Delivery Boy Assault / ଡେଲିଭରି ବୟଙ୍କୁ ଫ୍ଲାଟରେ ବନ୍ଦ କରି ମାଡ଼, ଭିଡିଓ ଭାଇରାଲ୍, ଦେଖନ୍ତୁ

ଲକ୍ଷ୍ନୌ: ଡେଲିଭରି ବୟ । ଖୁବ କମ ସମୟରେ ଗ୍ରାହକଙ୍କ ନିକଟରେ ଅର୍ଡର ପହଞ୍ଚାଇବା ପାଇଁ ଆପ୍ରାଣ ଉଦ୍ୟମ କରନ୍ତି । ଯେତେବେଳେ ଟାଣଖରାରେ ଆମେ ଏସି ଭିତରେ ପଶିଥାଉ, ସେତେବେଳେ ଡେଲିଭରି ବୟ ଜଣକ ଟାଣଖରାରେ ସଠିକ୍ ସମୟରେ ଆମ ନିକଟରେ ଖାଦ୍ୟ ପହଞ୍ଚାନ୍ତି । କିନ୍ତୁ ଏଠି ଡେଲିଭର ବୟଙ୍କ ସହ ଅମାନବିକ କାଣ୍ଡ ହୋଇଛି । ଟିକେ ବିଳମ୍ବ ହୋଇଯିବାରୁ ତାଙ୍କୁ ଘରେ ପୂରେଇ ମାଡ଼ ମରାଯାଇଥିବା ଅଭିଯୋଗ ହୋଇଛି ।

ଉତ୍ତର ପ୍ରଦେଶର ମିରଟର ଗଙ୍ଗାସାଗର କଲୋନୀର ଗଙ୍ଗା ହାଇଟ୍ସ ସୋସାଇଟିରୁ ଏହି ଖବର ସାମ୍ନାକୁ ଆସିଛି । ଏହି ଘଟଣାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବା ପରେ ଚାରିଆଡ଼େ ଆଲୋଚନାର ବିଷୟ ପାଲଟିଛି । ଭିଡିଓ ପରେ ଲୋକମାନେ ଡେଲିଭରି କରୁଥିବା କର୍ମଚାରୀଙ୍କ ସୁରକ୍ଷା ଉପରେ ପ୍ରଶ୍ନ ଉଠାଇଛନ୍ତି ।

In UP's Meerut, a delivery agent, who got a bit delayed with the order, was assualted by a resident of Ganga Heights apartment. The man could be seen assaulting the delivery agent immediately after a brief verbal confrontion. The victim was later taken inside the apartment and… pic.twitter.com/MebFmkE9Q8

— Piyush Rai (@Benarasiyaa) August 14, 2026

• ଫ୍ଲାଟରେ ବନ୍ଦ କରି ପିଟିଥିବା ଅଭିଯୋଗ

ରିପୋର୍ଟ ଅନୁସାରେ, ଡେଲିଭରି ବୟ ସୋସାଇଟିର ଏକ ଫ୍ଲାଟରେ ଖାଦ୍ୟ ପହଞ୍ଚାଇବା ପାଇଁ ପହଞ୍ଚିଥିଲେ । ଅଭିଯୋଗ ହୋଇଛି ଯେ ଫ୍ଲାଟ ମାଲିକ ଖାଦ୍ୟ ପହଞ୍ଚାଇବାରେ ବିଳମ୍ବ ହେବାରୁ ଖୁବ ଜୋରରେ ରାଗି ଯାଇଥିଲେ । ବିବାଦ ବଢ଼ିଥିଲା ​​ଏବଂ ଡେଲିଭରି ବୟଙ୍କୁ ଫ୍ଲାଟ ଭିତରେ ବନ୍ଦ କରିଦିଆଯାଇଥିଲା । ଘଟଣା ସମୟରେ ଯୁକ୍ତିତର୍କ ହେବା ପରେ ତାଙ୍କୁ ଆକ୍ରମଣ କରାଯାଇଥିବା ଅଭିଯୋଗ ହୋଇଛି ।

• ୩ ମିନିଟ୍ ପରେ ବାହାରକୁ ଆସିଲେ

ଡେଲିଭରି ବୟ ଜଣକ ପ୍ରାୟ ତିନି ମିନିଟ୍ ପର୍ଯ୍ୟନ୍ତ ଫ୍ଲାଟ ଭିତରେ ରହିଥିଲେ ଏବଂ ଏହାପରେ ସେ ବାହାରକୁ ବାହାରିଥିଲେ । ଏହି ଘଟଣା ସମାଜ ମଧ୍ୟରେ ବ୍ୟାପକ ଆଲୋଚନାର ବିଷୟ ପାଲଟିଛି । ଏକ ଭାଇରାଲ ଭିଡିଓରେ ଫ୍ଲାଟ୍ ବାହାରେ ଡେଲିଭରି ବୟଙ୍କ ସମେତ ଅନ୍ୟମାନଙ୍କୁ ଦେଖାଯାଇଛି । ଏହାପରେ ସମସ୍ତେ ଭିତରକୁ ଯାଉଛନ୍ତି ଓ କିଛି ସମୟ ପରେ ଡେଲିଭରି ବୟ ଜଣକ ବାହାରକୁ ଆସୁଛନ୍ତି ।

"FIR Against Those Who Beat Delivery Boy"

This is the delivery boy Amit, who was locked inside the flat and beaten by the husband and wife for 3 minutes. Amit's only fault was that he had delayed in bringing the items. Over such a minor reason, the husband and wife flew into a… https://t.co/DOcq9hnzZd pic.twitter.com/8oyMTZ4mwO

— Siraj Noorani (@sirajnoorani) August 15, 2026

ପଢନ୍ତୁ ଏହି ଖବର: ପତାକା ଉତ୍ତୋଳନ ପୂର୍ବରୁ ଅଘଟଣ; ଜିଅନ୍ତା ଜଳିଗଲେ ସ୍କୁଲ ଛାତ୍ର

• ପୋଲିସ ନିକଟରେ ଅଭିଯୋଗ

ପୀଡିତ ଡେଲିଭରି ବୟ ଗଙ୍ଗନଗର ପୋଲିସ ଷ୍ଟେସନରେ ଅଭିଯୋଗ କରିଛନ୍ତି । ପୋଲିସ ଡେଲିଭରି ବୟଙ୍କ ବୟାନ ରେକର୍ଡ କରିବା ପରେ ଅଭିଯୋଗକୁ ଭିତ୍ତି କରି ତଦନ୍ତ କରୁଛି । ଅଧିକାରୀମାନେ କହିଛନ୍ତି ଯେ ଅଭିଯୋଗ ଏବଂ ଉପଲବ୍ଧ ପ୍ରମାଣ ଆଧାରରେ ପରବର୍ତ୍ତୀ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ । ଏହି ଘଟଣା ସାମ୍ନାକୁ ଆସିବା ପରେ ଏବେ ଖରାତରାରେ ଲୋକଙ୍କ ଅର୍ଡର ନେଇ ଆସୁଥିବା ଡେଲିଭରି ଏଜେଣ୍ଟଙ୍କ ସୁରକ୍ଷାକୁ ନେଇ ବିତର୍କ ସୃଷ୍ଟି ହୋଇଛି ।