Son Killed Mother / ରୋଷେଇ ଘର ସ୍ଲାବ ତଳେ ମାଆର ଶବ; ହତ୍ୟା କରି ପ୍ଲାଷ୍ଟର କରିଦେଲା ପୁଅ

ପୁରୀ: କଥାରେ ଅଛି ମାଆ ଅଛି ଯାହାର ସାହା ଅଛି ତାହାର । ଏହି ସ୍ଵାର୍ଥପର ଦୁନିଆରେ ମାଆ ଯିଏ ନିଜ ପିଲାଙ୍କୁ ଛାତି ଚିରି ଭଲ ପାଏ, ସବୁ ବିପଦ ଆପଦରୁ ରକ୍ଷା କରେ । ନିଜେ ନ ଖାଇ ପିଲାର ପେଟ ପୂରାଏ । ପାଖରେ ମାଆ ଥାଉ କି ନଥାଉ, ମାଆ କଣ ଜଣେ ଭଲ ଭାବେ ବୁଝେ । ହେଲେ ଏଠି ଯେଉଁ ଘଟଣା ଘଟିଛି, ତାହା ସମାଜକୁ ଚକିତ କରିଛି । ମାଆଛୁଆର ସମ୍ପର୍କକୁ ମାଟିରେ ମିଶାଇଛି ଅଯୋଗ୍ୟ ପୁଅ । ମାଆକୁ ହତ୍ୟା କରି ପ୍ଲାଷ୍ଟର କରି ଶେଷରେ ପୁଅ ଫେରାର ମାରିଛି ।

ପୁରୀ କୁମ୍ଭାରପଡ଼ାରେ ଏହି ଘଟଣା ଏବେ ହଇଚଇ ସୃଷ୍ଟି କରିଛି । ଭଡ଼ାଘରର ରୋଷେଇ ଘରର ସ୍ଲାବ ତଳେ ଶବ ପୋତି ଦେଇଥିବା ଘର ମାଲିକ ସନ୍ଦେହ କରିଛନ୍ତି । କାରଣ ସେହି ଭଡ଼ା ଘରୁ ଦୁର୍ଗନ୍ଧ ବାହାରୁଛି । ପୂରା ପରିବେଶ ଦୁର୍ଗନ୍ଧରେ ଅଣନିଶ୍ଵାସୀ ହୋଇଯାଇଛି । ଗତ କିଛି ଦିନ ଧରି ଘରେ କେହି ଜଣେ ଦେଖାଯାଉନାହାନ୍ତି । ମହିଳାଙ୍କର ଦେଖା ମିଳୁନଥିବାବେଳେ ପୁଅ ଫେରାର ମାରିଥିବା ସେ ସନ୍ଦେହ କରିଛନ୍ତି ।

• ୨ ମାସ ତଳେ ଭଡ଼ା ନେଇଥିଲେ

ତେବେ ଘର ମାଲିକ ମନୋରମା ସାହୁଙ୍କ ସୂଚନା ଅନୁଯାୟୀ, ଗତ ଦୁଇ ମାସ ତଳେ ଜଣେ ମାଆ ଏବଂ ପୁଅ ଆସି ତାଙ୍କ ଘରେ ଭଡ଼ାରେ ରହିଥିଲେ । ଗତକାଲିଠାରୁ ପୁଅ ଫେରାର ମାରିଥିବା ବେଳେ ମାଆଙ୍କର ପତ୍ତା ନାହିଁ । ତେବେ ସେ ଭଡ଼ା ରହୁଥିବା ରୋଷେଇ ଘରୁ ପ୍ରବଳ ଗନ୍ଧ ଆସିବାରୁ ସନ୍ଦେହ ହୋଇଥିଲା । ରୋଷେଇ ଘର ସ୍ଲାବ ତଳେ ମହିଳାଙ୍କ ଶବକୁ ପ୍ଲାଷ୍ଟର କରିଦେଇଥିବା ସନ୍ଦେହ କରି ପୋଲିସକୁ ଖବର ଦେଇଥିଲେ । ତେବେ ଚଟାଣରେ ଶବର ପାଣି ଭାସୁଥିବା ବେଳେ ସେଥିରୁ ଦୁର୍ଗନ୍ଧ ବାହାରୁଛି । ମୃତ ଶରୀରଟି ପଚି ଯାଇଥିବା ସନ୍ଦେହ କରାଯାଉଛି ।

ପଢନ୍ତୁ ଏହି ଖବର: ଏମିତି ବି ଏକ ସମ୍ପର୍କ...ଭାଇ ଭାବି ଘରେ ଆଣି ରଖିଥିଲେ; ସାଜିଲା ପତ୍ନୀର ପ୍ରେମିକ

ଖବର ପାଇଁ ପୋଲିସ ତୁରନ୍ତ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ଭଡ଼ା ଘର ବାହାରେ ସ୍ଥାନୀୟ ଲୋକ ଭିଡ଼ ଜମାଇଛନ୍ତି । ସମସ୍ତଙ୍କୁ ଗୋଟିଏ ଜିନିଷ ଆଶ୍ଚର୍ଯ୍ୟ କରିଛି ଏମିତି କଣ ଘଟିଲା ଯେ ପୁଅ ନିଜ ମାଆର ହତ୍ୟାକାରୀ ସାଜିଲା ? ଯଦି ଘରେ ମାରିଲା ତେବେ କେହି କେମିତି ଜାଣିପାରିଲେ ନାହିଁ ? ସେମାନଙ୍କ ମଧ୍ୟରେ କିଛି ବିବାଦ ଥିଲା କି ? ଏସବୁ ଦିଗକୁ ପୋଲିସ ତଦନ୍ତ ପରିସରଭୁକ୍ତ କରିବ । ଦିନେ ଯେଉଁଠି ମାଆ ଅତି ସ୍ନେହରେ ପୁଅ ପାଇଁ ତାର ମନ ପସନ୍ଦର ଖାଦ୍ୟ ରୋଷେଇ କରୁଥିଲେ, ଠିକ୍ ସେଇଠି ମାଆର ଶବକୁ ପୋତିଛି ପୁଅ । ଯେଉଁ ରୋଷେଇ ଶାଳ ଦିନେ ମାଆର ହାତରନ୍ଧା ଖାଦ୍ୟରେ ମହକୁଥିଲା, ଆଜି ସେଇ ସ୍ଥାନ ମାଆର ପଚିଯାଇଥିବା ମୃତଦେହର ଦୁର୍ଗନ୍ଧରେ ଫାଟି ପଡୁଛି ।