁ ତାର ମୃତଦେହକୁ ଉଦ୍ଧାର କରାଯାଇଥିଲା ।