Encounter / ରେଙ୍ଗାଲିରେ କଫ୍ ସିରପ ବେପାରୀ-ପୋଲିସ ମୁହାଁମୁହିଁ, ଏନକାଉଣ୍ଟରରେ ନିଶା ମାଫିଆ ଘାଇଲା

ସମ୍ବଲପୁର: ଗର୍ଜିଲା ପୋଲିସ ବନ୍ଧୁକ । ଘାଇଲା ହେଲ କଫ୍ ସିରପ ବେପାରୀ । ରେଙ୍ଗାଲି ଥାନା ପୋଲିସ ଏନ୍‌କାଉଣ୍ଟରରେ କଫ୍ ସିରପ ବେପାରୀ ପ୍ରୀତମ ବିଶ୍ଵାଳ ଗୁରୁତର ଆହତ ହୋଇଛି । ପ୍ରୀତମକୁ ଗୁରୁତର ଅବସ୍ଥାରେ ରେଙ୍ଗାଲି ମେଡିକାଲ୍‌ରେ ଭର୍ତ୍ତି କରାଯାଇଛି ।

ମିଳିଥିବା ସୂଚନା ଅନୁସାରେ, ପୋଲିସର ଯାଞ୍ଚ ବେଳେ ଏହି ଏନ୍‌କାଉଣ୍ଟର ହୋଇଛି । ଜଙ୍ଗଲା-ପାଣ୍ଡୋଲୋଇ ଜଙ୍ଗଲରେ ଏହି ଏନ୍‌କାଉଣ୍ଟର ହୋଇଛି । ୨ଟି କାର୍‌ରେ କଫ୍ ସିରପ୍ ଚାଲାଣ ହେଉଥିଲା ।

ପୋଲିସର ଯାଞ୍ଚ ବେଳେ ଗୋଟିଏ ଗାଡ଼ିରୁ ୨୦ଟି କାର୍ଟୁନ୍ କଫ୍ ସିରପ ମିଳିଥିଲା । ଦ୍ଵିତୀୟ ଗାଡ଼ିରେ ୪ କାର୍ଟୁନ୍ କଫ୍ ସିରପ ମିଳିବା ପରେ ଗାଡ଼ିରେ ଥିବା ଅଭିଯୁକ୍ତ ପ୍ରୀତମ ବିଶ୍ଵାଳ ପ୍ରଥମେ ପୋଲିସ ଉପରକୁ ରାଉଣ୍ଡ ଗୁଳି ଚାଳନା କରିଥିଲା । ପ୍ରଥମେ ଅଭିଯୁକ୍ତ ପ୍ରୀତମକୁ ରେଙ୍ଗାଲି ପରେ ବୁର୍ଲା ମେଡିକାଲ୍ ସ୍ଥାନାନ୍ତର କରାଯାଇଛି ।

ଏଥିସହ ପଢ଼ନ୍ତୁ: ସହକର୍ମୀଙ୍କୁ ଯୌନ ଶୋଷଣ ଘଟଣା; ଜେଲର ୪ କାନ୍ଥ ଭିତରେ କଟିଲା ବାବୁଙ୍କ ରାତି 

ଅଭିଯୁକ୍ତ ଠାରୁ ପୋଲିସ ଗୋଟିଏ ୯ ଏମ୍ ଏମ୍‌ର ପିସ୍ତଲ ସହ ୭ଟି ଗୁଳି ଜବତ କରାଯାଇଛି । ୨ଟି କାରରୁ୨୪ ପେଟି କଫ୍ ସିରପ ଜବତ କରାଯାଇଛି । ପାର୍ବଣ ପୂର୍ବରୁ ନମ୍ବର ବିହୀନ ଗାଡ଼ିରେ ନିଶା ମାଫିଆ କଫ୍ ସିରପ ସମ୍ବଲପୁର ଜିଲ୍ଲାକୁ ଚାଲାଣ ବେଳେ ପୋଲିସକୁ ସଫଳତା ମିଳିଛି ।

୮ ଦିନରେ ଦ୍ଵିତୀୟ ଏନ୍‌କାଉଣ୍ଟର

ମାତ୍ର ୮ ଦିନ ଭିତରେ ସମ୍ବଲପୁର ଜିଲ୍ଲାରେ ଦ୍ଵିତୀୟ ଏନ୍‌କାଉଣ୍ଟର କରିଛି ପୋଲିସ । ସେପ୍ଟେମ୍ବର ୧୩ ତାରିଖରେ ସମ୍ବଲପୁର ସଦର ଥାନା ଅଞ୍ଚଳରେ ଏନ୍‌କାଉଣ୍ଟର ହୋଇଥଲା । ସୁନାପାଲି ଅଞ୍ଚଳର କୁଖ୍ୟାତ ଅପରାଧୀ ମହମ୍ମଦ ଇରଫାନକୁ ଏନ୍‌କାଉଣ୍ଟର କରିଥିଲା ପୋଲିସ ।

ମହମ୍ମଦର ବାମ ଗୋଡ଼ରେ ଗୁଳି ବାଜିଥିଲା । ତାକର ଦୁଇ ଜଣ ସହଯୋଗୀଙ୍କୁ ପୋଲିସ କାବୁ କରିଥିଲା । କେନାଲ ରୋଡ୍ ସ୍ଥିତ ସୁଦୁଙ୍ଗା ଜଙ୍ଗଲ ନିକଟରେ ସଦର ପୋଲିସର ଯାଞ୍ଚ ବେଳେ ଏକ କଳା ରଙ୍ଗର ବଜାଜ ପଲସରରେ ଇରଫାନ ଓ ତାର ୨ ସହଯୋଗୀ ଯାଉଥିଲେ ।

ଏଥିସହ ପଢ଼ନ୍ତୁ: କ୍ରାଇମବ୍ରାଞ୍ଚ STF ହାତରେ ବଡ଼ ସୁରାକ୍; ପଶ୍ଚିମବଙ୍ଗ ପରେ ବିହାରରେ ରେଡ୍ 

ସେହି ସମୟରେ ପୋଲିସକୁ ଦେଖି ଇରଫାନ ୩ ରାଉଣ୍ଡ ଗୁଳିଚାଳନା କରି ଖସି ପଳାଇବାକୁ ଉଦ୍ୟମ କରିଥିଲା । ପୋଲିସ ଆତ୍ମରକ୍ଷା ପାଇଁ ପାଲଟା ୨ ରାଉଣ୍ଡ ଗୁଳି ଚଳାଇବାରୁ ଇରଫାନର ବାମ ଗୋଡ଼ରେ ବାଜିଥିଲା ।

ଅଭିଯୁକ୍ତଙ୍କ ଠାରୁ ଗୋଟିଏ ପିସ୍ତଲ ସହ ଗୁଳି, ୩ଟ ଖୋକା ଓ ବାଇକ୍ ଜବତ କରାଯାଇଥିଲା । ଇରଫାନ ପୁର୍ବରୁ ଡକାୟତି, ଛିନତାଇ, ଆଲୁମିନିୟମ ତାର ଚୋରି, ଚୋରା ନିଶା ଦ୍ରବ୍ୟ କାରବାର ଭଳି ୨୪ରୁ ଅଧିକ ସଙ୍ଗୀନ ଅପରାଧିକ ମାମଲାରେ ସମ୍ପୃକ୍ତ ଥିବା ପୋଲିସ ସୂଚନା ଦେଇଛି ।