Argus News - ନାଇଟ ସିଫ୍ଟର ଚାପ ସହି ନପାରି ୧୦ ରୋଗୀଙ୍କର ଜୀବନ ନେଇଗଲେ ନର୍ସ

ନାଇଟ ସିଫ୍ଟ ଆଉ କାମର ଚାପ ସହି ପାରିଲେନି ନର୍ସ । ରାଗରେ ୧୦ ଜଣ ବୟସ୍କ ରୋଗୀଙ୍କୁ ନିଶା ମେଡିସିନ ଦେଇ ମାରିଦେଲେ । ଯେମିତି ତାଙ୍କୁ ଆଉ ରାତିସାରା ତାଙ୍କର ଦେଖାଶୁଣା କରିବାକୁ ପଡିବନି ।

ଡାକ୍ତର ଏବଂ ନର୍ସଙ୍କୁ ଜୀବନ୍ତ ଭଗବାନ ବୋଲି କୁହାଯାଏ । ସେମାନେ ମୃତ୍ୟୁମୁଖରୁ ମଧ୍ୟ ରୋଗୀଙ୍କୁ ନୂଆ ଜୀବନ ଦେଇଥାନ୍ତି । ହେଲେ ଜର୍ମାନୀର ଏହି ଘଟଣା ଡାକ୍ତର ତଥା ନର୍ସଙ୍କ ଉପରୁ ଭରଷା ଉଠାଇ ଦେଇଛି । ନର୍ସଙ୍କର ଏପରି ୧୦ ଜଣଙ୍କୁ ହତ୍ୟା ଆଉ ୨୭ ଜଣଙ୍କୁ ମଧ୍ୟ ହତ୍ୟା କରିବାକୁ ଚେଷ୍ଟା କରିବା ଘଟଣାରେ ତାଙ୍କୁ ଆଜୀବନ କାରାଦଣ୍ଡ ଶୁଣାଯାଇଛି ।

ଅଧିକ ପଢନ୍ତୁ : ଭଗବାନ ଏମିତି ଦୁଃଖ କାହାକୁ ନଦିଅନ୍ତୁ

ତେବେ ନର୍ସଙ୍କ ପରିଚୟ ସାର୍ବଜନୀନ କରାଯାଇନାହିଁ । ଅଭିଯୁକ୍ତ ନର୍ସ ଜଣକ ଏହି ହତ୍ୟା ଡିସେମ୍ବର ୨୦୨୩ ମେ ରୁ ୨୦୨୪ ଯାଏଁ ଜର୍ମାନୀର ଏକ ହସ୍ପିଟାଲରେ କରିଥିଲେ। ୪୪ବର୍ଷୀୟ ନର୍ସ ଜଣକ ନାଇଟ ଡ୍ୟୁଟିରେ କାମ ଚାପରେ ଥିଲେ । ଆଉ କାମ କମ କରିବା ପାଇଁ ସେଠାରେ ଥିବା ବୟସ୍କ ରୋଗୀମାନଙ୍କୁ ମର୍ଫିନ ଏବଂ ସେଡେଟିଭ୍ ଅତ୍ୟଧିକ ପରିମାଣରେ ଖାଇବାକୁ ଦେଇଥିଲେ । ଯାହାଦ୍ଵାରା ସେମାନେ ଶୋଇଯିବେ, ଆଉ ତାଙ୍କୁ ରାତିସାରା କାମ କରିବାକୁ ପଡିବ ନାହିଁ । ଏହି ଘଟଣା ପରେ ଯେତେବେଳେ ସେ ରୋଗୀମାନଙ୍କ ସ୍ଵାସ୍ଥ୍ୟ ବିଗିଡିବାରେ ଲାଗିଥିଲା, ସେତେବେଳେ ଅନ୍ୟ କର୍ମଚାରୀ ମାନେ ସନ୍ଦେହ କରିଥିଲେ । ଏହାପରେ ଘଟଣାର ତଦନ୍ତ କରାଯାଇ ସେହି ନର୍ସଙ୍କୁ ଗିରଫ କରାଯାଇଥିଲା ।

ଅଧିକ ପଢନ୍ତୁ : ଅନ୍ଧବିଶ୍ୱାସ ! ଗୁଣିଆକୁ ଭରସା କରି ଚାଲିଗଲା ପୁଅର ଜୀବନ

ନର୍ସ ୨୦୨୦ରେ ଏହି ହସ୍ପିଟାଲରେ ନର୍ସ ଭାବେ କାମ ଆରମ୍ଭ କରିଥିଲେ । ଆଉ ଏହି ଘଟଣା ପାଇଁ ତାଙ୍କୁ ୨୦୨୪ରେ ଗିରଫ କରାଯାଇଛି । ବର୍ତ୍ତମାନ ମଧ୍ୟ ଅନ୍ୟ ରୋଗୀମାନଙ୍କ ନେଇ ଅଧିକ ତଦନ୍ତ ଜାରି ରହିଛି । ଆଉ ଅଭିଯୁକ୍ତ ନର୍ସଙ୍କୁ ଏହି ଅପରାଧିକ ମାମଲା ନେଇ ଆଜୀବନ କାରାଦଣ୍ଡ ଶୁଣାଯାଇଛି । ସେହି କିଲର ନର୍ସକୁ ନେଇ କୋର୍ଟ କହିଛନ୍ତି, ତାଙ୍କର ଅପରାଧ ପାଇଁ ୧୫ ବର୍ଷର ସଜ୍ଜା ନୁହେଁ, ସାରା ଜୀବନ କାରାଦଣ୍ଡ ଭୋଗିବାକୁ ପଡିବ । 

ତେବେ ପୂର୍ବରୁ ୨୦୨୯ରେ ନିଲ୍ସ ହୋଗେଲେ ଦୁଇଟି ହସ୍ପିଟାଲରେ ୮୫ ଜଣ ରୋଗୀଙ୍କୁ ହତ୍ୟା କରି ଆଜୀବନ କାରାଦଣ୍ଡ ଭୋଗିଥିଲେ । ହୋଗେଲ ଜର୍ମାନୀର ଆଧୁନିକ ଇତିହାସରେ ସବୁଠାରୁ ଘାତକ ସିରିଆଲ୍ କିଲର୍ ମଧ୍ୟରୁ ଜଣେ।