ନୂଆଦିଲ୍ଲୀ: ସ୍ଵାମୀ, ସ୍ତ୍ରୀ ପବିତ୍ର ବନ୍ଧନ । ଯେଉଁ ବନ୍ଧନରେ ଆବଦ୍ଧ ହେବା ପରେ ମନ ମିଶେ, ଜଣେ ଆଉ ଜଣଙ୍କ ପାଇଁ ବଞ୍ଚେ । ହେଲେ ଆପଣ କ'ଣ କେବେ ଶୁଣିଛନ୍ତି କେହି ତାର ସ୍ତ୍ରୀକୁ ୧୦୦ରୁ ଅଧିକଥର ବିକ୍ରି କରିଦେବା ? ଏହା ଶୁଣିବାକୁ ଖରାପ ଲାଗୁଛି । ହେଲେ ଏଭଳି ମାମଲା ଦେଖିବାକୁ ମିଳିଛି ସ୍ଵିଡେନ୍‌ରେ ।

ଟଙ୍କା ପାଇଁ ଏତେ ତଳକୁ...

ସ୍ଵିଡେନ୍‌ରେ ସୋମବାର ଜଣେ ବ୍ୟକ୍ତିଙ୍କ ଉପରେ ବେଶ୍ୟାବୃତ୍ତି, ଏକାଧିକ ଥର ଦୁଷ୍କର୍ମ ଓ ମାଡ଼ ମାରିବା ଭଳି ଗମ୍ଭୀର ଅଭିଯୋଗ ଆସିଛି । ଏତିକି ନୁହେଁ, ଅଭିଯୁକ୍ତ ଜଣଙ୍କ ତାଙ୍କ ପତ୍ନୀଙ୍କ ସରଳତାର ଲାଭ ଉଠାଇ ଶୋଷଣ କରିଛନ୍ତି । ଟଙ୍କା ଆୟ ଲୋଭରେ ସ୍ତ୍ରୀକୁ ୧୨୦ ଜଣ ପରପୁରୁଷକୁ ବିକ୍ରି ସହ ଯୌନ ସମ୍ପର୍କ ରଖିବାକୁ ବାଧ୍ୟ କରିଛି ପିଶାଚ ସ୍ଵାମୀ ।

ଏଥିସହ ପଢ଼ନ୍ତୁ: ସହିପାରିଲେନି ସ୍ଵାମୀଙ୍କ ମୃତ୍ୟୁ ଦୁଃଖ; ୧୭ ମହଲାରୁ ଡେଇଁଲେ ମହିଳା

ନ୍ୟୁଜ୍ ଏଜେନ୍ସି ଏଏଫପି ଅନୁସାରେ, ଏହି ମାମଲାକୁ ନେଇ ସମଗ୍ର ସ୍ଵିଡେନ୍ ସ୍ତବ୍ଧ ହୋଇ ଯାଇଛି । ଏବେ ଏହି ମାମଲାର ତୁଳନା ଫ୍ରାନ୍ସର ମହିଳା ଗିଜେଲ ପେଲିକାଣ୍ଟଙ୍କ ସହ କରାଯାଉଛି । ଗିଜେଲଙ୍କ ସ୍ଵାମୀ ଡୋମିନିକ ପେଲିକାଣ୍ଟଙ୍କୁ ୨୦୨୪ରେ ୨୦ ବର୍ଷ ଜେଲ୍ ଦଣ୍ଡ ହୋଇଥିଲା । ସେ ମାନିଥିଲେ ଯେ, ନିଜ ସ୍ତ୍ରୀକୁ ବାରମ୍ବାର ନିଶା ଔଷଧ ଦେଇ ଅଚେତ୍ କରିଥିଲା । ଏହାପରେ ଏକାଧିକ ପୁରୁଷ ସହ ସମ୍ପର୍କ ରଖିବାକୁ ସୁଯୋଗ ଦେଇଥିଲା ।

ସ୍ଵିଡେନ୍‌ର ମାମଲା ମଧ୍ୟ ଫ୍ରାନ୍ସର ଗିଜେଲଙ୍କ ସମାନ । ଗତବର୍ଷ ଅକ୍ଟୋବରରେ ମହିଳା ଜଣଙ୍କ ଉତ୍ତର ସ୍ଵିଡେନ୍‌ରେ ୬୨ ବର୍ଷୀୟ ସ୍ଵାମୀଙ୍କ ବିରୋଧରେ ପୋଲିସରେ ଅଭିଯୋଗ କରିଥିଲେ । ଯାହା ପରେ ପୋଲିସ ଅଭିଯୁକ୍ତ ସ୍ଵାମୀଙ୍କୁ ଗିରଫ କରି ନେଇଛି ।

