Crime In India / ପ୍ରଥମେ ୧୨ ବର୍ଷର ଝିଅକୁ ମାରିଦେଲା ମାଆ, ପରେ ହାରିଦେଲେ ନିଜ ଜୀବନ
Key Points
ନିଜେ ଅବସାଦରେ ରହୁଥିବା ମାଆ ଶେଷରେ ଝିଅକୁ ମାରି ଦେଇଛି । ସ୍ଵାମୀ ଘରେ ନଥିବା ବେଳେ ନିଜ ହାତରେ ସଂସାର ଉଜାଡ଼ି ଦେଇଛି । ୧୨ ବର୍ଷର ଝିଅକୁ ହତ୍ୟା ପରେ ନିଜେ ଆତ୍ମହତ୍ୟା କରିଛି ମାଆ ।
ବେଙ୍ଗାଳୁରୁ: ଅସ୍ତବ୍ୟସ୍ତ କରୁଥିଲା ମାନସିକ ଅବସାଦ । ନିଜେ ଅବସାଦରେ ରହୁଥିବା ମାଆ ଶେଷରେ ଝିଅକୁ ମାରି ଦେଇଛି । ସ୍ଵାମୀ ଘରେ ନଥିବା ବେଳେ ନିଜ ହାତରେ ସଂସାର ଉଜାଡ଼ି ଦେଇଛି । ୧୨ ବର୍ଷର ଝିଅକୁ ହତ୍ୟା ପରେ ନିଜେ ଆତ୍ମହତ୍ୟା କରିଛି ମାଆ । ଏ ଅଘଟଣ ଘଟିଛି କର୍ଣ୍ଣାଟକର ଶିବମୋଗାରେ । ସରକାରୀ ଡାକ୍ତରଖାନାର ନର୍ସ କ୍ଵାର୍ଟରରୁ ଦୁଇ ଦୁଇଟି ମୃତଦେହ ମିଳିଛି ।
ମିଳିଥିବା ସୂଚନା ଅନୁସାରେ, ମହିଳଙ୍କ ସ୍ଵାମୀ ମେଡିକାଲ୍ରେ ଲ୍ୟାବ ଟେକ୍ନିସିଆନ୍ ଭାବେ କାମ କରନ୍ତି । ନାଇଟ୍ ସିଫ୍ଟରେ ସ୍ଵାମୀ ମେଡିକାଲ୍ ଯିବା ପରେ ମହିଳା ପ୍ରଥମେ ୧୨ ବର୍ଷର ଝିଅକୁ ହତ୍ୟା କରିଥିଲେ । ପରେ ଝିଅର ମୃତଦେହ ପାଖରେ ନିଜେ ଝୁଲିପଡ଼ି ଜୀବନ ହାରିଛନ୍ତି ।
ଏଥିସହ ପଢ଼ନ୍ତୁ: ବାରଣ୍ଡାରେ ଶୋଇଥିବା ବେଳେ ଦଶହରା ରାତିରେ ଆସି କୁରାଢ଼ିରେ ହାଣିଦେଲା ପଡ଼ୋଶୀ
📱 Get Argus News App
✨
ମେଡିକାଲ୍ରୁ ସକାଳେ ସ୍ଵାମୀ ଫେରିବା ପରେ କବାଟ ବାଡ଼େଇଥିଲେ । ହେଲେ ଘର କବାଟ ଖୋଲି ନଥିଲେ ପତ୍ନୀ । ପରେ ପଡ଼ୋଶୀଙ୍କ ସହାୟତାରେ ସ୍ଵାମୀ ଘରର କବାଟ ଭାଙ୍ଗିଥିଲେ । ହେଲେ ସେତେବେଳକୁ ଆଉ କିଛି ନଥିଲା । ଝିଅର ଶବ ତଳେ ପଡ଼ିଥିବା ବେଳେ ଝୁଲୁଥିଲା ସ୍ତ୍ରୀର ମୃତଦେହ । ଯାହାକୁ ଦେଖି ସମସ୍ତେ ହୋଇ ଯାଇଥିଲେ ସ୍ତବ୍ଧ ଓ ବିବ୍ରତ ।
ଏଥିସହ ପଢ଼ନ୍ତୁ: ଆଙ୍ଗୁଠି କାଟିଦେଲେ, ଛୁରୀରେ ଭୁସିଲେ, ନାବାଳକ ପୁଅ ସାମ୍ନାରେ ବାପାକୁ ନିର୍ମମ ହତ୍ୟା
୧୨ ଝିଅ ପୂର୍ବିକା ମୁଣ୍ଡ ଫାଟି ଘର ରକ୍ତାକ୍ତ ହୋଇ ପଡ଼ିଥିଲା । ମହିଳାଙ୍କ ଶରୀର ଝୁଲୁଥିଲା । ପୋଲିସ ପହଞ୍ଚି ମୃତଦେହ ଜବତ କରିବା ସହ ବ୍ୟବଚ୍ଛେଦ ଲାଗି ପଠାଇଛି । ପୋଲିସର ପ୍ରାଥମିକ ତଦନ୍ତରୁ ଜଣାପଡ଼ିଛି, ମହିଳା ଜଣଙ୍କ ମାନସିକ ଅବସାଦରେ ଥିଲେ । ଘଟଣାକୁ ନେଇ ପୋଲିସ ଏକ ହତ୍ୟା ସହ ଆତ୍ମହତ୍ୟା ମାମଲା ରୁଜୁ କରିଛି । ଏ ଘଟଣାର ଅନ୍ୟ ସମ୍ଭାବ୍ୟ ଦିଗ ଉପରେ ତଦନ୍ତ କରୁଛି ପୋଲିସ ।
Related Topics
Explore more stories