Vigilance Raid / ଗାଡ଼ି, କୋଠା ସାଙ୍ଗକୁ ବାବୁଙ୍କ ଘରେ ବିଡ଼ା ବିଡ଼ା ଟଙ୍କା; ଭିଜିଲାନ୍ସ ଜାଲରେ VIMSAR ଅଧିକାରୀ

ବାବୁଙ୍କ ଘରୁ ବିଡ଼ା ବିଡ଼ା ଟଙ୍କା ସାଙ୍ଗକୁ ସୁନା, ରୂପା ଅଳଙ୍କାର ଜବତ । ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ବୁର୍ଲା ଭୀମସାରର ଏଷ୍ଟାବ୍ଲିସମେଣ୍ଟ ଅଫିସର ଧନୁର୍ଦ୍ଧର ବିଶ୍ୱାଳଙ୍କ ୪ଟି ଠିକଣାରେ ଭିଜିଲାନ୍ସ ରେଡ୍ । ସମ୍ବଲପୁର ଧନକଉଡ଼ା ସ୍ଥିତ ଘରୁ ରେଡ୍ ବେଳେ ବିଡ଼ା ବିଡ଼ା ଟଙ୍କା ସାଙ୍ଗକୁ ଅନ୍ୟ ସାମଗ୍ରୀ ଜବତ ହୋଇଛି । ସମ୍ବଲପୁରର ଧନକଉଡ଼ା ସ୍ଥିତ ଦୁଇ ମହଲା ବିଶିଷ୍ଟ ଆବାସିକ ବାସଭବନ, ସମ୍ବଲପୁରର ଗୁଡେସିଙ୍ଗା ସ୍ଥିତ ଏକ କୋଠା ଘର, ବୁର୍ଲା ଭିମସାରର ମେଡିକାଲ ଷ୍ଟାଫ୍ କଲୋନୀରେ ଥିବା ସରକାରୀ ବାସଭବନ, ସମ୍ବଲପୁର ବୁର୍ଲା ଭିମସାରର ସୁପରିଣ୍ଟେଣ୍ଡେଣ୍ଟ କାର୍ଯ୍ୟାଳୟ ପରିସରରେ ଥିବା ଅଫିସ୍ ପ୍ରକୋଷ୍ଠରେ ରେଡ୍ ଚାଲିଛି ।

ବୁର୍ଲା ଭିମସାର ୨ ଅଧିକାରୀ ଘରେ ଭିଜିଲାନ୍ସ ବିଭାଗର ବଡ ଧରଣ ଚଢାଉ । ଏଷ୍ଟାବ୍ଲିଶମେଣ୍ଟ ଅଫିସର ଧନୁର୍ଦ୍ଧର ବିଶ୍ବାଳଙ୍କ ଧନକାଉଡା ସ୍ଥିତ ଘରେ ଚଢାଉ ବେଳେ ବାବୁଙ୍କ ଘରେ ଆଲମାରିରୁ ବିଡାବିଡା ନୂଆ ନୂଆ ୫୦୦, ୨୦୦ର ସିଲ୍ ଥିବା ନୋଟ ବାହାରିଛି । ପାଖାପାଖି ୨୦ ଲକ୍ଷରୁ ଊର୍ଦ୍ଧ୍ଵ ନଗଦ ଟଙ୍କା ବାହାରିଛି । ରୁପା ଓ ସୁନାର ଅଲଙ୍କାର ମଧ୍ୟ ଜବତ କରିଛି ଭିଜିଲାନ୍ସ । ଅନେକ ଗୁଡିଏ ପ୍ଲଟ ଓ ଘର ମଧ୍ୟ ଭିଜିଲାନ୍ସ ଠାବ କରିଥିବା ଜଣାପଡିଛି ।

