ଚର୍ଚ୍ଚାରେ ନାବାଳକ ଚୋରର ପ୍ରେମ । ଗର୍ଲଫ୍ରେଣ୍ଡ ପାଇଁ କରିଥିଲା ଲୁଟ୍ । ପୁଣି ଲୁଟ୍ ପାଇଁ କାରକୁ ଭଡ଼ାରେ ଆଣିଥିଲା । ଲୁଟ୍ ପାଇଁ ଆସି ନାବାଳକ ପ୍ରେମ ବିଫଳ ହୋଇଥିବାବେଳେ ଧରାପକେଇ ଦେଇଛି ସିସିଟିଭି । ପୋଲିସ ପ୍ରେମ ପାଇଁ ଚୋର ସାଜିଥିବା ନାବାଳକ ଲୁଟେରା ପାଖରେ ପହଞ୍ଚିଥିବାବେଳେ ଗଣମାଧ୍ୟମ ସମ୍ମୁଖରେ ଲୁଟର ପୂରା କାହାଣୀ ବଖାଇଛି । ଯାହାକୁ ନେଇ ଏବେ ଏହି ଲୁଟ୍ ଘଟଣାଟି ଚର୍ଚ୍ଚାର ବିଷୟ ପାଲଟିଛି ।

• ପୋଲିସ କହିଲା ପୂରା କାହାଣୀ

ନାବାଳକ ଲୁଟେରା ଜଣକ ନିଜ ଗର୍ଲଫ୍ରେଣ୍ଡକୁ ମୋବାଇଲ ଉପହାର ଦେବା ପାଇଁ କରିଥିଲା ଲୁଟ ଉଦ୍ୟମ । ତିନି ଜଣ ନାବାଳକ ଗାଡି ଭଡ଼ା କରି ଲୁଟ କରିବାକୁ ଆସିଥିଲେ । ଲୁଟ ଉଦ୍ୟମ ଘଟଣାର ପୂରା କାହାଣୀ କହିଛି ପୋଲିସ । କପ୍ତିପଦା ଥାନା ଅଞ୍ଚଳର ତିନି ଜଣ ନାବାଳକ ତଳିଆ ଅଞ୍ଚଳର ଡ୍ରାଇଭର ଅଜୟ ଦଳେଇକୁ ଦେଢ଼ ହଜାର ଟଙ୍କା ଭଡାରେ ବାଲେଶ୍ୱର ଯିବେ ବୋଲି କହିଥିଲେ । ଏହାପରେ ଡ୍ରାଇଭର ଅଜୟ ତାଙ୍କ ମାଲିକଙ୍କ ଘରୋଇ ଗାଡ଼ିରେ ନାବାଳକଙ୍କୁ ନେଇ ବାହାରିଥିଲେ ।

ଆଉ ଉଦଳା କୃଷକ ବଜାର ନିକଟରେ ସମ୍ପର୍କୀୟଙ୍କ ଘରୁ ଟଙ୍କା ଆଣିବେ କହି ନାବାଳକମାନେ ଓହ୍ଲାଇ ଶାବଳରେ ମୋବାଇଲ ଦୋକାନ ସଟର ଭାଙ୍ଗିବାକୁ ଉଦ୍ୟମ କରିଥିଲେ । ଯାହାର ସିସିଟିଭି ଫୁଟେଜ ସାମ୍ନାକୁ ଆସିବା ପରେ ଖୋଳତାଡ଼ କରିଥିଲା ପୋଲିସ । ସେପଟେ କାର ମାଲିକଙ୍କ କହିବା କଥା ଉକ୍ତ ଗାଡି ସେ ନିଜ ବ୍ୟବହାର ପାଇଁ ରଖିଥିବା ବେଳେ ଡ୍ରାଇଭର ଉକ୍ତ ଦିନ ବିଳମ୍ବ ହେବାରୁ ସାଙ୍ଗରେ ଗାଡି ନେଇଯାଇଥିଲେ ।

ପଢନ୍ତୁ ଏହି ଖବର: ଯୁବକଙ୍କୁ ହାଣିଲେ, ଟଙ୍କା ଓ ମୋବାଇଲ ଲୁଟି ନେଲେ...

ଗାଡି ଡ୍ରାଇଭରଙ୍କ କହିବା କଥା ହେଉଛି ସେ ଲୁଟ ପାଇଁ ଗାଡି ନେବା ବାବଦରେ ଜାଣି ନ ଥିଲେ । କାରଣ ସେ ପୂର୍ବରୁ ଉକ୍ତ ନାବାଳକ ମାନଙ୍କୁ ନେଇ ମାଲିକ ଅଜାଣତରେ ଅନେକ ଥର ଭଡା ଯାଇଥିବା କହିଛନ୍ତି । ଏଣୁ ନାବାଳକମାନେ ଏଥର ଚୋରି ଅର୍ଥରେ ଗାଡ଼ିରେ ଯାଉଥିବା ସେ ଆଦୌ ଜାଣିନଥିବା କହିଛନ୍ତି । ତେବେ ତିନି ଜଣ ନାବାଳକଙ୍କ ମଧ୍ୟରୁ ଜଣେ ନାବାଳକ ନିଜ ଗର୍ଲଫ୍ରେଣ୍ଡକୁ ମୋବାଇଲ ଉପହାର ଦେବା ପାଇଁ ଚୋରି ଉଦ୍ୟମ କରିଥିବା ଜଣାପଡ଼ିଛି । ପ୍ରେମ ପାଇଁ ଲୁଟେରା ସାଜିଥିବା ଏହି ନାବାଳକ ଏବେ ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି ।