Crime In Odisha / ହାଟରୁ ରେକ୍କି କରି ଆସିଲେ, ଅଧା ବାଟରେ ଗୁଳି କରି ନେଇଗଲେ ସୁନା ଗହଣା ଭର୍ତ୍ତି ବ୍ୟାଗ୍

ଉଦଳା (ମୟୂରଭଞ୍ଜ): ମୁହଁ ଅନ୍ଧାର, ସୂର୍ଯ୍ୟ ଅସ୍ତ ହେଉଥାନ୍ତି । ହାଟରୁ ଫେରୁଥିଲେ ଗହଣା ବ୍ୟବସାୟୀ ହରିଶ ରଣା । ଶାଳଚୁଆ ହାଟରୁ ଅଧ କିଲୋମିଟର ଆସିବା ପରେ ହରିଶଙ୍କ ଠାରୁ ଲୁଟ୍ ହୋଇଛି ସୁନା ରୂପା ଗହଣା ଭର୍ତ୍ତି ବ୍ୟାଗ୍ । ଫାଙ୍କା ଫାୟାରିଂ କରି ଦୁର୍ବୃତ୍ତ ଲୁଟି ନେଇଛନ୍ତି ସୁନା ରୂପା ଗହଣା ।

ଏଥିସହ ପଢ଼ନ୍ତୁ: ଖେଳୁଥିବା ବେଳେ ଭୁଶୁଡ଼ିଲା ଘର କାନ୍ଥ; ଚାପି ହୋଇଗଲେ ୩ ଝିଅ, ଜଣେ ମୃତ

ଗୁରୁବାର ସନ୍ଧ୍ଯାରେ କପ୍ତିପଦା ଥାନା ସୋଲଗଡ଼ିଆ ଛକ ନିକଟରେ ବଡ଼ ଧରଣର ଲୁଟ୍ ହୋଇଛି । ଶାଳଚୁଆ ହାଟରୁ ଗହଣା ବ୍ୟବସାୟୀ ହରିଶ ବେପାର ସାରି ଫେରୁଥିବା ବେଳେ ରେକ୍କି କରି ପିଛା କରିଥିଲେ ୨ ପଲସର୍ ବାଇକ୍‌ରେ ୬ ଜଣ ଦୁର୍ବୃତ୍ତ ।

ଶାଳଚୁଆ ହାଟରୁ ପ୍ରାୟ ଅଧ କିଲୋମିଟର ଆସିବା ପରେ ହଠାତ୍ ୬ ଦୁର୍ବୃତ୍ତ ଗହଣା ବ୍ୟବସାୟୀ ହରିଶଙ୍କ ବାଇକ୍‌କୁ ଅଟକାଇ ୪ ପଟୁ ଘେରି ଯାଇଥିଲେ । ଆକାଶକୁ ଫାଙ୍କା ଗୁଳି ଚାଳନା କରି ଭୟଭୀତ କରାଇଥିଲେ । ଏହାପରେ ଗହଣା ଭର୍ତ୍ତି ବ୍ୟାଗ୍ ଭିଡ଼ି ନେଇ ପଲସର୍ ବାଇକ୍‌ରେ ୬ ଜଣ ଦୁର୍ବୃତ୍ତ ଖସି ପଳାଇଛନ୍ତି ।

ଏଥିସହ ପଢ଼ନ୍ତୁ: ହିନ୍ଦୁ ଝିଅଙ୍କୁ ଫସାଇ ବଳପୂର୍ବକ ବାହା ହେଲେ ସ୍ଵାମୀଙ୍କୁ ମିଳୁଛି ୧୦ ଲକ୍ଷ; ସ୍ତ୍ରୀ ଆଣିଲେ ସଙ୍ଗୀନ ଅଭିଯୋଗ

ବ୍ୟାଗ୍‌ରେ ପ୍ରାୟ ୪ କେଜି ରୂପା ସହ ୬ ସେଟ୍ କାନ ଫୁଲ, ୧୩ଟି ରକେଟ୍‌କୁ ମିଶାଇ ମୋଟ ୫ ଲକ୍ଷ ଟଙ୍କାର ଗହଣା ଥିବା କହିଛନ୍ତି ହରିଶ । ଡକାୟତ ଶରତ କିମ୍ବା ଔପଦା ଆଡ଼କୁ ଲୁଟ୍ ପରେ ଖସି ପଳାଇଥିବା ହରିଶ କହିଛନ୍ତି । ଗହଣା ବ୍ୟାଗ୍ ଲୁଟ୍ ନେଇ ହରିଶ କପ୍ତିପଦା ଥାନାରେ ଏତଲା ଦେଇଛନ୍ତି । ପୋଲିସ ଅଭିଯୋଗ କ୍ରମେ ଛାନ୍‌ଭିନ୍ ଆରମ୍ଭ କରିଛି ।