ସ୍ତ୍ରୀ ସହ ସମ୍ପର୍କ ପାଇଁ ଅନଲାଇନ୍‌ ବିଜ୍ଞାପନ

ଅଭିଯୁକ୍ତ ଜଣଙ୍କ ହେଲ୍ସ ଆଞ୍ଜେଲର ପୂର୍ବ ସଦସ୍ୟ ବୋଲି ଜଣାପଡ଼ିଛି । ଅଭିଯୋଗ ଅନୁସାରେ, ବର୍ଷ ବର୍ଷ ଧରି ଅଭିଯୁକ୍ତ ନିଜ ସ୍ତ୍ରୀକୁ ବେଶ୍ୟାବୃତ୍ତି ପାଇଁ ବାଧ୍ୟ କରି ଆସୁଥିଲେ । ଏପରିକି ପରପୁରୁଷ ହାତକୁ ସ୍ତ୍ରୀକୁ ଟେକି ଦେଇ ଟଙ୍କା କମାଉଥିଲା ।

ଏଥିପାଇଁ ଅନଲାଇନ୍‌ରେ ବିଜ୍ଞାପନ ଦେବା ସହ ନିଜେ ଗ୍ରାହକଙ୍କ ସହ କଥା ହେଉଥିଲା । ନଜର ରଖିବା ଏବଂ ଅଧିକ ଗ୍ରାହକଙ୍କୁ ଆକର୍ଷିତ କରିବା ଲାଗି ମହିଳାଙ୍କୁ ଅନଲାଇନ୍ ସକ୍ରିୟ ରହି ସେଭଳି ଘୃଣ୍ୟ କାମ କରିବାକୁ ବାଧ୍ୟ କରୁଥିବା ଅଭିଯୋଗ ହୋଇଛି ।

ନିଶା ଦେଇ ଅଚେତ, ତା'ପରେ...

ମହିଳା ଜଣଙ୍କୁ ସ୍ଵାମୀ ଧମକ ଦେବା ସହ ନିଶା ଦେଇ ଅଚେତ କରୁଥିଲେ । ଆଉ ଏହାପରେ ଫାଇଦା ଉଠାଉଥିଲେ । ସ୍ଵିଡେନ୍‌ର ବେଶ୍ୟାବୃତ୍ତି ଆଇନ୍ ଅନୁସାରେ, ଯୌନ ସେବା ପାଇଁ କାହାରିକୁ କିଣିବା ଅମାନ୍ୟ ହୋଇଥିବା ବେଳେ ବିକ୍ରି ଲାଗି ବାଧା ନାହିଁ ।

ଏଥିସହ ପଢ଼ନ୍ତୁ: ଗୋଡ଼କୁ ରଶିରେ ବାନ୍ଧିଲା, ପ୍ରେମିକ ସହ ମିଶି ସ୍ଵାମୀର ତଣ୍ଟି କାଟିଦେଲା...

ମହିଳାଙ୍କୁ ୮ ଥର ଦୁଷ୍କର୍ମ କରାଯାଇଥିବା ଅଭିଯୋଗ ହୋଇଛି । ଯାହାକୁ ସ୍ଵାମୀ ଅସ୍ଵୀକାର କରିଛନ୍ତି । ମହିଳା ଜଣଙ୍କ ପରପୁରୁଷ ସହ ସମ୍ପର୍କ ରଖିବାକୁ ମନା କରିବାରୁ ଧମକ ଦେଇଥିଲେ ସ୍ଵାମୀ । ଏହି ଘଟଣା ୨୦୨୨ ଅଗଷ୍ଟ ୧୧ରୁ ୨୦୨୫ ଅକ୍ଟୋବର ୨୧ ମଧ୍ୟରେ ଘଟିଛି ।

୧୨୦ ସନ୍ଦିଗ୍ଧ ଚିହ୍ନଟ

ପୋଲିସରେ ଏତଲା ହୋଇଥିବା ବେଳେ ଯୌନ ସମ୍ପର୍କକୁ କିଣିଥିବା ଅଭିଯୋଗରେ ୧୨୦ ଜଣ ସନ୍ଦିଗ୍ଧଙ୍କୁ ଚିହ୍ନଟ କରାଯାଇଛି । ୨୬ ଜଣ ପୁରୁଷଙ୍କ ବିରୋଧରେ ଯୌନ ସେବା କ୍ରୟ କରିଥିବାର ଅଭିଯୋଗ ରହିଛି । ଅନ୍ୟମାନଙ୍କ ସମ୍ପୃକ୍ତି ନେଇ ତଦନ୍ତ ଚାଲିଛି ।