ଏହା ସହ ଆହୁରି ଭିମାସର ଅଫିସ, ସରକାରୀ କ୍ବାଟର, ତୁମେସିଂଘା ଘରେ ମଧ୍ୟ ମାରାଥନ ଚଢାଉ ଚାଲିଛି । ସେହିପରି ଭିମାସର ଷ୍ଟିଓ୍ବାର୍ଡ ଅଶ୍ବିନୀ ମେହେର ଙ୍କ ଘରେ ମଧ୍ୟ ଚଢାଉ ଚାଲିଛି । ବୁର୍ଲା ସରକାରୀ ଘରେ, ଅଫିସ, ସୌରଭ ବିହାର ଚାରି ମହଲା ଘରେ, ବରଗଡ ଗୋବିନ୍ଦପାଲିରେ ମଧ୍ୟ ଚଢାଉ ଚାଲିଛି । ଉଭୟ ଭୀମାସର ଅଧିକାରୀ ବିରୋଧରେ ଆୟ ବହିଭୁତ୍ତ ସମ୍ପତ୍ତି ଠୂଲ ଅଭିଯୋଗରେ ସ୍ବତନ୍ତ୍ର ଭିଜିଲାନ୍ସ କୋଟର ନିଦ୍ଦେଶରେ ଚଢାଉ କରାଯାଇଛି ।

• ଭିମସାର ଷ୍ଟିୱାର୍ଡଙ୍କ ଘରେ ବି ରେଡ୍

ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ବୁର୍ଲା ଭିମସାରର ଷ୍ଟିୱାର୍ଡ ଅଶ୍ୱିନୀ ମେହେରଙ୍କ ଘରେ ମଧ୍ୟ ଚଢାଉ ହୋଇଛି । ଅଶ୍ଵିନୀଙ୍କ ୫ଟି ସ୍ଥାନରେ ଭିଜିଲାନ୍ସ ରେଡ୍ ହୋଇଛି । ଭିମସାର ସୁପରିଣ୍ଟେଣ୍ଡେଣ୍ଟ କାର୍ଯ୍ୟାଳୟର ଷ୍ଟିୱାର୍ଡ ଅଶ୍ୱିନୀ ମେହେରଙ୍କ ବିରୋଧରେ ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଏହି ଚଢ଼ାଉ କରାଯାଇଛି । ସମ୍ବଲପୁର ସ୍ପେଶାଲ ଜଜ୍ ଭିଜିଲାନ୍ସ ଙ୍କ ଦ୍ୱାରା ଜାରି କରାଯାଇଥିବା ସର୍ଚ୍ଚ ୱାରେଣ୍ଟ ବଳରେ ୫ ଜଣ ଡିଏସପି, ୫ ଜଣ ଇନ୍ସପେକ୍ଟର, ୩ ଜଣ ଏଏସଆଇ ଏବଂ ଅନ୍ୟାନ୍ୟ ସହଯୋଗୀ କର୍ମଚାରୀଙ୍କ ନେତୃତ୍ୱରେ ସମ୍ବଲପୁର ଏବଂ ବରଗଡ଼ ଜିଲ୍ଲାର ୫ଟି ସ୍ଥାନରେ ଚଢ଼ାଉ ଜାରି ରହିଛି ।

ପଢନ୍ତୁ ଏହି ଖବର: ଭିଜିଲାନ୍ସ ଜାଲରେ ପଶୁଧନ ନିରୀକ୍ଷକ, ୮୦ ହଜାର ଟଙ୍କା ଲାଞ୍ଚ ନେଉଥିବା ବେଳେ ମାଡ଼ିବସିଲା ଭିଜିଲାନ୍ସ

• ୫ଟି ସ୍ଥାନରେ ରେଡ୍ କରୁଛି ଭିଜିଲାନ୍ସ

ସମ୍ବଲପୁର ବୁର୍ଲା ଭିମସାରର ମେଡିକାଲ ଷ୍ଟାଫ୍ କଲୋନୀରେ ଥିବା ସରକାରୀ ବାସଭବନ, ସମ୍ବଲପୁର ବୁର୍ଲାର ସୌରଭ ବିହାର ସ୍ଥିତ ଏକ ନିର୍ମାଣାଧୀନ ଚାରି ମହଲା କୋଠା ଘର, ବୁର୍ଲାର ପଠାନବନ୍ଧ ସ୍ଥିତ ଏକ କୋଠା ଘର, ବରଗଡ଼ ଜିଲ୍ଲା ଗୋବିନ୍ଦପାଲି ସ୍ଥିତ ଏକ କୋଠା ଘର, ସମ୍ବଲପୁର ବୁର୍ଲା ଭିମସାରର ସୁପରିଣ୍ଟେଣ୍ଡେଣ୍ଟ କାର୍ଯ୍ୟାଳୟ ପରିସରରେ ଥିବା ଅଫିସ୍ ପ୍ରକୋଷ୍ଠରେ ରେଡ୍ ଚାଲିଛି ।